មហាព្រឹត្តិការណ៍ពិព័រណ៌លំនៅដ្ឋាន និងជីវិតទាន់សម័យដ៏ធំរបស់កម្ពុជាឆ្នាំ២០២០ ជិតមកដល់ហើយ

អត្ថបទពាណិជ្ជកម្ម

មហាព្រឹត្តិការណ៍ពិព័រណ៌លំនៅដ្ឋាន និងជីវិតទាន់សម័យដ៏ធំរបស់កម្ពុជាឆ្នាំ២០២០ ជិតមកដល់ហើយ

06, Feb 2020 , 5:04 pm

រូបភាព

ដោយ: ថ្មីៗ

ពិព័រណ៍លំនៅដ្ឋាន និងជីវិតទាន់សម័យ ដែលរៀបចំឡើងដោយក្រុមហ៊ុន Realestate.com.kh ជាគេហទំព័រអចលនទ្រព្យដ៏ពេញនិយមបំផុត នៅក្នុងប្រទេសកម្ពុជា បានត្រឡប់មកវិញហើយ។ ពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ នឹងក្លាយជាព្រឹត្តិការណ៍ដ៏ធំនិងជោគជ័យបំផុតរបស់ប្រទេសម្តងទៀតជាមួយនឹងការលក់ចេញនូវអចលនទ្រព្យដែលមានតម្លៃរាប់លានដុល្លារ ក្នុងរយៈពេលត្រឹមតែពីរថ្ងៃប៉ុណ្ណោះ។

ស្តង់មានកំណត់ ដូច្នេះសូមទូរស័ព្ទមកយើងឥឡូវនេះ តាមរយៈលេខ ០៩២ ៩២ ១០០០ ដើម្បីកក់ស្ដង់របស់អ្នក និងចូលរួមតាំងបង្ហាញផលិតផល និងសេវាកម្មរបស់អ្នក នៅក្នុងព្រឹត្តិការណ៍ពិព័រណ៍ដ៏ធំបំផុតរបស់កម្ពុជា។ មកទល់ពេលបច្ចុប្បន្ន ពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០១៩ នៅតែគ្រងតំណែងជាព្រឹត្តិការណ៍ពិព័រណ៍ដែលធំជាងគេបំផុត មានអ្នកចូលរួមច្រើនរហូតដល់ជាង២ម៉ឺននាក់ និងលក់អចលនទ្រព្យ បានច្រើនជាងគេបំផុតគិតជាទឹកប្រាក់ច្រើនជាង ៣០លានដុល្លារ ក្នុងរយៈពេលត្រឹម២ថ្ងៃប៉ុណ្ណោះ។

ការចូលរួមក្នុងពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ មានន័យថា អ្នកនឹងចូលរួមតាំងបង្ហាញគម្រោងរបស់អ្នក ជាមួយក្រុមធំៗច្រើនជាង ១០០ ដែលនឹងបង្ហាញគម្រោងរបស់ពួកគេ ពីគ្រប់ទិសទីក្នុងប្រទេសកម្ពុជា មានដូចជា បុរី ខុនដូ អាផាតមិន វីឡាទំនើប និង គម្រោងចម្រុះជាច្រើនផ្សេងទៀត។

តើពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ នឹងប្រារព្ធធ្វើនៅឯណា?

ពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ នឹងប្រារព្ធធ្វើតែ២ថ្ងៃប៉ុណ្ណោះ គឺនៅថ្ងៃទី២៤ និង២៥ ខែមេសា ឆ្នាំ២០២០ នៅសាលពិព័រណ៍កោះពេជ្រ ដែលជាកន្លែងតាំងពិព័រណ៍លំដាប់ពិភពលោក និងធំជាងគេបង្អស់នៅរាជធានីភ្នំពេញ។

សាលពិព័រណ៍កោះពេជ្រ មិនត្រឹមតែជាកន្លែងដ៏ល្អឥតខ្ចោះ សម្រាប់ព្រឹត្តិការណ៍ដ៏ធំបែបនេះប៉ុណ្ណោះទេ ប៉ុន្តែវាក៏ជាកន្លែងដែលប្រជាជនក្នុងស្រុក និងជនបរទេស ដែលរស់នៅក្នុងរាជធានីភ្នំពេញនិយមចូលចិត្តទៅ។

តើអ្នកណាខ្លះ នឹងចូលរួមព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០នេះ?

ដោយមានការតាំងបង្ហាញនូវគម្រោងថ្មីៗ រាប់រយគម្រោង មកពីគ្រប់ទិសទីនៃប្រទេសកម្ពុជា ពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ នឹងទាក់ទាញអ្នកស្វែងរកអចលនទ្រព្យគ្រប់ប្រភេទ ដែលភាគច្រើនជាជនជាតិខ្មែរ មានដូចជា៖ អ្នកដែលមានបំណងទិញផ្ទះដំបូង គ្រួសារដែលមានជីវភាពមធ្យម និងអ្នកមានទ្រព្យច្រើន។ ពិព័រណ៍នេះ ក៏នឹងទាក់ទាញអ្នកវិនិយោគមកពីគ្រប់ទីកន្លែង រួមទាំងអ្នកក្នុងតំបន់មកចូលរួមផងដែរ មានដូចជា វិនិយោគិន ចិន ហុងកុង សិង្ហបុរី តៃវ៉ាន់ ម៉ាឡេស៊ី ថៃ ជប៉ុន និងកូរ៉េ។

ការដើរទិញទំនិញ មានការបញ្ចុះតម្លៃច្រើនសន្ធឹកសន្ធាប់ និងការដើរកម្សាន្តជុំគ្រួសារ

ក្រៅពីវិស័យអចលនទ្រព្យ ក៏មានការតាំងបង្ហាញពីវិស័យផ្សេងៗជាច្រើនទៀត ដូចជា ធនាគារ មីក្រូហិរញ្ញវត្ថុ យានយន្ត ទូរស័ព្ទ គ្រឿងសង្ហារិម សម្ភារផ្ទះបាយ គ្រឿងអលង្ការ និងសម្លៀកបំពាក់។

អ្វីដែលកាន់តែពិសេស អ្នកចូលរួមក្នុងព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ក៏នឹងមានឱកាសពិភាក្សាគ្នា ជាមួយអ្នកតំណាងមកពីធនាគារ និងមីក្រូហិរញ្ញវត្ថុឈានមុខគេនៅក្នុងប្រទេសកម្ពុជា ដើម្បីស្វែងយល់បន្ថែមអំពីតម្រូវការ ឬនីតិវិធីស្នើសុំកម្ចីសម្រាប់ទិញផ្ទះ ឬយានយន្ដ។

ពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ គឺជាព្រឹត្តិការណ៍មួយដ៏ល្អសម្រាប់ឲ្យគ្រួសារទាំងមូលអាចចូលរួម និងចំណាយពេលជាមួយគ្នាពេញមួយថ្ងៃ។ ក្នុងពិព័រណ៍នេះ ក៏មានការលក់ម្ហូបអាហារ ភេសជ្ជៈ និងការរៀបចំសកម្មភាព និងកន្លែងកម្សាន្តផ្សេងៗលក្ខណៈគ្រួសារផងដែរ។

ក្រុមហ៊ុនឈានមុខគេជាច្រើននៅកម្ពុជា បានកក់កន្លែងរួចរាល់សម្រាប់ពិព័រណ៍លំនៅដ្ឋាន និងជីវិតទាន់សម័យកម្ពុជាឆ្នាំ២០២០ខណៈពេលនេះ មានក្រុមហ៊ុនអភិវឌ្ឍន៍គម្រោងអចលនទ្រព្យធំៗជាច្រើន នៅក្នុងប្រទេសកម្ពុជា ក៏ដូចជាធនាគារ ស្ថាប័នមីក្រូហិរញ្ញវត្ថុ ភ្នាក់ងារអចលនទ្រព្យ និងក្រុមហ៊ុនស្ថាបត្យកម្មមួយចំនួនបានកក់កន្លែងរបស់ពួកគេរួចរាល់ ហើយសម្រាប់ពិព័រណ៍លំនៅដ្ឋាន និងជីវិតទាន់សម័យឆ្នាំ២០២០ ដែលនឹងប្រព្រឹត្តទៅ នៅថ្ងៃទី២៤ និង២៥ ខែមេសា ឆ្នាំ២០២០ នៅសាលពិព័រណ៍កោះពេជ្រ។

ក្រុមហ៊ុនទាំងនោះរួមមាន៖ Prince Real Estate (Cambodia) Co., Ltd, Morganford Investment (Cambodia) Co., Ltd, Urban Village, La Vista One, Garden One, Creed Group, Parc 21 Residence, The Peninsula Private Residence, E City, Borey VIP, Borey Lorn City, Borey The Flora, Borey Mongkul Phnom Penh, Aristo Developers, CBRE Cambodia, CPL, MZ Design, ACMA-Hitachi, RHB Bank and Lotus Broadcasting Services ។