អ្នកទោស១៣៥នាក់ ត្រូវបានស្នើឲ្យដោះលែងនិងបន្ថយទោស

ជាតិ

អ្នកទោស១៣៥នាក់ ត្រូវបានស្នើឲ្យដោះលែងនិងបន្ថយទោស

11, Apr 2019 , 10:19 pm

រូបភាព

ដោយ: ឡាយ សុភាវតី

មានទណ្ឌិត៤៦០នាក់ (ស្រី៤៩នាក់) ដែលត្រូវបានបញ្ជូនឈ្មោះទៅក្រសួងយុតិ្តធម៌ ដើម្បីសុំឲ្យពិនិត្យពីលទ្ធភាពនៃការដោះលែងនិងបន្ធូរបន្ថយទោស ក្នុងពិធីបុណ្យឆ្នាំខ្មែរ។ ប៉ុន្តែ ក្រោយពិនិត្យរួច មានតែ១៣៤នាក់ (ស្រី២៨នាក់) ដែលត្រូវបានបញ្ជូនឈ្មោះទៅប្រមុខរដ្ឋាភិបាល ដើម្បីប្រមុខរដ្ឋាភិបាល ថ្វាយទៅព្រះមហាក្សត្រ សុំឲ្យព្រះអង្គ ចេញព្រះរាជក្រឹត្យប្រោសព្រះរាជទានលើកលែងនិងបន្ធូរបន្ថយទោស។

លោក គឹម សន្ដិភាព អ្នកនាំពាក្យក្រសួងយុត្តិធម៌ បានសរសេរក្នុងតេឡេក្រាមថា ក្នុងចំណោមអ្នកទោសទាំង១៣៥នាក់ មាន១៦នាក់ (ស្រីម្នាក់) ត្រូវបានសុំឲ្យដោះលែង និង ១១៩នាក់ទៀត (ស្រី២៧នាក់) ត្រូវបានសុំឲ្យបន្ថយទោស៕