ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ព្រឹត្តិការណ៍ផ្សារបារាំង ជាទីតាំងស្វែងយល់ពីវប្បធម៌ និងផលិតផលបារាំង
01, Apr 2019 ,
6:03 pm
រូបភាព
×
ដោយ:
ឡាយ សុភាវតី
ភ្នំពេញ៖ កាលពីថ្ងៃសៅរ៍ទី៣០ខែមីនាកន្លងទៅថ្មីៗនេះ ស្ថានទូតបារាំងបានក្លាយជាងផ្សារបារាំង។ ស្ថានទូតបារាំងបានរៀបចំព្រឹត្តិការណ៍ ផ្សារបារាំង ដើម្បីផ្សព្វផ្សាយផលិផលរបស់ក្រុមហ៊ុនបារាំងនៅកម្ពុជា។
ស្តង់ផលិតផលផ្នែកសុខភាព សម្អាង កីឡា វប្បធម៌ ម៉ូដសម្លៀកបំពាក់ និងម្ហូបអាហារជាដើម ត្រូវបាននាំយកទៅដាក់បង្ហាញ និងលក់ជូនអ្នកចូលរួមទស្សនា នៅក្នុងព្រឹត្តិការណ៍ផ្សារបារាំង។ ព្រឹត្តិការណ៍ផ្សារបារាំង ដែលមានក្រុមហ៊ុនបារាំងខ្មែរ ជាង៥០ ត្រូវបានរៀបចំឡើង ដើម្បីផ្តល់ឱកាសជួយឲ្យធុរជនកម្ពុជានិងបារាំងបានផ្លាស់ប្តូរទំនាក់ទំនងគ្នា។
រយៈពេលមួយថ្ងៃពីម៉ោងប្រមាណ១០ព្រឹកដល់៦ល្ងាចនៅស្ថានទូតបារាំង អ្នកចេញចូលទាំងបរទេសនិងពលរដ្ឋកម្ពុជា បានក្លាយទៅជាផ្សារមួយ ដែលពពេញដោយមនុស្សយ៉ាងកុះករក្នុងពិព័រណ៍ផ្សារបារាំងលើកដំបូងនៅកម្ពុជា។
កញ្ញា សំណាង សុភ័ត្រា ជាអ្នកគ្រប់គ្រងផ្នែកលក់ក្នុងហាង SAMATOA LOTUS TEXTILES ដែលបានចូលរួមក្នុងពិព័រណ៌ផ្សារបារាំងនេះ បាននិយាយថា ព្រឹត្តិការណ៍នេះពិតជាសំខាន់សម្រាប់ក្រុមហ៊ុនដែលមានបំណងចង់បង្ហាញផលិតផលរបស់ពួកគេដល់សាធារណជន។
នៅឯហាង Sweet Lab ក៏មានអ្នកឈរសួរនិងទិញជានំបារាំង ដែលផលិតពីវត្ថុធាតុដើមដែលត្រូវបាននាំចូលពីប្រទេសបារាំងតែម្តង។ កញ្ញា វ៉ាន ឌី ដែលជាតំណាងក្រុមហ៊ុន បានបង្ហាញទឹកមុខរីករាយរៀបរាប់ប្រាប់សារព័ត៌មានថ្មីៗថា ហាងរបស់កញ្ញាបានលក់ដាច់ច្រើន ហើយថា អ្វីដែលរឹតតែល្អនោះ ហាងរបស់កញ្ញាក៏មានឱកាសផ្តល់រសជាតិឱ្យអតិថិជនបានស្គាល់នំបែបបារាំងរបស់ហាងកញ្ញា។
សំឡេងអ្នកចម្រៀងនិងក្រុមអ្នកលេងភ្លេងជាភាសាបារាំងនៅទល់មុខស្តង់លក់ផលិតផល បានគ្របលើសំឡេងអ៊ូអររបស់អ្នកចូលរួម។ ទោះយ៉ាងណាក៏ដោយ សំឡេងទាំងនេះក៏មិនបានរំខានចំណាប់អារម្មណ៍របស់អ្នកចូលរួមចំពោះផលិតផលពីហាង Artisans d’Angkor ឡើយ។ កញ្ញា នឿន ស្រីតូច ដែលជាអ្នកទទួលខុសត្រូវនៅក្នុងស្តង់នេះ បានបញ្ជាក់ថា វត្តមានរបស់ហាង Artisans d’Angkor នៅក្នុងផ្សារបារាំង មិនផ្តោតទៅលើការលក់ទំនិញឲ្យបានច្រើននោះឡើយ ប៉ុន្តែគឺការបានបង្ហាញទំនិញដែលផលិតដោយដៃរបស់បុគ្គលិក ឱ្យដល់សាធារណជន។
ចំណាប់អារម្មណ៍បែបវិជ្ជមាន មិនមែនមានតែមកពីខាងក្រុមហ៊ុនឡើយ។ អ្នកចូលរួមទស្សនាដូចជា កញ្ញា ជន សុផាន់នី ក៏ពេញចិត្តនឹងវត្តមានផ្សារបារាំងដែរ។ សម្រាប់កញ្ញា ការដែលកញ្ញាបានមកដល់ផ្សារបារាំង វាហាក់បីដូចជាកញ្ញាកំពុងស្ថិតនៅក្នុងប្រទេសបារាំងដូច្នោះដែរ។ កញ្ញាបានទស្សនាទាំងការច្រៀង ម្ហូបអាហារ ផលិតផលសម្អាង និងការជជែកគ្នាជាមួយអ្នកចូលរួមដែលជាជនជាតិបរទេសផងដែរ។
អ្នកនាង ធីដា និងលោក គីរិន ឯណោះវិញ ក្រៅពីបានទស្សនស្វែងយល់ផលិតផលបារាំងហើយ ពួកគេក៏មានអារម្មណ៍ប្លែក ដោយសារជាលើកទីមួយហើយដែលពួកគេទាំងពីរបានចូលក្នុងស្ថានទូតបារាំង ហើយបានឃើញដើមឈើធំៗ និងខ្ពស់នៅក្នុងស្ថានទូតបារាំងដែលមានទំហំជិត៥ហិកតា ហើយដែលមានអាយុជាង៦០ឆ្នាំមកហើយ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ពិព័រណ៍
ផ្សារបារាំង
ស្ថានទូតបារាំង
ផលិតផលខ្មែរ-បារាំង
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
14 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
2 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
3 ថ្ងៃ
អត្ថបទពេញនិយមបន្ថែម