អន្តរជាតិ
ប្រទេសចិនបដិសេធកិច្ចចរចាជាថ្មីជាមួយស.រ.អា.ដើម្បីដោះស្រាយជម្លោះពាណិជ្ជកម្ម
×![]()
ដោយ: AFP
ប្រទេសចិននិយាយថា មិនអាចធ្វើកិច្ចចរចាពាណិជ្ជកម្មជាមួយស.រ.អា.បានទេនៅពេលមានការយកពន្ធគយថ្មីថែមទៀត។
ស.រ.អា.បានដាក់កំហិតពន្ធគយលើទំនិញចិនមានទឹកប្រាក់២០០រយពាន់លានដុល្លារ ហើយពន្ធគយសងសឹកដាក់កំហិតដោយរដ្ឋាភិបាលក្រុងប៉េកាំងលើទំនិញស.រ.អា.មានទឹកប្រាក់៦០ពាន់លានដុល្លារ បានចូលជាធរមានកាលពីថ្ងៃចន្ទ។
លោកអនុរដ្ឋមន្ត្រីពាណិជ្ជកម្មចិន Wang Shouwen បានសួរពួកអ្នកកាសែតនៅក្នុងក្រុងប៉េកាំងនៅថ្ងៃអង្គារនេះថាតើកិច្ចចរចាណាមួយអាចធ្វើកើតនៅពេលនេះដែលរដ្ឋបាលលោក Trump បានអនុម័ត «ការរឹតត្បិតទំហំធំ» បែបនេះដែលលោកបាននិយាយថាដូចជា «យកកាំបិតដាក់ភ្ជាប់នឹងកនរណាម្នាក់»។ លោក Wang បានដឹកនាំគណៈប្រតិភូចិនមួយមកកាន់រដ្ឋធានីវ៉ាស៊ីនតោនដើម្បីធ្វើកិច្ចចរចាជុំចុងក្រោយបង្អស់រវាងភាគីទាំងពីរកាលពីខែសីហា។
ពន្ធគយស.រ.អា.ថ្មីមានដាក់លើផលិតកម្មធ្វើនៅក្នុងប្រទេសចិនរាប់ពាន់មុខដោយមានរួមបញ្ចូលគ្រឿងអេឡិចត្រូនិក ម្ហូបអាហារ គ្រឿងឧបករណ៍ និងសម្ភារៈប្រើប្រាស់ក្នុងផ្ទះ។ ពន្ធដារថ្មីៗទាំងនេះចាប់ផ្តើមចំនួន១០ភាគរយ បន្ទាប់មកនឹងឡើងដល់២៥ភាគរយនៅថ្ងៃទី១ ខែមករា ឆ្នាំ២០១៩។ នៅក្នុងចំណោមវត្ថុដែលមានរួមបញ្ចូលក្នុងពន្ធគយថ្មីៗរបស់ចិនលើផលិតកម្មស.រ.អា.មានឧស្ម័នធម្មជាតិរាវផងដែរ៕
© រក្សាសិទ្ធិដោយ thmeythmey.com
