អត្ថបទពាណិជ្ជកម្ម
ហេតុអ្វី គ្រប់គ្នាលង់ស្រលាញ់ OPPO F11 Pro?
× មានមនុស្សជាច្រើន បានលង់ស្រលាញ់ទូរស័ព្ទ OPPO F11 Pro ស្ទើរតែមិនគួរឲ្យជឿ ដោយសារតែនៅថ្ងៃចុងក្រោយ នៃកម្មវិធី Pre-Order មានមនុស្សជាច្រើនបាននាំគ្នា កម្មង់ទូរស័ព្ទ F11 pro យ៉ាងសន្ធឹកសន្ធាប់។ គឺជាការ Pre-Order ហួសពីការរំពឹងទុករបស់ក្រុមហ៊ុន OPPO នៅកម្ពុជា រហូតដល់ថ្នាក់អតិថិជនខ្លះ មានប្រតិកម្មចំពោះការបិទកម្មវិធី Pre-Order មុនថ្ងៃកំណត់ ដោយសារតែពួកគេមិនអាចទទួលបានផលិតផល បាននៅថ្ងៃលក់ដំបូងកាលពីម្សិលមិញ និងមិនអាចឆ្លើយតបតាមការកម្មង់របស់អតិថិជនរបស់ពួកគេបាននោះ។ នៅថ្ងៃលក់ដំបូង ម្សិលមិញទៀតនេះសោត យើងសង្កេតឃើញថា មានអតិថិជនជាច្រើន បានមកទទួលយកទូរស័ព្ទនៅតាមបណ្តាហាងលក់ទូរស័ព្ទនានា ដែលពួកគេបានកម្មង់ទុក សឹងតែគ្រប់ហាងលក់ទូរស័ព្ទតែម្តង។
តើមានមូលហេតុអ្វីទៅបានជា F11 Pro ទទួលបានការគាំទ្រ ពីសំណាក់អតិថិជនច្រើនបែបនេះ? ហើយហេតុអ្វីបានជាការផ្តល់ជូនទូរស័ព្ទ F11 Pro មិនអាចតម្រូវទៅតាមការកម្មង់នៅក្នុងទីផ្សារដូច្នេះ?
ជាការពិតណាស់ តាមការឲ្យដឹងរបស់ក្រុមហ៊ុន គ្រប់ម៉ូឌែលស៊េរី F របស់ OPPO តែងតែទទួលបានគាំទ្រច្រើនពីអតិថិជន ជាយូរណាស់មកហើយ ហើយស៊េរី F នេះ គឺលក់ដាច់ខ្លាំងណាស់ពីមួយម៉ូឌែល ទៅមួយម៉ូឌែល សឹងតែលក់ដាច់អស់ស្តុកតែម្តង នៅលើទីផ្សារអាស៊ី។ ម្យ៉ាងវិញទៀត មូលហេតុយឺតយ៉ាវ ក្នុងការផ្តល់ជូនផលិតផលទូរស័ព្ទ F11 Pro ដោយសារតែផលិតផល F11 Pro ចេញមកភ្លាម ត្រូវតែឆ្លងកាត់ភាពសម្រិតសម្រាំង និងត្រួតពិនិត្យយ៉ាងច្បាស់លាស់ ពីក្រុមអ្នកជំនាញនៅខាងរោងចក្រផលិតធំៗ ដែលមានច្រើនដំណាក់កាល។ លើសពីនេះ នៅពេលដែលការកម្មង់កាន់តែច្រើន នោះការផលិតត្រូវបង្កើនទ្វេដង ដែលបណ្តាលឲ្យមានភាពយឺតយ៉ាវបន្តិច។
ភាគីក្រុមហ៊ុន OPPO បានបន្ថែមទៀតថា៖«បើយើងក្រលេកមើលម៉ូឌែល F11 Pro នៅក្នុងទីផ្សារលក់វិញ មិនថានៅលើកាមេរ៉ា រូបរាង និងបច្ចេកវិទ្យាទេ គឺត្រូវឆ្លងកាត់ក្រុមអ្នកជំនាញត្រួតពិនិត្យ យ៉ាងយកចិត្តទុកដាក់បំផុត ដើម្បីធ្វើឲ្យកាមេរ៉ាភ្លោះខាងក្រោយ ទំហំ 48MP របស់ F11 Pro ក្លាយជាអ្នកជំនាញថតរូបបែបPortrait សម្រាប់អ្នកប្រើប្រាស់ 24 ម៉ោង ប្រកបដោយគុណភាពខ្ពស់»។ មិនត្រឹមតែប៉ុណ្នោះ F11 Pro បាន Update ទាំង Software និង Hardware ដើម្បីទទួលបាននូវទូរស័ព្ទមួយគ្រឿង ដែលអាចថតរូបច្បាស់ឥតខ្ចោះ នៅទីងងឹត។ នេះជាការបន្ថែមពីខាងក្រុមហ៊ុន។
បើនិយាយពីកាមេរ៉ាភ្លោះខាងក្រោយវិញ មានទំហំ 48 MP របស់ F11 Pro ដើមឆ្នាំ២០១៩នេះ បាន Update ជាងម៉ូឌែលមុនៗ ទាំងទំហំ និងបច្ចេកវិទ្យាទំនើប ដែលជំរុញឲ្យរូបភាពដែលថតចេញមកកាន់តែច្បាស់ ពណ៌កាន់តែស្រស់បំព្រង និងផ្ទៃមុខរបស់មនុស្សវិញកាន់តែដូចធម្មជាតិពិតៗ។ មិនត្រឹមតែប៉ុណ្ណឹងទេ ចំណុចសំខាន់ផ្សេងៗទៀត របស់ F11 Pro ដែលធ្វើឲ្យអតិថិជនកញ្ជ្រោលចង់បាន ដោយសារតែវាមានថ្មទំហំ 4000MAh , មានបច្ចេកវិទ្យាជំនួយល្បឿន Hyper Boost , មានពណ៌ខាងក្រោយបែប Gradient ដ៏គួរឲ្យទាក់ទាញចំនួនពីរពណ៌ គឺ Thunder Black និង Arura green កាន់តែស្រស់ស្អាត និងកាន់តែថ្លៃថ្នូរ។ ចំណុចទាំងអស់នេះហើយ បានធ្វើឲ្យអ្នកប្រើប្រាស់គ្រប់រូបចង់បាន និងបានកម្មង់ទុកមានសន្ទុះខ្លាំងដូច្នេះ។
សូមបញ្ចាក់ថាទូរស័ព្ទ OPPO F11 Pro តម្លៃត្រឹមតែ 339$ ជាតម្លៃដ៏ពិសេសមួយ ដែលអតិថិជនគ្រប់គ្នាអាចទទួលយកបាន ប៉ុន្តែបើនិយាយពីមុខងារបច្ចេកវិទ្យា និងកម្មវិធីផ្សេងៗវិញ មិនបាច់ថ្លែងទេ គឺថាកប់ស៊េរីតែម្តង បើមិនជឿសាកជាវមួយគ្រឿងទៅ ដឹងហើយ។ ក្រុមហ៊ុនបានបញ្ជាក់សង្កត់ធ្ងន់ថា ចំពោះអតិថិជនដែលបានកម្មង់ទូរស័ព្ទ F11 Pro ហើយ មិនទាន់ទទួលបានទូរស័ព្ទ សូមលោកអ្នកមេត្តារង់ចាំបន្តិចដោយ សារតែពេលនេះ ក្រុមហ៊ុន OPPO បាននឹងកំពុងបង្កើនសង្វាក់ផលិតកម្មរបស់ខ្លួន ដើម្បីនាំយកទូរស័ព្ទ F11 Pro ដ៏ស្រស់ស្អាត មកដល់ដៃលោកអ្នកជាក់ជាមិនខាន៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com