អត្ថបទពាណិជ្ជកម្ម
ភីអិនអិន បោះទុនប្រមាណ៣០ម៉ឺនដុល្លារផលិតភាពយន្តភាគថ្មីរឿង«រសជាតិអ្នកមាន» ដែលនិពន្ធដោយអ្នកស្រី ពាន់ ភួងបុប្ផា
× ភ្នំពេញ៖ កាលពីថ្ងៃពុធទី៥ ខែកុម្ភៈ ឆ្នាំ២០២០ ស្ថានីយទូរទស្សន៍ ភីអិនអិន បានរៀបចំពិធីក្រុងពាលី ដើម្បីប្រកាសរឿងថ្មីរបស់ខ្លួន ចំណងជើង«រសជាតិអ្នកមាន» ក្រោមស្នាដៃនិពន្ធរបស់លោកស្រីពាន់ ភួងបុប្ផា សហការជាមួយផលិតកម្មអិមស៊ីអិនវី Picture ដោយសម្រិតសម្រាំងជាពិសេស និងយកគុណភាពរឿងជាចម្បង។
កញ្ញា ទូច បុប្ផា បានបញ្ជាក់ឲ្យដឹងថា រឿង «រសជាតិអ្នកមាន» គឺជាភាពយន្តភាគខ្មែររសជាតិថ្មីមួយ សម្រាប់ប៉ុស្តិ៍ភីអិនអិន ដែលបានវិនិយោគទឹកប្រាក់ប្រមាណ ៣០ ម៉ឺនដុល្លារអាមេរិក។ ការបោះទុនច្រើន ក៏ដោយសារតែយើងចង់ឲ្យរឿងមួយនេះមានភាពរស់រវើក ទាំងតួសម្តែង ទាំងបច្ចេកទេស ទាំងការរៀបចំសម្លៀកបំពាក់តួជាដើម សុទ្ធតែត្រូវបានរៀបចំយ៉ាងល្អិតល្អន់បំផុត ដើម្បីធ្វើយ៉ាងណា ឲ្យទស្សនិកជនបន្តនូវការគាំទ្ររឿងភាគខ្មែរនៅភីអិនអិន។ នេះបើតាមការពន្យល់របស់ កញ្ញា ទូច បុប្ផា។
កញ្ញា បុប្ផា បន្តថា៖«រឿង«រសជាតិអ្នកមាន» ត្រូវបានផលិតឡើងជា២ជំនាន់ តាំងពីជំនាន់ឪពុក រហូតដល់ជំនាន់កូន។ រឿងនេះ ឆ្លុះបញ្ចាំងពីធាតុពិតនៃសង្គម ថែមទាំងបង្កប់នូវអត្ថន័យអប់រំល្អៗជាច្រើន ពាក់ព័ន្ធនឹងគម្លាតរវាងអ្នកមាន និងអ្នកក្រ និងការរស់នៅរបស់ពួកគាត់ផងដែរ»។
ក្នុងពិធីក្រុងពាលីរឿងនេះ ត្រូវបានចូលរួមពីសំណាក់ផលិតករអ្នកស្រីពាន់ ភួងបុប្ផា និងតារាសម្តែងល្បីៗ ទាំងតារាជើងចាស់ និងតារាដែលទើបនឹងរះ មានដូចជា លោក ជា សំណាង, អ្នកនាង កែវ យ៉ាវិញ, កញ្ញា ខាត់ យ៉ាឡាង, កញ្ញា ម៉ូនី វិជ្ជរ៉ា, លោក អេតវីន, កញ្ញា ទឹម រដ្ឋា, លោក សម្បើម ស័ក្តិ និងសិល្បករ សិល្បការិនីជាច្រើនរូបទៀត។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com