តូបលក់អីវ៉ាន់៤០តូបត្រូវខូចខាតក្នុងគ្រោះអគ្គិភ័យនៅផ្សារណាត់ ខេត្តបាត់ដំបង

ជាតិ

សង្គមជាតិ

តូបលក់អីវ៉ាន់៤០តូបត្រូវខូចខាតក្នុងគ្រោះអគ្គិភ័យនៅផ្សារណាត់ ខេត្តបាត់ដំបង

31, Aug 2020 , 9:48 am

រូបភាព

អគ្គិភ័យឆាបឆេះផ្សារធំបាត់ដំបង ឬហៅថាផ្សារណាត់បាត់ដំបងកាលពីថ្ងៃទី៣០ ខែសីហា ឆ្នាំ២០២០ រូបភាពពីនាយកដ្ឋាននគរបាលបង្ការពន្លត់អគ្គិភ័យនិងសង្គ្រោះនៃអគ្គស្នងការដ្ឋាននគរបាលជាតិ

ដោយ:

ភ្នំពេញ៖ អគ្គិភ័យដែលឆាបឆេះផ្សារធំបាត់ដំបង ឬហៅថាផ្សារណាត់បាត់ដំបង កាលពីម៉ោង៥ល្ងាច ថ្ងៃទី៣០ ខែសីហា បានបណ្តាលឲ្យតូបលក់អីវ៉ាន់ក្នុងផ្សារចំហៀងខាងជើង ត្រូវបានខូចខាតអស់៤០តូប។ នេះបើតាមការផ្សាយព័ត៌មានរបស់នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ។

ទាក់ទងនឹងមូលហេតុដែលបណ្តាលឲ្យឆាបឆេះផ្សារនេះ នាយកដ្ឋាននគរបាលបង្ការពន្លត់អគ្គិភ័យ កំពុងតែស្ថិតនៅក្នុងការស្រាវជ្រាវនៅឡើយ ខណៈពលរដ្ឋមួយចំនួនអះអាងបឋមថាគឺបណ្តាលមកពីទុស្សេខ្សែភ្លើង។

បើតាមនាយកដ្ឋាននគរបាលបង្ការពន្លត់អគ្គិភ័យ ហេតុការណ៍អគ្គិភ័យនោះ បានប្រើប្រាស់រថយន្តពន្លត់អគ្គិភ័យអស់ចំនួន១៦រថយន្ត៕