ជាតិ
×![]()
ដោយ: ថ្មីៗ
ភ្នំពេញ៖ ផលិតកម្មបារមី និង The Sound Initiative បានរៀបចំកម្មវិធីប្រគំតន្ត្រី ដើម្បីលើកកម្ពស់ និងអបអរសាទរទិវាសិទ្ធនារីអន្តរជាតិ ក្រោមជំនួយដ៏ធំរបស់ស្ថានទូតស៊ុយអែតប្រចាំនៅកម្ពុជា និងអង្គការសហប្រជាជាតិនៅកម្ពុជា។ ការប្រគំតន្ត្រីនេះ នឹងរៀបចំឡើងនៅថ្ងៃទី៨ មីនា នៅអគារភ្នំពេញ Factory។
លោកស្រី Pauline Tamesis អ្នកសម្របសម្រួលអង្គការសហប្រជាជាតិនៅកម្ពុជា បានមានប្រសាសន៍ថា ការប្រគំតន្ត្រីនេះ គឺជាចក្ចុវិស័យដ៏សំខាន់មួយ ដើម្បីជំរុញឲ្យមានការផ្លាស់ប្តូរ និងធានាសិទ្ធិ រួមទាំងសំឡេងរបស់ស្ត្រី និងយុវតីនៅទូទាំងប្រទេសកម្ពុជា ដែលត្រូវបានគេទទួលស្គាល់ពេញលេញ។ «យើងពិតជាមានមោទនភាពណាស់ដែលបានចូលរួមប្រារព្ធទិវាសិទ្ធិនារីអន្តរជាតិឆ្នាំ២០១៩ ជាមួយក្រុមស្ត្រីអ្នកដឹកនាំវ័យក្មេង»។ នេះជាការលើកឡើងរបស់លោកស្រី Pauline Tamesis។
វេទិកាប្រគំតន្ត្រី គឺដើរតួនាទីយ៉ាងសំខាន់មួយនៅក្នុងការរៀបចំកិច្ចសន្ទនា និងការប្រារព្ធកម្មវិធីនានា។
តេង សុផាន់ណា ប្រធានធនធានមនុស្សនៃក្រុមហ៊ុនស្មាត បាននិយាយថា ៖ «ខ្ញុំពិតជារំភើបខ្លាំងណាស់ដែលឃើញព្រឹត្តិការណ៍ដ៏អស្ចារ្យមួយនេះ ដែលអាចឲ្យយើងផ្លាស់ប្តូរការគិតដែលស្ត្រីមិនអាចទៅឆ្ងាយបាន។ ព្រឹត្តិការណ៍នេះ នឹងបង្កើតផលប៉ះពាល់ជាវិជ្ជមានសម្រាប់ស្ត្រីនៅក្នុងសង្គម។ ជឿជាក់លើខ្លួនអ្នក»។
ព្រឹត្តិការណ៍ការប្រគំតន្ត្រីអបអរទិវាសិទ្ធិនារី រៀបចំដោយផលិតកម្មបារមី និង The Sound Initiative សហការជាមួយក្រុមហ៊ុនស្មាត។ ម្ចាស់ជំនួយសប្បុរសនានាសម្រាប់ព្រឹត្តិការណ៍ប្រគំតន្ត្រីនេះ រួមមានស្ថានទូតស៊ុយអែតប្រចាំនៅកម្ពុជា អង្គការសហប្រជាជាតិនៅកម្ពុជា(UNDP, OHCHR, WFP, UNFPA, UNAIDS), ក្រុមហ៊ុន Vivo ក្រុមហ៊ុន Mekong Homes កិច្ចសហប្រតិបត្តិការណ៍ និងអភិវឌ្ឍន៍អន្តរជាតិរបស់ស្វីស ស្ថានទូតចក្រភពអង់គ្លេស ស្ថានទូតអូស្ត្រាលី និងក្រុមហ៊ុនតូយ៉ូតា៕
Tag:
UN
សិទ្ធិនារី
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
