ជាតិ
×
ផ្តួចផ្តើមចងក្រងផ្តងផ្តែរផ្តាំ ចាប់គិតហើយចាំស្រស្រួលស្រុះ
រួមចែករំលែកទាំងស្រីប្រុស ធ្វើច្រើនមិនខុសខ្មែរចំណេញ។
រួមផ្តិតរូបភាពរៀបសំណេរ រៀបរៀងរាប់កេរខ្មែរផ្សាយចេញ
បង្ហោះបង្ហាញបែបប្រដេញ សារឥតចំណេញគួរចំណាំ។
រូបភាពល្អល្អះដាក់តាមល្អាន Share, Live ក៏បានជាប្រចាំ
ឌឺដៀលបញ្ចោរនាំស្រុកស្រាំ ស្មេរស្ម័គ្រស្មោះផ្តាំកុំចែកចាយ។
រឿងវិជ្ជមានមានអនេក ល្មមរួមគ្នាចែកនិងផ្សព្វផ្សាយ
ខ្មែរស្រឡាញ់ខ្មែរៗជិតឆ្ងាយ សាសន៍ក្រៅនាយអាយអត់អាចពឹង។
គេរាប់ជាមិត្តគិតប្រយោជន៍ យើងខ្សោយខ្សោះហោចគេរត់វឹង
ទ្រុឌទ្រោមទ្រេតទ្រោតជាប់ងាប់ទ្រឹង ជួបហើយរឿងហ្នឹងពីអតីត៕
© រក្សាសិទ្ធិដោយ thmeythmey.com