ជាតិ
នយោបាយជាតិ
លោក ជួង ជូងី មេធាវីការពារក្ដីលោក គឹម សុខ នឹងចូលសវនាការតាមដីកាកោះហៅ
× ភ្នំពេញ៖ ចៅក្រមស៊ើបសួរសាលាដំបូងរាជធានីភ្នំពេញ លោក លាង សំណាត់ បានកោះហៅលោក ជួង ជូងី មេធាវីការពារក្ដីលោក គឹម សុខ ឲ្យចូលស្ដាប់ការបំភ្លឺរបស់កូនក្តីលោក នៅថ្ងៃទី១៤ ខែកញ្ញា ខាងមុខ។ លោក ជួង ជូងី នឹងចូលរួមក្នុងនាមជាមេធាវីការពារសិទ្ធិលោក គឹម សុខ។
ដ្បិតមិនទាន់ដឹងដំណឹងពីលោក គឹម សុខ ក្តី ប៉ុន្តែលោក ជួង ជូងី ត្រៀមខ្លួនជាស្រេចចូលតាមការកោះហៅរបស់តុលាការ។ លោកមេធាវី ជួង ជូងី បញ្ជាក់យ៉ាងដូច្នេះថា៖«ខ្ញុំមិនទាន់បានទទួលព័ត៌មានអ្វីពីគាត់(គឹម សុខ) នៅឡើយទេ បើគាត់ទទួលបានដីកាកោះ គាត់នឹងទាក់ទងមកខ្ញុំ។ ចំពោះព័ត៌មានរឿងគាត់ភៀសខ្លួន ខ្ញុំមិនបានទទួលព័ត៌មានអ្វីច្បាស់លាស់ទេ ចឹងខ្ញុំមិនអាចនិយាយអ្វីបានទេ»។
នៅក្នុងដីការកោះហៅរបស់តុលាការ ដែលចេញដោយចៅក្រមស៊ើបសួរលោក លាង សំណាក់ បានបញ្ជាក់ថាលោក គឹម សុខ ត្រូវបានជាប់ចោទពីបទ បរិហាកេរ្តិ៍ជាសាធារណៈ និងញុះញង់ ឲ្យប្រព្រឹត្តបទឧក្រិដ្ឋជាអាទ៍ ដែលបានប្រព្រឹត្តិទៅកាលពីថ្ងៃទី១៣ ខែកុម្ភៈ ឆ្នាំ២០១៧។ ក្នុងករណីដែលលោក គឹម សុខ មិនចូលខ្លួនតាមការកំណត់ខាងលើទេ តុលាការនឹងចេញដីការបង្គាប់ឲ្យនាំខ្លួន។ នេះបើតាមដីការកោះហៅរបស់តុលាការចុះថ្ងៃទី២៨ ខែកញ្ញា ឆ្នាំ២០១៨៕
Tag:
នយោបាយ
អ្នកវិភាគ
គឹមសុខ
ជួង ជូងី
© រក្សាសិទ្ធិដោយ thmeythmey.com