ជាតិ
លោក កុយ ប៊ុនថា អតីតរដ្ឋមន្ត្រីការពារជាតិ បានទទួលមរណភាព
× លោក កុយ ប៊ុនថា សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាអតីតរដ្ឋមន្ត្រីក្រសួងការពារជាតិ កាលពីសម័យសាធារណរដ្ឋប្រជាមានិតកម្ពុជា បានទទួលមរណភាពក្នុងអាយុ៦៧ឆ្នាំ នៅថ្ងៃទី១៥ ខែមករា ឆ្នាំ២០១៩។
លោក កុយ ប៊ុនថា ដែលជាឧត្តមសេនីយ៍ម្នាក់ក្នុងក្រសួងការពារជាតិផងដែរនោះ ជាអតីតរដ្ឋមន្ត្រីក្រសួងការពារជាតិនៅសម័យសាធារណរដ្ឋប្រជាមានិតកម្ពុជា មុនពេលដែលតំណែងនេះ ត្រូវបានជំនួសដោយសម្តេច ទៀ បាញ់ ដែលផ្ទេរពីក្រសួងគមនាគមន៍ និងដឹកជញ្ជូន។
តាមកំណត់ត្រារបស់ក្រសួងសង្គមកិច្ច អតីតយុទ្ធជន និងយុវនីតិសម្បទា លោក កុយ ប៊ុនថា ធ្លាប់កាន់តំណែងជារដ្ឋមន្ត្រីនៃក្រសួងមួយនាថ្ងៃទី១៧ខែកញ្ញា ឆ្នាំ១៩៩០ រហូតមានការបោះឆ្នោត ដោយកាលណោះមានឈ្មោះថា ក្រសួង យុទ្ធជនពិការ និងសង្គមកិច្ច។
លោក កុយ ប៊ុនថា ក៏ជាអតីតទីប្រឹក្សាប្រធានព្រឹទ្ធសភា ផងដែរ ប៉ុន្តែសារព័ត៌មាន ThmeyThmey មិនមានឯកសារលំអិតទាក់ទងនឹងប្រវត្តិរបស់ឥស្សរជនរូបនេះឡើយ៕
© រក្សាសិទ្ធិដោយ thmeythmey.com