អត្ថបទពាណិជ្ជកម្ម
ក្រុមហ៊ុន Eaton ជ្រើសតាំងក្រុមហ៊ុន One Stop Solution Electric ជាតំណាងចែកចាយផលិតផលនៅកម្ពុជា
×![]()
ដោយ: សារព័ត៌មានថ្មីៗ
ប្រទេសកម្ពុជា ថ្ងៃទី០២ ខែវិច្ឆិកា ឆ្នាំ២០២០៖ ក្រុមហ៊ុន Eaton ដែលជាក្រុមហ៊ុនលំដាប់ពិភពលោក ផ្នែកគ្រប់គ្រងថាមពលអគិ្គសនី បានជ្រើសតាំ ក្រុមហ៊ុន One Stop Solution Electric (OSS) ជាភ្នាក់ងារចែកចាយស្របច្បាប់ សម្រាប់ម៉ាកយីហ៉ោ Moeller របស់ក្រុមហ៊ុន Eaton នៅកម្ពុជា។ ភាពជាដៃគូនេះ នឹងចាប់ផ្ដើមនៅថ្ងៃទី០២ ហើយនឹងផ្ដល់សិទ្ធិសម្រាប់ការចែកចាយ ផលិតផលអគ្គិសនីប្រភេទ ត្រង់ស្យុងកម្រិតទាប (Low Voltage) ពីម៉ាកយីហ៉ោ Moeller របស់ក្រុមហ៊ុន Eaton រួមមាន ឌីសង់ទ័រ ប្រភេទ MCB និង ឌីសង់ទ័រទប់ភ្លើង ((SPD) ដែលជាឧបករណ៍សំខាន់ៗ របស់ហេដ្ឋារចនាសម្ព័ន្ធគ្រប់គ្រងថាមពលអគ្គិសនី នៅតាមបណ្ដាអាគារនីមួយៗ។
លោក Gary Ang នាយកគ្រប់គ្រងប្រចាំតំបន់ឥណ្ឌូចិន របស់ក្រុមហ៊ុន Eaton មានគូសបញ្ជាក់ថាការអភិវឌ្ឍយ៉ាងលឿនរហ័សរបស់ប្រទេសកម្ពុជា និងកំណើននៃការប្រើប្រាស់ថាមពលអគ្គិសនី ប្រសិទ្ធភាព និងទំនុកចិត្តក្នុងការគ្រប់គ្រងថាមពលអគ្គិសនីនៅកម្ពុជា នឹងក្លាយជាកត្តាសំខាន់ ដើម្បីធានាឲ្យបានកំណើនប្រកបដោយចីរភាព។ លោក Gary Ang បន្តថា៖«ដំណើរនៃការអភិវឌ្ឍហេដ្ឋារចនាសម្ពន្ធ័ថាមពលអគ្គិសនី របស់កម្ពុជាគឺទើបតែចាប់ផ្តើម ហើយយើងរីករាយដែលបានចាប់ផ្ដើមភាពជាដៃគូនេះជាមួយ ក្រុមហ៊ុន One Stop Solution Electric (OSS) ដើម្បីផ្ដល់សេវាជំនាញនិងដំណោះស្រាយរបស់យើងកាន់តែទូលំទូលាយ សម្រាប់អាជីវកម្មនៅទូទាំងប្រទេស»។
លោក Tan Kim San នាយកគ្រប់គ្រង ក្រុមហ៊ុន One Stop Solution Electric (OSS) មានប្រសាសន៍ថា៖ «ភាពជាដៃគូជាមួយ ក្រុមហ៊ុន Eaton នឹងអនុញ្ញាតឱ្យយើង ផ្ដើមកិច្ចសហប្រតិបតិ្តការ កាន់តែជិតស្និទ្ធជាមួយក្រុមហ៊ុន និងអាចណែនាំផលប័ត្រផលិតផល ប្រកបដោយភាពច្នៃប្រឌិត និងសម្បូរបែបរបស់ពួកគេ មកដល់ប្រទេសកម្ពុជា តាមរយៈបណ្តាញក្រុមការងារក្នុងស្រុករបស់យើង ដែលរឹងមាំស្រាប់។ ប្រទេសកម្ពុជា កំពុងផ្ដោតចក្ខុវិស័យក្នុងការស្ដារសេដ្ឋកិច្ចឲ្យងើបឡើងវិញ នៅប៉ុន្មានខែខាងមុខនេះ ដូច្នេះយើងនឹងបានត្រៀមលក្ខណៈរួចរាល់ ដើម្បីជួយគាំទ្រដល់ការងើបឡើងវិញ នៃវិស័យសំណង់ និងការលក់រាយ» ។
ការបោះជំហានរបស់ក្រុមហ៊ុន Eaton មកកាន់ទីផ្សារកម្ពុជានាពេលនេះ បញ្ជាក់ឲ្យឃើញពីការប្តេជ្ញារបស់ខ្លួន ក្នុងការគាំទ្រដល់ការវិវឌ្ឍន៍ផ្នែកឌីជីថល និងការផ្ដល់ដំណោះស្រាយគ្រប់គ្រងថាមពលអគ្គិសនី ប្រកបដោយនិរន្តរភាព ឲ្យកាន់តែទូលំទូលាយ សម្រាប់ប្រជាពលរដ្ឋគ្រប់គ្នា។ ភាគច្រើននៃផលិតផលប្រភេទ តង់ស្យុងកម្រិតទាប (Low Voltage) ដែលស្ថិតក្រោមម៉ាកយីហោ Moeller របស់ក្រុមហ៊ុន Eaton ទាំងអស់នេះ ត្រូវបានប្រើប្រាស់ជាទូទៅ ក្នុងវិស័យសំណង់អគារលំនៅដ្ឋាន អគារពាណិជ្ជកម្ម និងអគារជាផ្សារលក់រាយ ដែលមានកម្ពស់ពីទាបទៅមធ្យម ដែលសុទ្ធសឹងជាវិស័យ ដែលមានការរីកចម្រើនលឿនបំផុត នៅក្នុងវិស័យសំណង់នៅកម្ពុជា។
សេចក្ដីប្រកាសអំពីភាពជាដៃគូរបស់ ក្រុមហ៊ុន Eaton ជាមួយ ក្រុមហ៊ុន One Stop Solution Electric (OSS) នៅកម្ពុជា គឺជាភាពជាដៃគូថ្មីជាងគេបំផុត របស់ក្រុមហ៊ុន Eaton ដែលកំពុងពង្រីកបណ្ដាញដៃគូ នៅក្នុងតំបន់ ដែលភាពជាដៃគូទាំងអស់នេះ អនុញ្ញាតឱ្យក្រុមហ៊ុន Eaton អាចទ្រទ្រង់ដល់តម្រូវការគ្រប់គ្រង និងការចែកចាយថាមពលអគ្គិសនី ដែលកំពុងកើនឡើង នៅក្នុងវិស័យនានា។ ជាមួយនឹងបទពិសោធន៍ជាង ១០០ ឆ្នាំ ក្នុងនាមជាក្រុមហ៊ុន ពហុជាតិលំដាប់ពិភពលោក និងមានវត្តមាននៅក្នុងតំបន់អាស៊ីប៉ាស៊ីហ្វិក តាំងពីទសវត្សឆ្នាំ ១៩៧០ មក ក្រុមហ៊ុន Eaton មានកិត្តិនាមល្បីល្បាញ ក្នុងនាមជាក្រុមហ៊ុនឈានមុខគេ ក្នុងដំណោះស្រាយគ្រប់គ្រងថាមពលអគ្គីសនី៕
(អត្ថបទពាណិជ្ជកម្ម)
Tag:
Quantung
© រក្សាសិទ្ធិដោយ thmeythmey.com
