សភាពាណិជ្ជកម្មអឺរ៉ុបនៅកម្ពុជា (EuroCham Cambodia) នឹងរៀបចំសន្និសីទកាសែតស្តីអំពីការប្រកួតប្រជែង និងទទួលពានរង្វាន់ឆ្នាំ២០១៩ សាជីវកម្មទទួលខុសត្រូវផ្នែកសង្គមលើកដំបូងនៅថ្ងៃទី២៦ ខែមិថុនា នាម៉ោង៥:០០ល្ងាច នៅសណ្ឋាគារឡឺ រ៉ូយ៉ាល់។ បន្ទាប់ពីសន្និសីទកាសែត ក៏មានកម្មវិធីធ្វើទំនាក់ទំនងគ្នារវាងភ្ញៀវកិត្តិយស និងពិធីប្រកាសជ័យលាភីផងដែរនាវេលាម៉ោង ៦:០០ ល្ងាច។
ការប្រកួតប្រជែង និងទទួលពានរង្វាន់ឆ្នាំ២០១៩សាជីវកម្មទទួលខុសត្រូវផ្នែកសង្គមរបស់សភា ពាណិជ្ជកម្មអឺរ៉ុប (EuroCham’s CSR Awards) ត្រូវបានប្រកាសចាប់ផ្តើមផ្លូវការ កាលពីខែមករាឆ្នាំ២០១៩នេះ។ ពានរង្វាន់នឹងត្រូវប្រកាសដល់ជូនក្រុមហ៊ុនឈានមុខគេដែលជាសមាជិក សភាពាណិជ្ជកម្ម អឺរ៉ុប ហើយដែលប្តេជ្ញាអនុវត្ត គំនិតនៃការទទួលខុសត្រូវផ្នែកសង្គមនៅក្នុងព្រះរាជាណាចក្រកម្ពុជា ដែលមានឥទ្ធិពលជាវិជ្ជមាន ទៅដល់បុគ្គល សហគមន៍ និងមជ្ឈដ្ឋានជុំវិញក្រុមហ៊ុនទាំងនោះ។
តាមពិត ការប្រកួតប្រជែងនេះត្រូវបានអនុវត្តដោយយកគំរូពីក្រុមប្រឹក្សាធុរកិច្ចរបស់បារាំង (Conseillers du Commerce Extérieur) ដែលបានរៀបចំការប្រកួតប្រជែងដូចគ្នានេះក្នុងចំណោមធុរជនបារាំងលើកដំបូងក្នុងឆ្នាំ២០១៥។ ហើយយើងក៏មានបំណងចង់ផ្តល់ឱកាសនៃការប្រកួតនេះដល់ក្រុមហ៊ុនកម្ពុជាដែលមានសមត្ថភាពផងដែរនៅថ្ងៃអនាគត។
ឯកឧត្តម សុខ ចិន្តា សោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការនៃក្រុមប្រឹក្សាអភិវឌ្ឍន៍កម្ពុជា នឹងត្រូវអញ្ជើញឲ្យធ្វើជាអធិបតីនៅក្នុងព្រឹត្តិការណ៍នោះ ជាមួយនឹងឯកឧត្តម ចច អេដហ្កា (H.E Mr. George Edgar) ឯកអគ្គរដ្ឋទូតនៃសហភាពអឺរ៉ុបប្រចាំកម្ពុជា ដើម្បីអបអរសាទរជ័យលាភីដែលជាក្រុមហ៊ុនឈានមុខគេ។
យើងខ្ញុំសង្ឃឹមថា ការបង្ហាញនូវសមិទ្ធផលជាគំរូដ៏ល្អនេះ នឹងជំរុញលើកទឹកចិត្តដល់សហគមន៍ធុរកិច្ចក្នុងស្រុក និងអន្តរជាតិនៅកម្ពុជាឲ្យយកចិត្តទុកដាក់លើយុទ្ធសាស្ត្រទទួលខុសត្រូវផ្នែកសង្គម (CSR) ទៅក្នុងប្រតិបត្តិការនៃក្រុមហ៊ុនរបស់ពួកគេ ដោយធានាពីចីរភាពនៃអនាគតរបស់កម្ពុជា។
អំពីការប្រកួតប្រជែង
ក្រុមហ៊ុនចំនួន១៧ដែលត្រូវបានជ្រើសរើសនោះ ត្រូវបានវាយតម្លៃទៅតាមគុណតម្លៃ, លក្ខណនៃការគ្រប់គ្រង និងការច្នៃប្រឌិតរបស់ពួកគេ។ បេក្ខភាពទាំង១៧ នឹងត្រូវចែកចេញជាពីរផ្នែក គឺក្រុមហ៊ុនដែលមានបុគ្គលិកលើសពី១០០នាក់ និងក្រុមហ៊ុនដែលមានបុគ្គលិកក្រោម១០០នាក់។ ជ័យលាភីមាន៥រង្វាន់៖
ក្រុមហ៊ុនដែលមានបុគ្គលិកលើស១០០នាក់៖ ២ ជ័យលាភី
ក្រុមហ៊ុនដែលមានបុគ្គលិកក្រោម១០០នាក់៖ ២ ជ័យលាភី
ការប្រកួតរួម៖ ១ ជ័យលាភី
ជ័យលាភីនីមួយៗនឹងត្រូវជ្រើសរើសដោយគណកម្មការចៅក្រមឯករាជ្យ ដែលដឹកនាំដោយឯកឧត្តម សុខ ចិន្តាសោភា និងឯកឧត្តមឯកអគ្គរដ្ឋទូតសហភាពអឺរ៉ុប និងអ្នកដែលមានពិសោធន៍មកពីវិស័យឯកជនអន្តរជាតិជាច្រើនរូបទៀត។
បេក្ខភាពប្រកួតប្រជែង
1. Artisans Angkor
2. ATS Cambodia
3. Chip Mong insee
4. DAMCO
5. DHL Express
6. Exo Travel
7. IDP Education
8. Khmer Green Charcoal
9. Knai Bang Chatt
10. Kulara water
11. La Plantation
12. Libra Private Security
13. PPCBank
14. Smart Axiata
15. SOCFINCambodia
16. Thalias Hospitality
17. Total Cambodge
សភាពាណិជ្ជកម្មអឺរ៉ុបសូមអរគុណដល់ដៃគូផ្តាច់មុខ គឺសារព័ត៌មានខ្មែរថាមស៍ (Khmer Times) ដែលបានគាំទ្រយើងខ្ញុំនៅក្នុងការរៀបចំព្រឹត្តិការណ៍ប្រកាសជ័យលាភីនេះ។
សូមបញ្ជាក់ផងដែរថា ការចូលរួមក្នុងព្រឹត្តិការណ៍នេះនៃការជួបជុំផ្លាស់ប្តូរទំនាក់ទំនង (Networking night) នឹងត្រូវយកតម្លៃ២០ដុល្លារសម្រាប់អ្នកដែលជាសមាជិករបស់សភាពាណិជ្ជកម្មអឺរ៉ុប និង៣០ដុល្លារសម្រាប់អ្នកដែលពុំមែនជាសមាជិក។ អាហារសម្រន់ និងភេសជ្ជៈ នឹងត្រូវផ្តល់ជូននៅក្នុង ព្រឹត្តិការណ៍នោះ។
សម្រាប់ព័ត៌មានបន្ថែម សូមមេត្តាទាក់ទង៖
កញ្ញា Lyze lkopo Bentoto, ប្រធានគម្រោង
Tel: 010 871 140