COVID-19
អន្តរជាតិ
មីយ៉ាន់ម៉ាមានអ្នកឆ្លងកូវីដ-១៩ ជាង១០ម៉ឺននាក់ ខណៈអ្នកស្លាប់ឡើងដល់២១៣២នាក់
រូបថត AFP
×![]()
ដោយ: រួបរួម
មីយ៉ាន់ម៉ា ក្លាយជាប្រទេសទី៣ នៅតំបន់អាស៊ីអាគ្នេយ៍ បន្ទាប់ពីឥណ្ឌូណេស៊ី និងហ្វីលីពីន ដែលមានករណីឆ្លងកូវីដ-១៩ លើស១០ម៉ឺនករណី ដោយគិតត្រឹមព្រឹកថ្ងៃអង្គារ ទី៨ ខែធ្នូនេះ។ 
កាលពីម្សិលមិញ មីយ៉ាន់ម៉ា១២៧៦ករណីបន្ថែម ដែលធ្វើឲ្យចំនួនសរុបឡើងដល់ជាង១០ម៉ឺនករណី រីឯអ្នកស្លាប់ឡើងដល់២១៣២នាក់ និងជិត៨ម៉ឺននាក់បានជាសះស្បើយ។ នៅឥណ្ឌូណេស៊ី ករណីឡើងជាង៥៨ម៉ឺន (ស្លាប់ជិត១៨០០០នាក់) និងហ្វីលីពីន មានជាង៤៤ម៉ឺនករណី (ស្លាប់ជាង៨៥០០នាក់)។
សម្រាប់តំបន់អាស៊ីអាគ្នេយ៍ ប្រទេសដែលមានករណីឆ្លងច្រើនបន្ទាប់ពីមីយ៉ាន់ម៉ា គឺម៉ាឡេស៊ី (ជាង៧៤០០០ករណី), សិង្ហបុរី (ជាង៥៨០០០ករណី)។ ថៃមាន៤១០៧ករណី វៀតណាម ១៣៦៧ករណី កម្ពុជា៣៥០ករណី ព្រុយណេ១៥១ករណី ឡាវ ៤១ករណី និងទីម័រខាងកើត៣១ករណី។
ករណីជាច្រើនបានជាសះស្បើយ ខណៈ កម្ពុជា ឡាវ និងទីម័រខាងកើត មិនមានករណីស្លាប់នោះឡើយ។
នៅលើពិភពលោកទាំងមូល ករណីឆ្លងឡើងជិត៦៨លាន ក្នុងនោះស្លាប់ជាង១.៥៥លាននាក់ និងសះស្បើយជាង៤៧លាននាក់។ សហរដ្ឋអាមេរិក ឥណ្ឌា និងប្រេស៊ីល មានករណីឆ្លង និងស្លាប់ច្រើនជាងគេបំផុត៕
© រក្សាសិទ្ធិដោយ thmeythmey.com
