អន្តរជាតិ
ឥណ្ឌូណេស៊ី សិង្ហបុរី ម៉ាឡេស៊ី និងហ្វីលីពីន អាចមើលឃើញសូរ្យគ្រាសនៅថ្ងៃនេះ ព្រះសង្ឃកម្ពុជាមួយអង្គ ពាក់វែនតាពិនិត្យមើលសូរ្យគ្រាសនាបរិវេណអង្គរវត្ត កាលពីថ្ងៃទី២៤ ខែតុលា ឆ្នាំ១៩៩៥។រូបថត AFP
× ប្រជាជននៅប្រទេសក្នុងតំបន់អាស៊ី-អាគ្នេយ៍ចំនួន ៤ រួមមាន ម៉ាឡេស៊ី សិង្ហបុរី ឥណ្ឌូណេស៊ី និងហ្វីលីពីន អាចមើលឃើញសូរ្យគ្រាសរូបរាងដ៏កម្រ ។ បាតុភូតនេះ កើតឡើងនៅពេល ព្រះចន្ទថ្មីមួយ (New Moon) គឺស្ថិតនៅឆ្ងាយបំផុតពីភពផែនដី លើគន្លងរាងពងក្រពើរបស់វា ដោយបង្កើតជាទម្រង់ «កងនៃអគ្គី» (Ring of Fire) ខណៈវាចាំងចែងពន្លឺផ្នែកខ្លះលើព្រះអាទិត្យ ។ វាអាចមើលឃើញតាមគន្លងគោចរ បណ្តោយ ១១៨ គីឡូម៉ែត្រ ។
យោងតាមវេបសាយព័ត៌មាន Space.com ប្រទេសឥណ្ឌូណេស៊ី នឹងមើលឃើញនៅម៉ោងប្រហែល ១៖៣៥នាទីរសៀល (ម៉ោងក្នុងស្រុក), ក្នុងប្រទេសសិង្ហបុរីនិងម៉ាឡេស៊ី នៅម៉ោង ១៖២៥រសៀល និងហ្វីលីពីន នៅម៉ោង ២៖២០រសៀល។
ក្រៅពីប្រទេសទាំងបួនេះ ប្រជាជនក្នុងទីក្រុង Jasffna ភាគខាងជើងប្រទេសស្រីលង្កា នឹងក្លាយជាប្រទេសអាស៊ីទី១ ដែលនឹងមើលឃើញបាតុភូតនេះ ជាមួយនឹងសូរ្យគ្រាសពេញ រំពឹងនឹងកើតឡើងរយៈពេល ៤នាទី នៅម៉ោង ៩៖៣៧ព្រឹក (ម៉ោងក្នុងស្រុក)៕
លោកអ្នកក៏អាចមើលបាតុភូតនេះ តាមអនឡាញផងដែរ៖
ទិដ្ឋភាព សូរ្យគ្រាស «កងនៃអគ្គី» ពីរដ្ឋ Arizona សហរដ្ឋអាមេរិក ក្នុងឆ្នាំ២០១២ (AP)
© រក្សាសិទ្ធិដោយ thmeythmey.com