COVID-19
អន្តរជាតិ
កូរ៉េខាងជើង តួកមេនីស្ថាន និងកោះប៉ាស៊ីហ្វិកមួយចំនួននៅតែគ្មានករណី COVID-19
លោក គឹម ជុងអ៊ុន មេដឹកនាំកូរ៉េខាងជើង និងលោក លោក Gourbangouly Berdmoukhamedov ប្រធានាធិបតីតួកមេនីស្ថាន
×![]()
ដោយ: ធីតា
ប្រទេស និងដែនដី ជាង២០០ហើយដែលមានករណីឆ្លង COVID-19 បើគិតចាប់តាំងពីការរាលដាលចេញពីក្រុងវូហាន ប្រទេសចិន នៅខែធ្នូ ឆ្នាំ២០១៩មក។ នៅអាស៊ី មានតែ២ប្រទេសប៉ុណ្ណោះ ដែលមិនមានការប្រកាសពីករណីឆ្លង ពោលគឺកូរ៉េខាងជើង និងតួកមេនីស្ថាន ខណៈតំបន់ផ្សេងទៀតដែលមិនទាន់ឃើញមានករណីឆ្លង គឺជាបណ្តាកោះប៉ាស៊ីហ្វិក។
កូរ៉េខាងជើងដែលស្ថិតនៅក្បែរខាងចិន ត្រូវបានវាយតម្លៃថា មានប្រព័ន្ធសុខាភិបាលខ្សោយ ប៉ុន្តែអាជ្ញាធរសុខាភិបាលនៃប្រទេសដ៏ឯកោមួយនេះ បានបញ្ជាក់ថា ប្រទេសខ្លួនមិនមានករណីឆ្លង COVID-19 នោះឡើយ។ ទោះបីជាយ៉ាងណាក៏ដោយ បណ្តាសារព័ត៌មានបរទេស ជាពិសេសកាសែតដែលមានទីស្នាក់ការនៅកូរ៉េខាងត្បូង អះអាងពីករណីឆ្លង និងស្លាប់នៅក្បែរព្រំដែនចិន ប៉ុន្តែមេដឹកនាំកូរ៉េខាងជើង គឹម ជុងអ៊ុន បានបិទបាំងព័ត៌មាន។
តួកមេនីស្ថាន ដែលស្ថិតនៅតំបន់អាស៊ីកណ្តាល តាំងពីចុងខែកុម្ភៈ មក ហាមឃាត់ និងរឹតត្បិតយ៉ាងខ្លាំងចំពោះអ្នកដែលមានប្រវត្តិពីប្រទេសដែលឆ្លង COVID-19 ខ្លាំង។ ទាក់ទងនឹងជនបរទេស រដ្ឋាភិបាលនៃប្រទេសមួយនេះ បានតម្រូវឲ្យមានលិខិតបញ្ជាក់ថា គ្មាន COVID-19។
របាយការណ៍ដែលអះអាងថា តួកមេនីស្ថាន គ្មានករណីកូវីដ-១៩ របស់ ក៏រងការរិះគន់ពីអន្តរជាតិផងដែរ ដោយពួកគេថា រដ្ឋាភិបាលលោក Gourbangouly Berdmoukhamedov លាក់បាំង និងរឹតត្បិតសេរីភាពសារព័ត៌មាន។
ក្រៅពីប្រទេសទាំងពីរនៅអាស៊ី ដែនកោះប៉ាស៊ីហ្វិកមួយចំនួនក៏មិនទាន់មានសេចក្តីរាយការណ៍ទាក់ទងនឹងករណីឆ្លងកូវីដ-១៩នោះដែរ ដែលក្នុងនោះរួមមាន គីរីបាទី, ម៉ាយក្រូណេស៊ី, ណូរុ, ប៉ាឡាវ, តុងហ្គា, ទូវាលូ និងប្រជុំកោះ Pitcaim៕
© រក្សាសិទ្ធិដោយ thmeythmey.com
