ជាតិ
នយោបាយជាតិ
សមត្ថកិច្ច មានតម្រុយច្រើន លើករណីប្លន់ធនាគារRHB រូបពីហ្វេសប៊ុកលោក គៀត ច័ន្ទថារិទ្ធ
× ភ្នំពេញ៖ ជាងមួយសប្ដាហ៍ហើយ ដែលសមត្ថកិច្ចកំពុងស្វិតស្វាញ ប្រដេញប្រកៀកក្រុមចោរប្លន់ធនាគារ RHB ឥណ្ឌូឆៃណា ។ ដ្បិតមិនទាន់សម្រេចលទ្ធផលផ្លែផ្កាក្តី ប៉ុន្តែសមត្ថកិច្ច បានតម្រុយវិវត្តច្រើនលើករណីប្លន់ធនាគារនេះ។
ស្នងការរងនគរបាលជាតិលោក គៀត ច័ន្ទថារិទ្ធ បានបង្ហើបយ៉ាងខ្លីប្រាប់សារព័ត៌មានថ្មីៗថា ករណីប្លន់ធនាគារនេះ សមត្ថកិច្ចកំពុងមានរបាយការណ៍ក្នុងដៃច្រើន ដើម្បីតាមប្រមាញ់ចាប់ខ្លួនក្រុមចោរទាំងនោះ។ «ការតាមដាននេះ សមត្ថកិច្ចយើងមានតម្រុយនិងភាពរីកចម្រើនទៅមុខ ប៉ុន្តែយើងត្រូវរក្សាការសម្ងាត់ដើម្បីទុកភារកិច្ចឲ្យសមត្ថកិច្ចតាមដានសិន»។ នេះជាការបញ្ជាក់របស់លោក គៀត ច័ន្ទថារិទ្ធ។
កាលពីថ្ងៃទី២៣ សីហាកន្លងមក មានករណីប្លន់ធនាគារRHB ឥណ្ឌូឆៃណា នៅលើផ្លូវម៉ៅសេទុង ដែលជនល្មើសទាំងនោះ មានគ្នាចំនួន៤ ដោយផ្អែកតាមវីដេអូពីកាម៉េរ៉ាសុវត្ថិភាព ខណៈទឹកប្រាក់ដែលត្រូវបានចោរយកនោះ មានការលើកឡើងក្រៅផ្លូវការថា មានចំនួនប្រមាណ១០ម៉ឺនដុល្លារអាមេរិក៕
Tag:
គៀត ច័ន្ទថារិទ្ធ
RHB
ឥណ្ឌូឆៃណា
© រក្សាសិទ្ធិដោយ thmeythmey.com