ករណីបាញ់ម្ចាស់ហាង៖ អធិការងក្រុងបាវិត ត្រូវបញ្ជូនទៅតុលាការ ល្ងាចថ្ងៃនេះ

ជាតិ

សង្គមជាតិ

ករណីបាញ់ម្ចាស់ហាង៖ អធិការងក្រុងបាវិត ត្រូវបញ្ជូនទៅតុលាការ ល្ងាចថ្ងៃនេះ

21, Dec 2019 , 3:07 pm

រូបភាព

រូបពីហ្វេសប៊ុក Phorn Sophal

ដោយ: ថ្មីៗ

ភ្នំពេញ៖ អធិការងក្រុងបាវិតលោក កែវ ចិត្រា ដែលជាជនសង្ស័យក្នុងករណីបាញ់ទៅលើម្ចាស់ហាងនៅបាវិត នឹងត្រូវបញ្ជូនទៅតុលាការចាត់ការតាមនីតិវិធីច្បាប់ នៅល្ងាចថ្ងៃទី២១ខែធ្នូនេះ។ នេះបើតាមលោក កឹង ឃន ស្នងការនគរបាលខេត្តស្វាយរៀង ដែលបានថ្លែងប្រាប់សារព័ត៌មានថ្មីៗ នៅរសៀលថ្ងៃនេះ។

ករណីបាញ់ម្ចាស់ហាងនេះ កើតឡើងនៅល្ងាចថ្ងៃទី២០ខែធ្នូ ម្សិលមិញ នៅក្រុងបាវិត។ បើតាមការចុះផ្សាយរបស់សារព័ត៌មានក្នុងស្រុក ជនរងគ្រោះឈ្មោះសឿន ដាណេ ម្ចាស់ភោជនីយដ្ឋានសំណាងអាណេ បានបាត់បង់ជីវិត ពេលត្រូវបានយកទៅសង្គ្រោះបន្ទាន់នៅប្រទេសវៀតណាម។ រីឯជនសង្ស័យឈ្នោះ កែវ ចិត្រា អធិការរងក្រុងបាវិត និងត្រូវជាកូនប្រុសរបស់អធិការនគរបាលក្រុងបាវិត។

មូលហេតុនៃការបាញ់នេះ ត្រូវបានអះអាងផ្សេងគ្នា។ បើតាមការចុះផ្សាយរបស់សារព័ត៌មានមួយចំនួន ដែលបានស្រង់ប្រភពនានា គឺការបាញ់នេះបណ្ដាលមកពីជនបង្កខឹងរឿងជនរងគ្រោះមានទំនាក់ទំនងស្នេហាជាមួយឳពុករបស់ខ្លួនដែលជាអធិការនគរបាលក្រុងបាវិត។ តែបើតាមការស្រង់សំដីស្នងការខេត្តស្វាយរៀងនៅថ្ងៃកើតហេតុនោះ គឺករណីនេះកើតឡើងព្រោះជនសង្ស័យខឹងរឿងលើកម្ហូបយឺត៕