ថ្ងៃទី៥ ខែកុម្ភៈ ឆ្នាំ២០២០៖ realme បានដាក់ប្រកាសនូវទូរស័ព្ទម៉ូឌែលថ្មីជាផ្លូវការ នៅប្រទេសកម្ពុជាហើយ គឺ realme 5i។ realme គឺជាម៉ាកដែលបានផ្តាច់ចេញ ពីក្រុមហ៊ុន OPPO។ ទើបបង្កើតបានមិនដល់រយៈពេល២ឆ្នាំផង realme ក៏ បានជាប់ក្នុងចំណាត់ថ្នាក់ទី៧ ទូទាំងពិភពលោកទៅហើយ។
realme បានចូលមកដល់ទីផ្សារប្រទេសកម្ពុជា នៅខែតុលាឆ្នាំ២០១៩ និងមានសកម្មភាពថ្មីៗជាច្រើន។ ទន្ទឹមនឹងនេះ realme បានប្រកាសជាបន្តបន្ទាប់នូវទូរស័ព្ទ 5 series និង ទូរស័ព្ទ realme X2 Pro។ ក្នុងនោះដែរ ទូរស័ព្ទ 5 series ទទួលបានការចាប់អារម្មណ៍យ៉ាងខ្លាំង និងមានចំនួនលក់ រហូតដល់ទៅ៦លានគ្រឿងជុំវិញពិភពលោក។ រីឯrealme 5i ដែលជាម៉ូឌែលថ្មីរបស់ realme 5 series គឺបានបំពាក់នូវបន្ទះឈីប snapdragon និងកាមេរ៉ាក្រោយ4 គ្រាប់ ជាមួយគ្នានេះដែរ realme 5i ក៏មាននូវថាមពលថ្មធំរហូតដល់ទៅ5000mAh ដែលដាក់លក់ក្នុងតម្លៃ 169 ដុល្លារ។
លក្ខណៈពិសេសរបស់ realme 5i
ការរចនាម៉ូតរបស់realme 5i
realme 5i រចនាម៉ូតឡើង ដោយមានពណ៌ ពីរជម្រើសគឺពណ៌ Forest Green និងពណ៌ Aqua Blue។ ហើយអ្វីដែលខុសគ្នាជាមួយនឹង realme 5 និង realme 5 pro នោះគឺ realme 5i មិនមាននូវផ្ទៃក្រោយរលោងនោះទេ ដោយមានជាការឌីសាញថ្មី ដែលមានជាសភាពឆ្នូត ងាយស្រួលកាន់ និងមិនមានបន្សល់ស្នាមក្រយៅដៃនៅលើទូរស័ព្ទ ដែលធ្វើឲ្យមើលទៅមិនស្អាត។
តាមរយៈរូបភាពដែលបានបង្ហាញ យើងឃើញថាទូរស័ព្ទដែលមានពណ៌ស្រស់ស្អាតបែបនេះ គឺមិនទាន់មានច្រើននោះទេនៅប្រទេសកម្ពុជា។ realme គឺជាម៉ាកមួយដែលហ៊ានឆ្ពោះទៅមុខ ហើយលើកនេះ ក៏បាននាំមកនូវជាមួយការភ្ញាក់ផ្អើលថ្មីមួយទៀត ជាមួយនឹងការឌីសាញពណ៌ដ៏ស្រស់ស្អាតនេះ។
realme 5i មានMemoryនិងថាមពលថ្មធំដែលអាចទុកបានរហូតដល់ទៅ៣០ថ្ងៃ
realme 5i បំពាក់មកជាមួយថាមពលថ្ម 5000mAh ដែលអាចទ្រទ្រង់ការសាកថ្មបាន 10W និងអាចទុកបានរហូតដល់ទៅ៣០ថ្ងៃ ដែលមានភាពងាយស្រួល និងជាជម្រើសដ៏ល្អសម្រាប់អ្នកដែលមិនចូលចិត្តយកPower bankតាមខ្លួន។ វាផ្តល់នូវទំហំផ្ទុកទិន្នន័យ ដល់ទៅ 64GB ដែលអាចបន្ថែមតាមរយៈ memory microSD (រហូតដល់ 256GB) និងផ្តល់ជាជម្រើសកាន់តែច្រើនសម្រាប់អ្នកទាំងអស់គ្នា។
realme 5i បំពាក់នូវកាមេរ៉ាក្រោយ 4 គ្រាប់
realme 5i បានបំពាក់កាមេរ៉ាក្រោយរហូតដល់ 4គ្រាប់ ដោយកាមេរ៉ាគោលមានទំហំ 12 មេហ្គាភិចស៊ែល អាភិចឈើ f/1.8។ ចំណែកឯ លែន មួយទៀតនោះគឺ 8 មេហ្គាភិចស៊ែល អាភិចឈើ f/2.25 ដែលជាលែនទូលាយអាចថតរូបភាពបានរហូតដល់ 118.9 ដឺក្រេ។ មិនត្រឹមតែប៉ុណ្ណោះ វាក៏ភ្ជាប់មកជាមួយលែន ថតរូបបញ្ឈរ ឬហៅថា Portrait 2 មេហ្គាភិចស៊ែល អាភិចឈើ f/2.0 និងលែនចុងក្រោយ ជាលែនម៉ាក្រូសម្រាប់ថតរូបជិត 2 មេហ្គាភិចស៊ែល ថតរូបបានជិតរហូតដល់ 4 សង់ទីម៉ែត។ ចំណែកឯកាមេរ៉ាមុខមានទំហំ 8 មេហ្គាភិចស៊ែល ទំហំអាភិចឈើគឺ f/2.0។ មិនត្រឹមតែប៉ុណ្ណោះ លក្ខណៈពិសេសនៃកាមេរ៉ានេះ អាចថតវីដេអូបានដល់កម្រិត 4K 30fps និងវីដេអូមានសកម្មភាពយឺតៗ ឬ Slo-mo បានដល់ 120fps ជាមួយនឹងបច្ចេកវិទ្យា Super night mode សម្រាប់ថតពេលយប់ឬទីងងឹត។
realme 5i បានបំពាក់នូវបន្ទះឈីប snapdragon 665 AIE ជាមួយនឹងអេក្រង់ធំទូលាយងាយស្រួលមើល។ realme 5i អាចប្រើបាន ស៊ីម២ ដំណើរការនៅលើប្រព័ន្ធ Android Pie និង ColorOS 6.0.1។ ចំណែកឯអេក្រង់មានទំហំធំទូលាយ រហូតដល់ 6.5 អ៊ីញ ប្រភេទ HD + (720 x 1600 ភីចសែល) ដែលអាចការពារការជ្រាបចូលទឹកសមាមាត្រ 1200:1 និងការពារដោយកញ្ចក់ Gorilla Glass 3+។ តួបង្ហាញបានអត្រារហូតដល់ 89% ពីអេក្រងរហូតដល់តួខ្លួន។ ចំណែកកម្លាំងពន្លឺ 480nits។ ស្មាតហ្វូន realme ថ្មីនេះ ភ្ជាប់ជាមួយបន្ទះឈីប octa-core Qualcomm Snapdragon 665 SoC និង RAM 4GB ។
លក្ខណៈពិសេសផ្សេងៗរបស់ realme 5i
ជម្រើសនៃការតភ្ជាប់រួមមាន 4G LTE, ប្ល៊ូធូស 5.0, wifi 802.11 ac, និងGPS។ ឧបករណ៍ចាប់សញ្ញារបស់ realme 5i ប្រៀបដូចជាត្រីវិស័យ។ មិនត្រឹមតែប៉ុណ្ណោះ វាភ្ជាប់មកជាមួយ Sensor ការកំណត់ពន្លឺដោយស្វ័យប្រវត្តិ, ចាប់សញ្ញានៅជុំវិញខ្លួន, វាស់ល្បឿន, ចាប់សញ្ញាចលនារបស់ស្មាតហ្វូន និង Sensor ស្កែនម្រាមដៃ ដែលអាចផ្ទៀងផ្ទាត់បានត្រឹមត្រូវបំផុត។ វិមាត្រនៃទូរស័ព្ទ realme មានទំហំ 164,4 គុណនឹង 75 គុណ 9,3 មីល្លីម៉ែត្រ ហើយវាមានទំងន់ 195 ក្រាម។
លក្ខណៈពិសេសនៃ realme 5i ដែលចេញថ្មីនេះ គឺមិនសូវមានភាពខុសគ្នាខ្លាំង ពី realme 5 នោះទេ។ ប៉ុន្តែអ្វីដែលប្លែកនោះ គឺយើងអាចមានជម្រើសច្រើន ជាមួយនឹងការឌីសាញថ្មីនិងMemoryនៃទូរស័ព្ទ។
ចាប់តាំងពីrealme បានចូលមកក្នុងទីផ្សារប្រទេសកម្ពុជាមក realme បានចូលរួមសកម្មភាពជាច្រើនជាមួយយុវវ័យ។ ដោយក្នុងកំឡុងខែមករាកន្លងទៅនេះ realme បានប្រកាសសហការជាមួយ smart Axiata នៅក្នុងការប្រកួត PUBG ។ ទន្ទឹមនឹងនេះ realme ក៏បានប្រកាសជាផ្លូវការថា លោកG-Devith និង លោក Lay Bunleng បានចូលជាសមាជិកនៃគ្រួសារ realme ផងដែរ។ ហើយនៅក្នុងកម្មវិធី MEDIA TASTING លើកនេះ យើងក៏បានជួបជាមួយនឹង KOLល្បីៗជាច្រើនរូប រួមមាន លោក Ream Angkor លោក Heng Veasna Bong Beemedia និងតារាជាច្រើនរូបទៀត។ មិនដឹងថា realme នឹងមានការសហការដ៏អស្ចារ្យអ្វីទៀត ដែលនឹងធ្វើឡើងនៅពេលក្រោយនេះ សូមទន្ទឹមរង់ចាំទាំងអស់គ្នា៕
(អត្ថបទពាណិជ្ជកម្ម)