កីឡាជាតិ
ណាហ្គាខប និងគិរីវង់សុខសែនជ័យ ទទួលជ័យជម្នះរៀងៗខ្លួន ស៊ុន សុវណ្ណរិទ្ធី រកគ្រាប់បាល់បើកឆាកនាជំនួបរវាងណាហ្គាខប និងនគរបាលជាតិ
×
× Friday អ្នកនាំជ័យជម្នះសម្រាប់គិរីវង់លើក្រសួងការពារជាតិ
×
× ណាហ្គាខប និងគិរីវង់សុខសែនជ័យ សុទ្ធតែដណ្តើមបានបីពិន្ទុរៀងខ្លួននាជំនួបសប្តាហ៍ទី១៧នៃក្របខណ្ឌមិត្តហ្វូនខេមបូឌានលីកឆ្នាំ២០១៣ នារសៀលថ្ងៃអាទិត្យ ទី៣០ ខែឧសភា នៅលើទីលានពហុកីឡដ្ឋានជាតិ។
ណាហ្គាខបបានបំបាក់ក្រុមអគ្គស្នងការដ្ឋាននគរបាលជាតិ ២-០ តាមរយៈការស៊ុតបាល់បញ្ចូលទីរបស់ ស៊ុន សុវណ្ណរិទ្ធី នៅក្នុងតង់ទីមួយ និងទៀប វឌ្ឍនៈនៅក្នុងតង់ទីពីរ។ ណាហ្គាខបបានដណ្តើមចំណាត់ថ្នាក់លេខ៤វិញ ដោយមាន២៨ពិន្ទុ ខណៈនគរបាលជាតិនៅទ្រឹងជាមួយនឹង១៩ពិន្ទុ និងឈរនៅចំណាត់ថ្នាក់ទី៧ ។
ដោយឡែកជំនួបគូទីមួយ គិរីវង់សុខសែនជ័យ បានបំបាក់ក្រសួងការពារជាតិ ២-១ ។ អ៊ុព កា ម៉ុល រកគ្រាប់បាល់នាំមុខឲ្យការពារជាតិ ប៉ុន្តែក្រោយមក មិត្តរួមក្រុមរបស់គេ អ៊ុង វីតា បានភ្លាត់ស្នៀតធ្វើឲ្យបាល់ចូលទីខ្លួន។ ការប្រកួតដំណើរការបានជាងមួយម៉ោង Nwakuna Friday រកបានគ្រាប់បាល់ជ័យជម្នះសម្រាប់គិរីវង់។
បីពិន្ទុបន្ថែមនាំឲ្យគិរីវង់ឈរនៅលេខ៤ដោយមាន២៧ពិន្ទុស្មើក្រុមលេខ៥ បៀលប្រាយយូណាយធីត។ ដូច្នេះជាមួយនឹងការប្រកួតមួយលើកទៀតដែលនៅសេសល់ ណាហ្គាខប គិរីវង់ និងបៀលប្រាយនៅមានពិន្ទុប្រទាញប្រទង់គ្នាសម្រាប់តំណែងនៅតំបន់ Top 4។
មកដល់ពេលនេះ ចម្ការកៅស៊ូបឹងកេតទទួលបានតំណែងលេខ១ ខណៈភ្នំពេញក្រោនអាចស្ថិតក្នុងចំណាត់ថ្នាក់លេខ២ ឬលេខ៣ ។ ដោយឡែកស្វាយរៀង បើទោះបីជាពួកគេមិនទាន់ជាប់១០០ភាគរយក្តី ប៉ុន្តែបើយោងតាមស្ថានភាពបច្ចុប្បន្ន ពួកគេអាចបញ្ចប់ក្នុងចំណាត់ថ្នាក់លេខ៣ ឬលេខ៤ ។ ណាហ្គាខប គិរីវង់ និងបៀលប្រាយនៅមានការប្រទាញប្រទង់គ្នាសម្រាប់តំណែងមួយនៅ Top 4 ។
អគ្គស្នងការដ្ឋាននគរបាលជាតិ និងក្រសួងការពារជាតិ បានបាត់បង់ឱកាសក្នុងការប្រជែងចូលតំបន់ Top 4 ហើយ ខណៈអាស៊ីអឺរ៉ុប និងព្រឹទ្ធសភា គឺជាក្រុមដែលត្រូវកាត់ចោល៕
© រក្សាសិទ្ធិដោយ thmeythmey.com