ជាតិ
សេដ្ឋកិច្ច
ក្រសួងពាណិជ្ជកម្ម កៀងគរផលិតផលខ្មែរ មកដាក់តាំងបង្ហាញក្នុងពិធីបុណ្យសមុទ្រឆ្នាំនេះ
× ភ្នំពេញ៖ ក្នុងឱកាសបុណ្យសមុទ្រឆ្នាំ២០១៨ នៅខេត្តកោះកុង ក្រសួងពាណិជ្ជកម្មប្រកាសកៀងគរផលិតផលខ្មែរសម្រាប់ដាក់តាំងបង្ហាញក្នុងព្រឹត្តិការណ៍មួយនេះ។ នេះបើតាមសេចក្ដីជូនដំណឹងរបស់ក្រសួង នៅថ្ងៃទី៧ខែកញ្ញា។
ក្រសួងពាណិជ្ជកម្មនឹងរៀបចំពិព័រណ៍ពាណិជ្ជកម្មផលិតផលខ្មែរ«យុទ្ធនាការទិញផលិតផលខ្មែរ» ក្នុងឱកាសបុណ្យសមុទ្រឆ្នាំ២០១៨ នៅខេត្តកោះកុង ចាប់ពីថ្ងៃទី១៣ ដល់ថ្ងៃទី១៦ខែធ្នូ។ ការរៀបចំពិព័រណ៍នេះ មានគោលបំណងទាញការចាប់អារម្មណ៍របស់ប្រជាពលរដ្ឋ ឲ្យងាកមកគាំទ្រផលិតផលក្នុងស្រុកឲ្យបានច្រើន។
ក្រសួងពាណិជ្ជកម្មនឹងប្រមូលកៀងគរផលិតផលខ្មែរ ដែលមានគុណភាពខ្ពស់ សុវត្ថិភាព វេចខ្ចប់ល្អ ពីទូទាំងប្រទេស មកដាក់តាំងបង្ហាញ និងស្វែងរកដៃគូយកទៅលក់បន្ត ក្នុងឱកាសពិធីបុណ្យសមុទ្រ ខាងមុខនេះ។
ម្ចាស់អាជីវកម្មផលិតកម្ម ដែលមានបំណងចូលរួមតាំងបង្ហាញផលិតផលរបស់ខ្លួនក្នុងព្រឹត្តិការណ៍នេះ ត្រូវរួសរាន់ដាក់ពាក្យនៅអគ្គនាយកដ្ឋានជំរុញពាណិជ្ជកម្មនៃក្រសួងពាណិជ្ជកម្ម៕
Tag:
ផលិតផលខ្មែរ
បុណ្យសមុទ្រ
© រក្សាសិទ្ធិដោយ thmeythmey.com