ជាតិ
នយោបាយជាតិ
ក្រុមអង្គការសង្គមស៊ីវិលដែលបានរួមគ្នាបង្កើតនូវបន្ទប់ស្ថានការណ៍ដើម្បីឃ្លាំមើលដំណើរការបោះឆ្នោតនៅកម្ពុជា បានចេញនូវសេចក្ដីថ្លែងការណ៍រួមគ្នាមួយ ដោយបានទទូចដល់មេដឹកនាកំពូលនៃគណបក្សប្រជាជនកម្ពុជា និងគណបក្សសង្គ្រោះជាតិ ស្វែងរកដំណោះស្រាយនយោបាយជាមួយគ្នា ពិសេសដំណោះស្រាយដែលអាចជម្រះភាពមិនប្រក្រតីនៃការបោះឆ្នោតនោះតែម្ដង។
បន្ទប់ស្ថានការណ៍ បានចាត់ទុកក្របខណ្ឌច្បាប់ដែលបានអនុវត្តដោយ គណៈកម្មាធិការជាតិរៀបចំការបោះឆ្នោត (គ.ជ.ប) និងក្រុមប្រឹក្សាធម្មនុញ្ញដែលជាអ្នកសម្រចវិវាទបោះឆ្នោតថ្នាក់កំពូលនោះថា បានទទួលបរាជ័យរួចទៅហើយ ក្នុងការស្វែងរកយុត្តិធម៌ជូនម្ចាស់ឆ្នោតឲ្យបានត្រឹមត្រូវ និងស្ងប់ចិត្ត ហើយថាប្រមុខដឹកនាំកំពូលនៃបក្សទាំងពីរត្រូវតែជួបគ្នាជាបន្ទាន់ដើម្បីដោះស្រាយបញ្ហា។
ក្នុងសេចក្ដីថ្លែងការណ៍រួមដដែល បន្ទប់ស្ថានកាណ៍បានបង្ហាញពីកង្វល់ និងសម្ដែងការព្រួយបារម្ភ ចំពោះការខកខាននៃជំនួបថា្នក់ដឹកនាំកំពូលគណបក្សជាប់ឆ្នោតទាំងពីរ ថានឹងអាចបង្កឲ្យមានការប្រទូស្តរាយក្នុងសង្គម ការកើតឡើងនូវវិបត្តិនយោបាយ វិបត្តសេដ្ឋកិច្ចនិងសង្គមដែលធ្វើឲ្យប៉ះពាល់ដល់ជីវភាពរស់នៅរបស់ប្រជាជន និងកេរ្តិ៍ឈ្មោះ ក៏ដូចជាសេចក្ដីថ្លៃថ្នូររបស់ជាតិ។
គួរបញ្ជាក់ថា ពាក់ព័ន្ធនឹងជំនួបថ្នាក់កំពូលនៃមេដឹកនាំបក្សជាប់ឆ្នោតទាំងពីរនេះ ត្រូវបានលោកនាយករដ្ឋមន្ត្រី ហ៊ុន សែន ធ្លាប់បានបង្ហើបប្រាប់ក្រុមអ្នកកាសែតម្ដងរួមមកហើយកាលពីដើមខែសីហា ថាលោកអាចនឹងជួបគ្នាជាមួយលោក សម រង្ស៊ី ដើម្បីពិភាក្សាដោះស្រាយបញ្ហជាតិ។ ប៉ុន្តែគិតមកដល់ថ្ងៃនេះ នៅមិនទាន់មានសញ្ញាណណាមួយដែលបញ្ជាក់ពីជំនួបនោះនៅឡើយនោះទេ។
ជាមួយគ្នានេះដែរ នៅមុនការប្រកាសលទ្ធផលផ្លូវការរបស់ គ.ជ.បនោះ ទាំងមន្ត្រីជាន់ខ្ពស់គណបក្សប្រជាជនកម្ពុជា និងប្រមុខថ្នាក់ដឹកនាំគណបក្សសង្គ្រោះជាតិ សុទ្ធតែបានបញ្ជាក់ពីលទ្ធភាពដែលថា ពួកគេនឹងអាចជួបគ្នានៅមុនថ្ងៃទី៨ ខែកញ្ញា ក៏ប៉ុន្តែគិតមកដល់ថ្ងៃនេះក៏នៅមិនទាន់មានសញ្ញាណណាមួយនៃការជួបគ្នារបស់ពូកគេនោះដែរ៕
បន្ទប់ស្ថានការណ៍ បានចាត់ទុកក្របខណ្ឌច្បាប់ដែលបានអនុវត្តដោយ គណៈកម្មាធិការជាតិរៀបចំការបោះឆ្នោត (គ.ជ.ប) និងក្រុមប្រឹក្សាធម្មនុញ្ញដែលជាអ្នកសម្រចវិវាទបោះឆ្នោតថ្នាក់កំពូលនោះថា បានទទួលបរាជ័យរួចទៅហើយ ក្នុងការស្វែងរកយុត្តិធម៌ជូនម្ចាស់ឆ្នោតឲ្យបានត្រឹមត្រូវ និងស្ងប់ចិត្ត ហើយថាប្រមុខដឹកនាំកំពូលនៃបក្សទាំងពីរត្រូវតែជួបគ្នាជាបន្ទាន់ដើម្បីដោះស្រាយបញ្ហា។
ក្នុងសេចក្ដីថ្លែងការណ៍រួមដដែល បន្ទប់ស្ថានកាណ៍បានបង្ហាញពីកង្វល់ និងសម្ដែងការព្រួយបារម្ភ ចំពោះការខកខាននៃជំនួបថា្នក់ដឹកនាំកំពូលគណបក្សជាប់ឆ្នោតទាំងពីរ ថានឹងអាចបង្កឲ្យមានការប្រទូស្តរាយក្នុងសង្គម ការកើតឡើងនូវវិបត្តិនយោបាយ វិបត្តសេដ្ឋកិច្ចនិងសង្គមដែលធ្វើឲ្យប៉ះពាល់ដល់ជីវភាពរស់នៅរបស់ប្រជាជន និងកេរ្តិ៍ឈ្មោះ ក៏ដូចជាសេចក្ដីថ្លៃថ្នូររបស់ជាតិ។
គួរបញ្ជាក់ថា ពាក់ព័ន្ធនឹងជំនួបថ្នាក់កំពូលនៃមេដឹកនាំបក្សជាប់ឆ្នោតទាំងពីរនេះ ត្រូវបានលោកនាយករដ្ឋមន្ត្រី ហ៊ុន សែន ធ្លាប់បានបង្ហើបប្រាប់ក្រុមអ្នកកាសែតម្ដងរួមមកហើយកាលពីដើមខែសីហា ថាលោកអាចនឹងជួបគ្នាជាមួយលោក សម រង្ស៊ី ដើម្បីពិភាក្សាដោះស្រាយបញ្ហជាតិ។ ប៉ុន្តែគិតមកដល់ថ្ងៃនេះ នៅមិនទាន់មានសញ្ញាណណាមួយដែលបញ្ជាក់ពីជំនួបនោះនៅឡើយនោះទេ។
ជាមួយគ្នានេះដែរ នៅមុនការប្រកាសលទ្ធផលផ្លូវការរបស់ គ.ជ.បនោះ ទាំងមន្ត្រីជាន់ខ្ពស់គណបក្សប្រជាជនកម្ពុជា និងប្រមុខថ្នាក់ដឹកនាំគណបក្សសង្គ្រោះជាតិ សុទ្ធតែបានបញ្ជាក់ពីលទ្ធភាពដែលថា ពួកគេនឹងអាចជួបគ្នានៅមុនថ្ងៃទី៨ ខែកញ្ញា ក៏ប៉ុន្តែគិតមកដល់ថ្ងៃនេះក៏នៅមិនទាន់មានសញ្ញាណណាមួយនៃការជួបគ្នារបស់ពូកគេនោះដែរ៕
© រក្សាសិទ្ធិដោយ thmeythmey.com
