អត្ថបទពាណិជ្ជកម្ម
×![]()
ដោយ: ថ្មីៗ
រដ្ឋបាលខេត្តកែប សហការជាមួយក្រុមហ៊ុន A&S Advertising រៀបចំព្រឹត្តិការណ៍សង្ក្រាន្តខេត្តកែប រយៈពេល៣ថ្ងៃ ចាប់ពីថ្ងៃទី ១៤-១៦ ខែមេសា ឆ្នាំ២០១៩ ដើម្បីបង្កើតភាពសប្បាយរីករាយជូនភ្ញៀវទេសចរជាតិ និងអន្តរជាតិ បង្កើតការជួបជុំប្រមូលផ្តុំលេងល្បែងប្រជាប្រិយខ្មែរ នៅក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។ ព្រឹត្តិការណ៍ដ៏រីករាយនេះ ក៏ទទួលបានការឧបត្ថម្ភផ្តាច់មុខដោយស្រាបៀអង្គរ និងភេសជ្ជៈ Pepsi ផងដែរ។
នេះគឺជាលើកដំបូងបំផុត ដែលខេត្តកែបមានរៀបចំព្រឹត្តិការណ៍សង្ក្រាន្ត ដូច្នេះកុំភ្លេចចូលរួមលេងកម្សាន្តសង្ក្រាន្តខេត្តកែបរបស់យើង ឲ្យបានច្រើនកុះករណា ព្រោះថារយៈពេល៣ថ្ងៃនេះ នឹងមានការរៀបចំកម្មវិធីកម្សាន្តសប្បាយៗជាច្រើន ដូចជាការលេងល្បែងប្រជាប្រិយខ្មែរជាច្រើនប្រភេទដូចជាចោលឈូង ទាញព្រ័ត្រ ល្បែងវាយក្អម និងការលេងបាញ់ទឹកផងដែរ។ ទន្ទឹមនោះបងប្អូនប្រជាប្រពលរដ្ឋ នឹងបានរាំលេងកម្សាន្តជាមួយនឹងចង្វាក់ប្រពៃណីខ្មែរ ការរាំលេងកម្សាន្តជាមួយDJ និងបទចម្រៀងបែបពេញនិយម ទស្សនាការប្រគំតន្ត្រីខ្នាតធំ ការតាំងពិព័រណ៍ផលិតផល នៅទីតាំងសួនច្បារខាងមុខសាលាខេត្តកែបផងដែរ។ លើសពីនេះ នឹងមានការបាញ់កាំជ្រួចនៅពេលរាត្រី ដើម្បីអបអរសាទរព្រឹត្តិការណ៍សង្ក្រាន្តខេត្តកែប និងញ៉ាំងឲ្យព្រឹត្តិការណ៍នេះ កាន់តែរំភើបរីករាយ និងទាក់ទាញ។
ជាការរៀបចំលើកទី១មែន ប៉ុន្តែប្រជាពលរដ្ឋ មិនចាំបាច់បារម្ភចំពោះសុវត្ថិភាពនោះទេ ព្រោះរដ្ឋបាលខេត្តបានយកចិត្តទុកដាក់ចំពោះសន្តិសុខ,សុវត្តិភាពចំពោះប្រជាពលរដ្ឋត្រៀមកងកម្លាំងសន្តិសុខជាច្រើននាក់រួចជាស្រេច ដើម្បីការពារសន្តិសុខ សុវត្ថិភាព និងរៀបចំសណ្តាប់ធ្នាប់នៅក្នុងព្រឹត្តិការណ៍សង្ក្រាន្តរយៈពេល៣ថ្ងៃនេះ។ កាន់តែពិសេសជាងនេះទៀតនោះ អាជ្ញាធរខេត្ត ក៏បានណែនាំដល់ម្ចាស់សណ្ឋាគារ ម្ចាស់ផ្ទះសំណាក់ និងប្រតិបត្តិករទេសចរណ៍ដទៃទៀតយកចិត្តទុកដាក់ផ្តល់សេវាឲ្យល្អបំផុតជូនភ្ញៀវទេសចរផងដែរ ដើម្បីលើកកម្ពស់វិស័យទេសចរណ៍នៅក្នុងខេត្តទាំងមូលផងដែរ។
ដឹងតែ សប្បាយឲ្យអស់ដៃហើយ សង្ក្រាន្តខេត្តកែប មានកម្មវិធីប្រពៃណីច្រើនហើយ មិនបាច់ភ័យរឿងសន្តិសុខ និងកន្លែងស្នាក់នៅនោះទេ។ កុំភ្លេច បងប្អូនទាំងអស់ ទៅលេងសង្ក្រាន្តខេត្តកែបទាំងអស់គ្នាណា៕
© រក្សាសិទ្ធិដោយ thmeythmey.com
