ជាតិ
នយោបាយជាតិ
លោក សម រង្ស៊ី៖បញ្ហាបច្ចេកទេសមិនមែនជាដំណោះស្រាយទេបើគ្មានឆន្ទៈនយោបាយ
× «បច្ចេកទេសបើសិនជាគ្មានឆន្ទៈនយោបាយក៏មិនអាចដោះស្រាយបានដែរ ប៉ុន្តែមុននឹងឈានចូលដល់បញ្ហាហ្នឹង យើងត្រូវលាតត្រដាងបញ្ហាបច្ចេកទេស ឲ្យបានគ្រប់ជ្រុងជ្រោយ ទើបយើងឈានទៅរកដំណោះស្រាយស្របទៅតាមឆន្ទៈនយោបាយរបស់យើង ដែលយើងបានអះអាងថាចង់រកដំណោះស្រាយដែលល្អប្រសើរមួយ សម្រាប់ប្រទេសកម្ពុជាទាំងអស់គ្នានេះ»។
នេះគឺជាការលើកឡើងរបស់លោក សម រង្ស៊ី ប្រធានគណបក្សសង្គ្រោះជាតិ នៅក្នុងសិក្ខាសាលាមួយស្ដីអំពី ដំណោះស្រាយបច្ចេកទេសចំពោះភាពមិនប្រក្រតី នៃការបោះឆ្នោត កាលពីព្រឹកមិញនេះ នៅឯទីស្នាក់ការគណបក្សសង្គ្រោះជាតិ សង្កាត់ចាក់អង្រែលើ។
លោកបន្តថា៖«សិក្ខាសាលានេះនឹងផ្ដល់នូវអនុសាសន៍ក្នុងការរកដមណោះស្រាយជាវិជ្ជមាន ដើម្បីកុំឲ្យមានការជាប់គាំងនយោបាយ កុំឲ្យមានវិបត្តិ កុំឲ្យមានអំពើហិង្សា ហើយយើងចង់រកដំណោះស្រាយតាមផ្លូវច្បាប់មួយ ដោយសន្តិវិធី»។
លោក កឹម សុខាអនុប្រធានគណបក្សក៏បានលើកឡើងដែរថា៖«គោលបំណងធំនៃការរៀបចំសិក្ខាសាលានេះគឺដើម្បីរកឲ្យឈើញថា អ្នកឈ្នះ ឈ្នះដោយថ្លៃថ្នូរ អ្នកចាញ់ចាញ់ដោយអស់ចិត្ត»។
លោកក៏បានបន្តថា៖«សិក្ខាសាលានៅថ្ងៃនេះ នឹងអាចបញ្ជៀសឲ្យផុតពីភាពរាំងស្ទះ ផ្នែកនយោបាយ និងយើងមិនចង់ឲ្យមានអំពើហិង្សា ឬអស្ថេរភាពនយោបាយនោះទេ»។
គួរបញ្ជាក់ផងដែថា សិក្ខាសាលាដែលរៀបចំឡើងនោះ ក៏មានការចូលរួមពីសំណាក់ តំណាងស្ថានទូត សង្គមស៊ីវិល អង្គការក្រៅរដ្ឋាភិបាល អ្នកសង្កេតការណ៍ជាតិ អន្តរជាតិ ព្រមតាំងអ្នកសារព័ត៌មានជាច្រើននាក់ផងដែរ៕
© រក្សាសិទ្ធិដោយ thmeythmey.com