អត្ថបទពាណិជ្ជកម្ម
ជិះ PassApp រាល់ដង តើដឹងប្រវត្តិរបស់ក្រុមហ៊ុន PassApp ដែរឬទេ?
× ប៉ុន្មានឆ្នាំចុងក្រោយនេះ ការធ្វើដំណើរទៅកាន់ទីកន្លែងផ្សេងៗ កាន់តែមានភាពងាយស្រួល និងមានភាពសម្បូបែប ចាប់តាំងពីមានវត្តមាន PassApp ក្នុងប្រទេសកម្ពុជា។ ដោយមើលឃើញពីផលវិបាករបស់ប្រជាជន ក្នុងការធ្វើដំណើរទៅណាមកណា ត្រូវឈរចាំបក់ដៃហៅរ៉ឺម៉កកង់បី ឬម៉ូតូនៅតាមដងផ្លូវ ហើយតថ្លៃគ្នារួចទើបសម្រេចថាជិះ ឬមិនជិះ។ ហើយពេលខ្លះតម្លៃ ព្រមជិះទាំងតម្លៃថ្លៃទៀតផង។ ហេតុនេះ PassApp បាននាំយកបច្ចេកវិទ្យាថ្មីមួយនេះ ដើម្បីជួយសម្រួលដល់ការធ្វើដំណើរផ្សេងៗរបស់ប្រជាជនកម្ពុជា ដោយគ្រាន់តែដំឡើងកម្មវិធីរបស់ PassApp លោកអ្នកអាចហៅកង់បីជិះ បានយ៉ាងងាយស្រួល និងឆាប់រហ័ស។
លើសពីនេះ លោកអ្នកមិនចាំបាច់និយាយតថ្លៃទៀតនោះទេ ព្រោះ PassApp បានកំណត់តម្លៃតាមរយៈគីឡូម៉ែត្រដែលធ្វើដំណើរ។ មិនត្រឹមតែជួយសម្រួលដល់ការធ្វើដំណើរផ្សេងៗទេ PassApp ក៏ជួយសម្រួលសេដ្ឋកិច្ចដល់អ្នករត់រ៉ឺម៉កកង់បីបានយ៉ាងច្រើនផងដែរ។
គួរំលឹកថា PassApp បានចាប់ផ្ដើមឡើងដំបូង ដោយមានអ្នកបើកបរត្រឹមតែ ៧គ្រឿងប៉ុណ្ណោះ ហើយព្យាយាមទទួលអតិថិជនគ្រប់កន្លែង។ ដោយសារតែភាពងាយស្រួល រហ័ស និងតម្លៃសមរម្យនេះហើយ ក្រុមហ៊ុន PassApp បានវិវត្តន៍ខ្លួនយ៉ាងឆាប់រហ័សមិនគួរឲ្យជឿ ដោយការណែនាំពីអតិថិជនតៗគ្នា។ បច្ចុប្បន្ន មានអ្នកប្រើប្រាស់កម្មវិធីហៅ កង់បី និង តាក់ស៊ី ដំបូងបង្អស់ក្នុងប្រទេសកម្ពុជា មានចំនួន ៥លាននាក់ និងមានអ្នកបើកបរ ៣០,០០០ នាក់ ដែលជាចំនួនមួយគួរឲ្យមានមោទកភាព។
បច្ចុប្បន្ន PassApp បានពង្រីកសក្ដានុពលរបស់ខ្លួន ទៅកាន់បណ្តាខេត្ត និងទីប្រជុំជនធំៗមួយចំនួនទៀតនៅទូទាំងប្រទេសកម្ពុជា មានដូចជា ខេត្តព្រះសីហនុ ខេត្តកំពង់ចាម ខេត្តបាត់ដំបង ខេត្តសៀមរាប ខេត្តកំពត និងក្រុងប៉ោយប៉តជាដើម។ លើសពីនេះទៅទៀត ក្រុមហ៊ុន ក៏ត្រៀមពង្រីកខ្លួន ពង្រីកសក្តានុពលអាជីវកម្មរបស់ខ្លួនបន្ថែមទៀតដែរ ក្នុងប្រទេសកម្ពុជា ដើម្បីសម្រួលដល់ការធ្វើដំណើររបស់ប្រជាជនកម្ពុជា ក៏ដូចជាលើកស្ទួយជីវភាពប្រជាពលរដ្ឋដែលជាអ្នកបើកបរ។
គួរបញ្ចាក់ថា PassApp គឺជាកម្មវិធីហៅ កង់បី និង តាក់ស៊ី ដំបូងបង្អស់ក្នុងប្រទេសកម្ពុជា ដែលមានភាពរហ័ស សុវត្ដិភាព និងតម្លៃសមរម្យ ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com