កីឡាករឆ្នើមជាច្រើនចូលនិវត្តន៍ក្រោយ World Cup ដោយប៉ាណាម៉ា មានចំនួនច្រើនជាងគេ

កីឡាអន្តរជាតិ

អន្តរជាតិ

កីឡាករឆ្នើមជាច្រើនចូលនិវត្តន៍ក្រោយ World Cup ដោយប៉ាណាម៉ា មានចំនួនច្រើនជាងគេ

02, Sep 2018 , 7:39 pm

រូបភាព

ដោយ: ទេព ពិទូរ្យ

ព្រឹត្តិការណ៍កីឡាបាល់ទាត់ពិភពលោក FIFA World Cup ឆ្នាំ២០១៨ នៅរុស្ស៊ីបានបញ្ចប់ទៅរយៈពេលជាង១ខែទៅហើយ ពោលគឺតាំងពីថ្ងៃទី១៥ ខែកក្កដា។ ក្រុមមាន់គកបារាំងបានក្លាយជាម្ចាស់ជើងឯកជាលើកទី២ ដោយយកឈ្នះក្រូអាស៊ី ៤-២ ក្នុងវគ្គផ្តាច់ព្រ័ត្រ។ អ្វីដែលជាការគត់សម្គាល់នោះ ជម្រើសជាតិប៉ាណាម៉ាដែលជាក្រុមទើបបានកៅអីទៅ World Cup លើកដំបូង មានកីឡាករចូលនិវត្តន៍ច្រើនរហូតដល់ទៅ៦រូបនៅក្រោយបញ្ចប់យុទ្ធនាការ។

ក្នុងចំណោមក្រុមចូលរួមប្រជែងពានរង្វាន់ World Cup លើកទី២០ ទាំង៣២ក្រុម សុទ្ធសឹងតែមានសមាសភាពកីឡាករទាំង២៣រូបរៀងខ្លួន ដែលភាគច្រើនកំពុងប្រកបអាជីពក្នុងលីគកីឡាបាល់ទាត់ល្បីៗនៅជុំវិញពិភពលោក។

កីឡាករសរុបទាំង៧៣៦រូប ដែលបានបង្ហាញខ្លួនក្នុងព្រឹត្តិការណ៍លំដាប់កំពូលពិភពលោកនេះខ្លះបានប្រកាសចូលនិវត្តន៍ពីក្រុមជម្រើសជាតិរបស់ពួកគេហើយ ក្នុងនោះដោយសារហេតុផលអាយុ និងខ្លះទៀតដោយសារមិនអាចជួយក្រុមឲ្យបានជោគជ័យ។

អ្វីជាការគួរចាប់អារម្មណ៍បំផុតនោះ ខ្សែបម្រើឆ្មើមក្រុមកាំភ្លើងធំ Arsenal កីឡាករ Mesut Özil បានប្រកាសចូលនិវត្តន៍ពីក្រុមឥន្ទ្រីដែកអាល្លឺម៉ង់នៅត្រឹមវ័យ២៩ឆ្នាំប៉ុណ្ណោះ ដោយសារមិនអាចជួយជម្រើសជាតិឆ្លងផុតវគ្គចែកពូល ទទួលការរិះគន់ពីក្រុមអ្នកគាំទ្រ ព្រមទាំងពាក់ពាន់នឹងរឿងរើសអើងជាតិសាសន៍ទៀតផង។

មួយវិញទៀត ប៉ាណាម៉ាដែលបានកៅអីទៅវគ្គផ្តាច់ព្រ័ត្រ World Cup លើកដំបូងក្នុងប្រវត្តិសាស្ត្រកីឡាបាល់ទាត់ មានចំនួនកីឡាករចូលនិវត្តន៍ច្រើនជាងគេរហូតដល់ទៅ ៦រូប។

ដោយឡែក សមាជិកដែលជួយក្រុមអេស្ប៉ាញឈ្នះពានក្នុងឆ្នាំ២០១០ នៅអាហ្វ្រិក៣រូបរួមមាន Gerard Piqué, Andrés Iniesta និង David Silva ក៏បានសម្រេចប្រកាសចូលនិវត្តន៍ពីជម្រើសជាតិភ្លាមៗផងដែរបន្ទាប់ពីចាញ់ម្ចាស់ផ្ទះរុស្ស៊ីត្រឹមវគ្គ១៦ក្រុមចុងក្រោយ។

ខាងក្រោមនេះជាសមាសភាពកីឡាករដែលបានប្រកាសចូលនិវត្តន៍ពីក្រុមជ្រើសជាតិ ក្រោយបញ្ចប់យុទ្ធនាការ World Cup នៅរុស្ស៊ី៖

អេស្ប៉ាញ៖ Gerard Piqué, Andrés Iniesta, David Silva

អ៊ីរ៉ង់៖ Reza Ghoochannejhad, Sardar Azmoun

រុស្ស៊ី៖ Sergei Ignashevich, Yuri Zhirkov, Aleksandr Samedov

អេហ្ស៊ីប៖ Essam El-Hadary

បារាំង៖ Adil Rami, Laurent Koscielny (របួស និងមិនមានវត្តមាននៅរុស្ស៊ី)

ដាណឺម៉ាក៖ Michael Krohn-Dehli, William Kvist

អូស្ត្រាលី៖ Tim Cahill

ក្រូអាស៊ី៖ Vedran Ćorluka, Mario Mandzukic

អាហ្សង់ទីន៖ Lucas Biglia, Javier Mascherano

អ៊ីស្លង់៖ Ragnar Sigurðsson,

ស្វីស៖ Gelson Fernandes