ជាតិ
សុខភាព
គណនីហ្វេសប៊ុកចំនួន៦ ត្រូវបានក្រសួងសុខាភិបាល ហាមផ្សាយលក់អាល់កុល និងសារធាតុសម្លាប់មេរោគ
× ភ្នំពេញ៖ ហ្វេសប៊ុកឈ្មោះ Meily DV Shopping, MeyMey Sportware shop, Smart Accessories shop, Beauty Chose គ្រឿងសម្អាងកូរ៉េ, Mar Tey Beauty Skin និង Super Printer ត្រូវបានក្រសួងសុខាភិបាល ហាមផ្សព្វផ្សាយលក់នូវអាល់កុល និងសារធាតុសម្លាប់មេរោគ ដោយសារគ្មានលេខបញ្ជិកា និងគ្មានច្បាប់អនុញ្ញាត។
តាមរយៈសេចក្តីជូនព័ត៌មានរបស់ខ្លួនកាលពីថ្ងៃទី៩ ខែមេសា ក្រសួងសុខាភិបាល បានបញ្ជាក់ថា ទឹកអាល់កុល និងសារធាតុសម្លាប់មេរោគដែលគណនីហ្វេសប៊ុកទាំង៦ខាងលើកំពុងផ្សព្វផ្សាយ គឺគ្មានប្រភពច្បាស់លាស់ គ្មានការធានាពីគុណភាព និងគ្មានសុវត្ថិភាពដល់អ្នកប្រើប្រាស់ឡើយ។ ដើម្បីចៀសវាងការខាតបង់ថវិកា និងប៉ះពាល់ដល់សុខភាព ក្រសួងបានស្នើដល់ពលរដ្ឋទាំងអស់ត្រូវបញ្ឈប់ការប្រើប្រាស់ផលិតផលណាដែលគ្មានបញ្ជិកា ឬប្រវេទន៍ ដែលទទួលស្គាល់ពីក្រសួងសុខាភិបាល។
ក្នុងសេចក្តីជូនព័ត៌មានដដែលបានអះអាងថា ក្រសួងសុខាភិបាល នឹងមានវិធានការតឹងរ៉ឹងទៅតាមផ្លូវច្បាប់ស្តីពីច្បាប់វិសោធនកម្មច្បាប់ស្តីពីការគ្រប់គ្រងឱសថជាធរមាន ចំពោះម្ចាស់គណនីហ្វេសប៊ុកទាំង៦ខាងលើ៕
Tag:
អាល់កុល
មេរោគ
COVID-19
© រក្សាសិទ្ធិដោយ thmeythmey.com