លោក សួន វិសាល អតីតប្រធានគណៈមេធាវី ត្រូវបានតែងតាំងជារដ្ឋលេខាធិការក្រសួងយុត្តិធម៌

ជាតិ

នយោបាយជាតិ

លោក សួន វិសាល អតីតប្រធានគណៈមេធាវី ត្រូវបានតែងតាំងជារដ្ឋលេខាធិការក្រសួងយុត្តិធម៌

03, Nov 2020 , 10:07 am

រូបភាព

លោក សួន វិសាល ប្រធានគណៈមេធាវីអណត្តិទី១១ និងទី១២ ក្លាយជារដ្ឋលេខាធិការក្រសួងយុត្តិធម៌

ដោយ: រួបរួម

លោក សួន វិសាល អតីតប្រធានគណៈមេធាវីនៃព្រះរាជាណាចក្រកម្ពុជា ត្រូវបានតែងតាំងជារដ្ឋលេខាធិការក្រសួងយុត្តិធម៌។ នេះបើយោងតាមព្រះរាជក្រឹត្យ ចុះហត្ថលេខាដោយសម្តេច សាយ ឈុំ ប្រមុខរដ្ឋស្តីទី កាលពីថ្ងៃទី២ ខែវិច្ឆិកា ឆ្នាំ២០២០។

អត្ថបទទាក់ទង

លោក លី ច័ន្ទតុលា ជាប់ឆ្នោតជាប្រធានគណៈមេធាវីអាណត្តិទី១៣

លោក សួន វិសាល បានកាន់តំណែងជាប្រធានគណៈមេធាវីពីរអណត្តិកន្លងមក (ទី១១ និងទី១២) មុនពេលដែលលោក លី ច័ន្ទតុលា ទទួលបានតំណែងសម្រាប់អណត្តិទី១៣ នាអំឡុងមហាសន្និបាតលើទី២៥ របស់គណៈមេធាវី កាលពីថ្ងៃទី១៦ ខែតុលា។

ក្នុងព្រះរាជក្រឹត្យ ដដែល លោក សុន ពិសិដ្ឋ ត្រូវបានតែងតាំងជាអនុរដ្ឋលេខាធិការក្រសួងយុត្តិធម៌ ខណៈព្រះរាជក្រឹត្យមួយផ្សេងទៀត បានដំឡើងលោក កែវ សុផល និងលោក អ៊ូ រ៉ាស៊ី ពីអនុរដ្ឋលេខាធិការទៅជារដ្ឋលេខាធិការក្រសួងយុត្តិធម៌។

ជាមួយគ្នាផងដែរ សម្តេច សាយ ឈុំ ប្រមុខរដ្ឋស្តីទី បានតែងតាំង និងផ្តល់ឋានៈដល់សមាសភាពរបស់ក្រុមប្រឹក្សានីតិកម្ម និងយុត្តិធម៌ នៃក្រសួងយុត្តិធម៌ចំនួន១៨រូប ដែលដឹកនាំដោយលោករដ្ឋមន្ត្រី កើត រិទ្ធ។

លោក ជីវ សុងហាក់ ទទួលតំណែងអនុប្រធានប្រចាំការបន្ថែមលើមុខងារបច្ចុប្បន្ន ខណៈលោក ឆាយ ហុកផេង និងលោក ស៊ូ សុជាតិ ជាអនុប្រធាន មានឋានៈស្មើរដ្ឋលេខាធិការ។

ក្នុងក្រុមប្រឹក្សាដដែល សមាជិក៥រូបទៀត មានឋានៈស្មើអនុរដ្ឋលេខាធិការ និង៩រូបផ្សេងទៀត មានឋានៈស្មើអគ្គនាយក ដោយអ្នកខ្លះមានតួនាទី បន្ថែមលើការងារបច្ចុប្បន្ន៕