ជាតិ
សេដ្ឋកិច្ច
ពេលបុណ្យទានមានតម្រូវការទំនិញច្រើន តែលុយក៏ហូរចេញទៅក្រៅប្រទេសច្រើនដែរ
× ភ្នំពេញ៖ ពេលមានពិធីបុណ្យជាតិធំៗម្ដងៗ តម្រូវការប្រើប្រាស់ទំនិញមានច្រើនជាងថ្ងៃធម្មតា ចំពោះផលិតផលមួយចំនួន។ បុណ្យភ្ជុំ មានតម្រូវការទៅលើត្រីបន្លែ សាច់ សម្ភារសែនថ្វាយ ភេសជ្ជ ស្រាបៀ សម្ភារប្រើប្រាស់មួយចំនួន ជាដើម។
ទន្ទឹមនឹងមានតម្រូវការកើនឡើង តែការទាញយកផលប្រយោជន៍សេដ្ឋកិច្ចតាមរយៈការផលិតផ្គត់ផ្គង់តម្រូវការ ហាក់តិចតួចនៅឡើយ បើធៀបនឹងការនាំចូលទំនិញពីក្រៅប្រទេស។ លោក ង៉ែត ជូ អ្នកជំនាញសេដ្ឋកិច្ច សង្កេតឃើញថា កម្ពុជាជាប្រទេសប្រើប្រាស់ផលិតផល ដែលបាននាំចូលទំនិញពីក្រៅច្រើនលើសលុប។ លោកបន្ថែមថា ឆ្លើយតបនឹងបញ្ហានេះ រដ្ឋាភិបាល ផ្នែកឯកជន និងអ្នកពាក់ព័ន្ធ ត្រូវជំរុញការផលិតក្នុងស្រុក ទើបកម្ពុជាក្លាយជាអ្នកទទួលផលយ៉ាងពិតប្រាកដពីតម្រូវប្រើប្រាស់ក្នុងប្រទេសរបស់ខ្លួន។
ការជំរុញការផលិត និងគាំទ្រផលិតផលក្នុងស្រុកជាដំណោះស្រាយមួយហើយ តែអ្វីដែលមួយទៀត គឺពលរដ្ឋអាចកាត់បន្ថយចំណាយណាដែលមិនចាំបាច់ និងខ្ចះខ្ជាយ ពិសេសទាក់ទងនឹងសម្ភារសំណែនផ្សេងៗ។ លោក ង៉ែត ជូ បានលើកថា ប្រទេសសិង្ហបុរី ជាគំរូល្អមួយ ដោយបានលុបបំបាត់ការចំណាយខ្ចះខ្ជាយមួយចំនួន ជាអាទិ៍ ការមិនដុតក្រដាសសែន៕
© រក្សាសិទ្ធិដោយ thmeythmey.com