តំណាងរាស្ត្រ និងមន្ត្រីរដ្ឋសភា ត្រូវធ្វើតេស្តរកកូវីដ-១៩ លើកទីពីរ នៅថ្ងៃទី៨ ធ្នូ

COVID-19

ជាតិ

តំណាងរាស្ត្រ និងមន្ត្រីរដ្ឋសភា ត្រូវធ្វើតេស្តរកកូវីដ-១៩ លើកទីពីរ នៅថ្ងៃទី៨ ធ្នូ

08, Dec 2020 , 7:59 am

រូបភាព

ដោយ៖ ប៉ូ សុភា

តំណាងរាស្ត្រ និងមន្ត្រីរដ្ឋសភា នឹងត្រូវធ្វើតេស្តរកកូវីដ-១៩ លើកទីពីរ នៅព្រឹកថ្ងៃអង្គារ ទី៨ ខែធ្នូនាសាលសន្និសីទបាយ័ន នៃវិមានរដ្ឋសភា។ នេះបើតាមអគ្គលេខាធិការដ្ឋានរដ្ឋសភា ។

តំណាងរាស្ត្រ និងមន្ត្រីរដ្ឋសភា នឹងត្រូវធ្វើតេស្តរកកូវីដ-១៩ លើកទីពីរ គឺជាអ្នកពាក់ព័ន្ធនឹងព្រឹត្តិការណ៍២៨វិច្ឆិកាកន្លងទៅ។ ថ្នាក់ដឹកនាំ និងមន្ត្រីរដ្ឋសភា បានធ្វើតេស្តយកសំណាកលើកទីមួយ កាលពីថ្ងែទី១ ខែធ្នូ ឆ្នាំ២០២០ ។

ថ្នាក់ដឹកនាំរដ្ឋសភា និងសមាជិក ដែលបានចូលរួមធ្វើតេស្តរកមេរោគកូវីដ១៩លើកទីមួយកាលពីថ្ងៃទី១ ខែធ្នូ រួមមាន សម្តេច ហេង សំរិន, លោក ងួន ញិល អនុប្រធានទី១រដ្ឋសភា លោកស្រី ឃួន សុដារី អនុប្រធានទី២រដ្ឋសភា, ប្រធានគណៈកម្មការទាំង១០ នៃរដ្ឋសភា, សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។ ក្រៅពីនេះ ក៏មានលោកឧបនាយករដ្ឋមន្ត្រី អូន ព័ន្ធមុន្នីរ័ត រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងសម្តេចចៅហ្វាវាំង គង់ សំអុលផងដែរ ។

កម្ពុជា មានអ្នកឆ្លងកូវីដ-១៩ ចំនួន៣៤៨នាក់ ក្នុងនោះជាសះស្បើយ៣០៦នាក់ ។ រីឯអ្នកជំងឺដែលកំពុងសម្រាកព្យាបាល មាន៣៣នាក់នៅមន្ទីរពេទ្យមិត្តភាពខ្មែរ-សូវៀត និង៩នាក់នៅមណ្ឌលសុខភាពចាក់អង្រែ ៕