ជាតិ
រូបភាពបានពីក្រសួងអប់រំ យុវជន និងកីឡា
×![]()
ដំណើរការកំណែលើសន្លឹកកិច្ចការបេក្ខជនប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ឆ្នាំ២០១៨ បានបញ្ចប់ហើយនៅព្រឹកថ្ងៃពុធ ទី២៩ ខែសីហា នេះ។ បើតាមក្រសួងអប់រំ យុវជន និងកីឡាសន្លឹកវិញ្ញាសាបេក្ខជនប្រឡង(MCS) និងឯកសារផ្សេងៗ ត្រូវបានដឹកយកទៅរក្សាទុកនៅនាយកដ្ឋានកិច្ចការប្រឡង ដើម្បីរៀបចំដំណើរការ ស្រង់ បូកពិន្ទុ តាមកុំព្យូទ័រ។
ក្រសួងអប់រំ យុវជន និងកីឡា បានអះអាងពីដំណើរការទៅដោយរលូននៃដំណើរការកំណែលើសន្លឹកកិច្ចការបេក្ខជននារយៈពេលប៉ុន្មានថ្ងៃក្រោយមកនេះ ដោយមានការចូលរួមសង្កេតការណ៍ជាប្រចាំពីមន្ត្រីអង្គភាពប្រឆាំងអំពើពុករលួយ(ACU)។
ដំណើរការកំណែលើសន្លឹកកិច្ចការបេក្ខជនប្រឡងបាក់ឌុបឆ្នាំ២០១៨ បានអនុវត្តឡើងកាលពីថ្ងៃទី២៣ ដល់ថ្ងៃទី២៩ ខែសីហា ក្នុងមណ្ឌលកំណែ១០កន្លែង នៅរាជធានីភ្នំពេញ ជាមួយមន្រី្តកំណែ ចំនួន១៤ ៤៦៤នាក់។
សន្លឹកវិញ្ញាសាបេក្ខជនប្រឡង(MCS) និងឯកសារផ្សេងៗ ត្រូវបានដឹកយកទៅរក្សាទុកនៅនាយកដ្ឋានកិច្ចការប្រឡង ដើម្បីរៀបចំដំណើរការ ស្រង់ បូកពិន្ទុ តាមកុំព្យូទ័រ។ បន្ទាប់ពីបញ្ចប់ដំណាក់កាលនេះ ក្រសួងនឹងប្រកាសលទ្ធផលនៅថ្ងៃទី១១ ខែកញ្ញា សម្រាប់បេក្ខជនប្រឡងនៅមណ្ឌលភ្នំពេញ-ខេត្តកណ្ដាល និងលទ្ធផលបេក្ខជនប្រឡង នៅតាមខេត្តផ្សេងៗ នឹងប្រកាសលទ្ធផលនៅថ្ងៃទី១២កញ្ញា៕
Tag:
អប់រំ
ប្រឡង
បាក់ឌុប
ភ្នំពេញ
© រក្សាសិទ្ធិដោយ thmeythmey.com
