ការបរិភោអាហារ ផ្លែឈើ ឬភេសជ្ជៈ ពិតណាស់ត្រូវដឹងពីអត្ថប្រយោជន៍របស់ប្រភេទអាហារនីមួយៗ ថាតើវាមានសារធាតុបំប៉ន និងជីជាតិអ្វីខ្លះចំពោះសុខភាព និងរាងកាយ ក៏ដូចជារបៀបក្នុងការទទួលទានប្រកបដោយឱជារស។ ដូច្នេះថាតើមានមនុស្សប៉ុន្មាននាក់ ធ្លាប់បានទទួលទានទឹកដោះគោជារៀងរាល់ថ្ងៃ ហើយប៉ុន្មាននាក់ ដែលបានទទួលទានទឹកដោះគោខាប់ និងដឹងពីរបៀបទទួលទានជាមួយអាហារផ្សេងៗប្រកបដោយរសជាតិ?
ជាការពិតណាស់ ទឹកដោះគោខាប់ My Boy គឺជាប្រភេទទឹកដោះគោដែលត្រូវបានផលិតឡើងក្រោមស្តង់ដារ និងគុណភាពខ្ពស់ ដើម្បីផលិតចេញនូវផលិតផលសម្រេច ផ្តល់នូវក្លិនដ៏ឈ្ងុយ សាច់ទឹកដោះគោក្រាស់ និងឱជារសផ្អែមមុតល្អ សម្រាប់គ្រប់ជំនាន់។
ក្រៅពីការទទួលទានម្ហូបអាហារប្រចាំថ្ងៃប្រកបដោយអនាម័យ ការបរិភោគទឹកដោះគោខាប់ប្រកបដោយគុណភាព នឹងជួយបង្កើនឱជារសដល់មុខម្ហូប និងអាហារដែលលោកអ្នកទទួលទាន។ តួយ៉ាងទឹកដោះគោខាប់ My Boy ត្រូវបានអតិថិជនភាគច្រើន យកទៅចម្អិនជាម្ហូបអាហារដូចតុងយ៉ាំ ការី និងអាហារសម្រន់ បង្អែម និងភេសជ្ជៈនានា។ លើសពីនេះ ទឹកដោះគោខាប់ My Boy គឺយកទៅឆុងជាមួយនឹងកាហ្វេក្តៅ ឬកាហ្វេទឹកកក ឬទឹកដោះគោក្តៅផងដែរ។
អ្វីដែលកាន់តែពិសេសនោះគឺ លោកអ្នកអាចទទួលទានទឹកដោះគោខាប់ ជាមួយនឹងផ្លែឈើជាច្រើនយ៉ាងដូចជា ប័រ ស្រកានាគ តាសក់ស្រូវ សារី ទៅតាមចំណង់ចំណូលចិត្តរបស់មនុស្សម្នាក់ៗ។
លោក Assadej Chanlohakarnkid ជាអ្នកគ្រប់គ្រងផ្នែកលក់នៅតំបន់ឥណ្ឌូឆៃណា នៃក្រុមហ៊ុន FrieslandCampina បានឲ្យដឹងថា វត្តមានរបស់ទឹកដោះគោខាប់ ក្នុងប្រទេសកម្ពុជាមានជាងពីរទសវត្សរ៍មកហើយ ហើយត្រូវបានដាក់លក់នៅតាមផ្សារទំនើប តាមភ្នាក់ងារចែកចាយទូទាំងប្រទេស ដោយសារតែការនិយមគាំទ្រយ៉ាងខ្លាំង ពីអតិថិជនគ្រប់ជំនាន់។
លោកបន្ថែមថា៖ «លោកអ្នកគ្រាន់តែដាក់កម្រិតទឹកដោះគោខាប់ My Boy ចូលក្នុងបរិមាណសមរម្យ នោះលោកអ្នក នឹងទទួលបានអាហារដែលកាន់តែមានរសជាតិឈ្ងុយឆ្ញាញ់»។
លោកលោក Assadej Chanlohakarnkid ជំរុញ និងលើកទឹកចិត្ត ដល់អតិថិជនរបស់ My Boy ទាំងអស់ ឲ្យនៅតែបន្តគាំទ្រនិងទទួលទានទឹកដោះគោខាប់ My Boy ពីព្រោះ My Boy មិនត្រឹមតែផ្តល់ឱជារសឈ្ងុយឆ្ងាញ់ ផ្អែមមុត និងខាប់ល្អនោះទេ ថែមទាំងផ្តល់សំណាង និងរង្វាន់ជាច្រើនសន្ធឹកសន្ធាប់ដល់អតិថិជនផងដែរ។
គួរបញ្ជាក់ផងដែរថា ទឹកដោះគោខាប់ My Boy ឥឡូវនេះ ក៏បានបន្ថែមនូវចំណុះថ្មី ក្រោមរូបរាងជាកញ្ចប់២គីឡូក្រាម ដែលចំណេញទាំងបរិមាណ និងតម្លៃសមរម្យ។ លោកអ្នកអាចរកជាវបាននៅគ្រប់ផ្សារទូទាំងប្រទេសកម្ពុជា៕
(អត្ថបទពាណិជ្ជកម្ម)