នាយករដ្ឋមន្ត្រី ឲ្យ២០ម៉ឺនរៀល ទៅអ្នកធាក់ស៊ីក្លូម្នាក់ៗ ទុកចាយចូលឆ្នាំ

ជាតិ

សង្គមជាតិ

នាយករដ្ឋមន្ត្រី ឲ្យ២០ម៉ឺនរៀល ទៅអ្នកធាក់ស៊ីក្លូម្នាក់ៗ ទុកចាយចូលឆ្នាំ

08, Mar 2019 , 9:39 pm

រូបភាព

សម្តេច ហ៊ុន សែន ផ្តល់អំណោយ ដល់អ្នកធាក់ស៊ីក្លូ៣២0នាក់ នោព្រឹកថ្ងៃទី៨ ខែមីនា ឆ្នាំ២០១៩

ដោយ: ថ្មីៗ

អ្នកធាក់ស៊ីក្លូ៣២០នាក់ បានទទួលថវិកា២០ម៉ឺនរៀលក្នុងម្នាក់ៗ ពីសម្តេចនាយករដ្ឋមន្ត្រី ហ៊ុន សែន។ សម្តេច ហ៊ុន សែន បានជួបសំណេះសំណាលនិងពិសាអាហារជាមួយអ្នកធាក់ស៊ីក្លូ នៅព្រឹកថ្ងៃទី៨ ខែមីនា ឆ្នាំ២០១៩នេះ។

ក្រៅពីថវិកា សម្តេចនាយករដ្ឋមន្ត្រី នៅបានផ្តល់ អាវភ្លៀង១ មុង១ មី១កេះ និងអង្ករ៣០គីឡូក្រាម ដល់អ្នកធាក់ស៊ីក្លូទាំងនោះ។ លើសពីនេះ អ្នកធាក់ស៊ីក្លូទាំងនោះ នឹងទទួលបានថវិកា៥ម៉ឺនរៀលបន្ថែមទៀត ដែលជាថវិកា ត្រូវទទួលបានជារៀងរាល់ឆ្នាំ ពីមូលនិធីស៊ីក្លូ។

ក្នុងពិធីជួបសំណេះសំណាលនោះ ប្រមុខរដ្ឋាភិបាល បានផ្ញើសារទៅកាន់គ្រប់មន្ទីរពេទ្យរដ្ឋ ឲ្យយកចិត្តទុកដាក់លើអ្នកធាក់ស៊ីក្លូ ពេលពួកគេ ចូលសម្រាកព្យាបាល ហើយមិនត្រូវយកប្រាក់ពីពួកគេឡើយ។

សូមបញ្ជាក់ថា កាលពីដើមឆ្នាំ២០១៨ ប្រមុខរដ្ឋាភិបាល បានបង្កើតមូលនិធិស៊ីក្លូ ដែលមូលនិធិនេះ បានផ្តល់ថវិកាប្រមាណ២១ម៉ឺនរៀលក្នុងមួយខែ ដល់អ្នកធាក់ស៊ីក្លូ៕