អន្តរជាតិ
កោះសាម័រ មានករណីកូវីដ-១៩ ទី១ ប៉ុន្តែថ្ងៃបន្ទាប់ អ្នកជំងឺអវិជ្ជមានវិញ លោកនាយករដ្ឋមន្ត្រីសាម័រ Tuilaepa Sailele Malielegaoi ។ រូបថត UN
× តាមរយៈ Facebook Live ប្រមុខរដ្ឋាភិបាលសាម័រ លោក Tuilaepa Sailele Malielegaoi នាថ្ងៃព្រហស្បតិ៍នេះ បានប្រកាសពីករណីវិជ្ជមានដំបូងនៅដែនកោះរបស់ខ្លួន។ ប៉ុន្តែក្រោយតេស្តលើកទីពីរ លទ្ធផលអវិជ្ជមានវិញ ហើយអ្នកជំងឺត្រូវបន្តធ្វើចត្តាឡីស័ក។
អ្នកជំងឺជាកម្មករសមុទ្រម្នាក់ដែលមានប្រវត្តិធ្វើដំណើរតាមនាវាពីក្រុង Auckland ប្រទេសនូវែលសេឡង់។ គាត់ស្តិតក្នុងចំណោមមនុស្សប្រមាណ៣០០នាក់ ដែលកំពុងស្ថិតក្រោមចត្តាឡីស័ក និងជាកម្មករម្នាក់ក្នុងចំណោម១៧នាក់ ដែលត្រូវបានបញ្ជូនតាមនាវាទៅសាម័រ កាលពីថ្ងៃទី១៣ ខែវិច្ឆិកា។
ក្រោយលទ្ធផលវិជ្ជមាននាថ្ងៃទី១៨ ខែវិច្ឆិកា មន្ត្រីសុខាភិបាលសាម័រ បានប្រកាសអវិជ្ជមានវិញ ក្រោយតេស្តលើកទីពីរ នាថ្ងៃបន្ទាប់។ ទោះបីជាយ៉ាងណាក៏ដោយ អ្នកជំងឺបន្តរស់នៅដាច់ដោយឡែកនៅមន្ទីរពេទ្យ Tupua Tamasese Motootua ដដែល។
សាម័រជាដែនកោះមួយនៅមហាសមុទ្រប៉ាស៊ីហ្វិក ដែលព្យាយាមទប់ស្កាត់ការឆ្លង COVID-19។ ប្រជាជាតិ និងទឹកដីតូចៗផ្សេងទៀត ដែលប្រកាសថា មិនទាន់មានករណីឆ្លង COVID-19 មានដូចជា គិរីបាទី, ម៉ាយក្រូណេស៊ី, ណូរុ, ប៉ាឡាវ, តុងហ្គា, ទូវាលូ និង វានូអាទូ ខណៈកោះសូឡូម៉ុង កោះម៉ាហ្សាល់ និងវានូអាទូ ទើបបានរកឃើញករណីដំបូងជាបន្តបន្ទាប់៕
© រក្សាសិទ្ធិដោយ thmeythmey.com