អត្ថបទពាណិជ្ជកម្ម
ស្ថាប័នអប់រំនូវែលសេឡង់ទាំង ១២ បានជួបពិភាក្សាផ្ទាល់ជាមួយសិស្ស និស្សិតជាង ៤០០ នាក់
× អ្នកតំណាងស្ថាប័នអប់រំ និងសាកលវិទ្យាល័យមកពីប្រទេសនូវែលសេឡង់ចំនួន ១២ នាក់បានធ្វើដំណើរមកកាន់ទីក្រុងភ្នំពេញ ដើម្បីចូលរួមកម្មវិធីពិព័រណ៌ការសិក្សា និងអាហារូបករណ៍នៅនូវែលសេឡង់ ដែលធ្វើឡើងនៅថ្ងៃ ២៧ មីនា ឆ្នាំ ២០១៩ នៅសាលា ACE សាខាទួលទំពូង ចាប់ពីម៉ោង ៩ ព្រឹក ដល់ម៉ោង ៤ល្ងាច។ ជារៀងរាល់ឆ្នាំ កម្មវិធីពិព័រណ៌នេះ ត្រូវបានរៀបចំឡើងដោយស្ថាប័នអប់រំ IDP កម្ពុជា និងបើកឲ្យសាធារណជនអាចចូលរួមដោយសេរី ហើយមិនតម្រូវឲ្យបង់ប្រាក់ទេ។
កម្មវិធីពិព័រណ៌នេះបានផ្តល់ឱកាសឲ្យសិស្សនិស្សិត និងអាណាព្យាបាលទាំងអស់ បានជួបពិភាក្សាផ្ទាល់ជាមួយស្ថាប័នអប់រំនូវែលសេឡង់ ដើម្បីស្វែងយល់ព័ត៌មានអំពីជម្រើសសិក្សាគ្រប់កម្រិតចាប់ពីថ្នាក់វិទ្យាល័យ ថា្នក់អប់រំវិជ្ជាជីវៈវគ្គខ្លី និងកម្មវិធីសិក្សាថ្នាក់សាកលវិទ្យាល័យ ទទួលបានការពិគ្រោះ និងណែនាំទៅលើជម្រើសសិក្សា កម្មវិធីសិក្សាផ្សេងៗ និងរួមទាំងឱកាសការងារ ក៏ដូចជាព័ត៌មានអំពីអាហារូបករណ៍ដែលពាក់ព័ន្ធ។ ព័ត៌មានទាក់ទងនឹងកម្មវិធីសិក្សាផ្សេងៗទៀត និងព័ត៌មានពីតម្រូវទិដ្ឋាការនានា ក៏បានផ្តល់ជូននៅក្នុងកម្មវិធីពិព័រណ៌ផងដែរ។
«ការមកចូលរួមកម្មវិធីពិព័រណ៌យ៉ាងច្រើនកុះករពីសិស្ស និស្សិត និងអាណាព្យាបាលកម្ពុជានាថ្ងៃនេះ សរបញ្ជាក់ឲ្យឃើញពីការប្រែក្លាយប្រជាប្រិយភាពនៃប្រទេសនូវែលសេឡង់ ជាប្រទេសទិសដៅសិក្សាដ៏ល្បីល្បាញមួយ»។ នេះជាប្រសាសន៍លោក ម៉ៅ ស្រេង នាយកស្ថាប័នអប់រំIDP ប្រចាំប្រទេសកម្ពុជា។
ដោយឡែកមន្ត្រីមណ្ឌលប្រលង IELTS ប្រចាំប្រទេសកម្ពុជា បានចូលរួមផ្តល់ប្រឹក្សាពីការចុះឈ្មោះប្រលង និងការត្រៀមប្រលង IELTS។ អ្នកតំណាងមកពីមជ្ឈមណ្ឌលអូស្រា្តលីសម្រាប់ការបណ្តុះបណ្តាល (ACE) ក៏មានវត្តមានក្នុងកម្មវិធីនេះ ដោយបានផ្តល់នូវព័ត៌មានទាក់ទងនឹងការសិក្សាភាសាអង់គ្លេស ដើម្បីត្រៀមខ្លួនបំពេញលក្ខខណ្ឌ របស់ស្ថាប័នអប់រំនូវែលសេឡង់។
«អ្នកតំណាងដែលមកចូលរួមកម្មវិធីពិព័រណ៌ការសិក្សានូវែលសេឡង់បានជួបពិភាក្សាជាមួយសិស្ស និស្សិតជាង ៤០០ នាក់ដើម្បីជជែក និងពិគ្រោះដោយផ្ទាល់ និងបានផ្តល់នូវចម្លើយទៅកាន់ចម្ងល់ជាច្រើនរបស់សិស្សដែលបានចូលរួមទៀតផង។ លើសពីនេះ អ្នកជំនាញប្រឹក្សាការសិក្សានៅបរទេសរបស់ស្ថាប័ន IDP ក៏មានវត្តមានផ្ទាល់នៅក្នុងកម្មវិធី ដែលជាគុណសម្បត្តិមួយទៀតសម្រាប់សិស្ស និស្សិតដែលបានអញ្ជើញមកចូលរួម» ។ នេះជាការបញ្ជាក់របស់លោក ឈាង វ៉ាន់តាក់ ប្រធានផ្នែកទំនាក់ទំនងសិស្ស និស្សិតទៅសិក្សានៅក្រៅប្រទេសប្រចាំស្ថាប័នអប់រំ IDP កម្ពុជា។
IDP Education គឺជាស្ថាប័នធំជាងគេបង្អស់លើពិភពលោក ដែលបានដើរតួនាទីក្នុងការបញ្ជូនសិស្សនិស្សិត ទៅសិក្សានៅប្រទេសអូស្ត្រាលី អង់គ្លេស នូវែលសេឡង់ កាណាដា អាមេរិក និងអៀរឡង់ ជាមួយនឹងការិយាល័យជាង ១០០ នៅច្រើនជាង ៣២ប្រទេសជុំវិញពិភពលោក។ ការប្រឹក្សា និងការបំពេញទម្រង់បែបបទសិក្សា ដែលផ្តល់ជូនដោយស្ថាប័ន IDP ធ្វើឡើងដោយឥតគិតថ្លៃ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com