COVID-19
អន្តរជាតិ
អ្នកឆ្លងកូវីដ-១៩ លើលោកមានជាង៧០.៧១លាននាក់ដោយជាង១៦លាននាក់នៅអាមេរិក
× អ្នកកើតកូវីដ-១៩ លើពិភពលោក ឡើងដល់ជាង៧០.៧១លាននាក់ហើយ ដោយគិតត្រឹមថ្ងៃទី១១ ខែធ្នូ នេះ ដែលក្នុងនោះជាង១.៥៨លាននាក់ស្លាប់ និងជាង៤៩លាននាក់ បានជាសះស្បើយ។ សហរដ្ឋអាមេរិក ឥណ្ឌា និងប្រេស៊ីល នៅតែបន្តរងគ្រោះខ្លាំងជាងគេបំផុត។
ក្នុងចំណោមជាង៧០.៧១លានករណី សហរដ្ឋអាមេរិក មានជាង១៦លាន, ឥណ្ឌាជាង៩.៧៩លាន, ប្រេស៊ីលជាង៦.៧៨លាន, រុស្ស៊ីជាង២.៥៦លាន, បារាំងជាង២.៣៣លាន។ ចក្រភពអង់គ្លេស អ៊ីតាលី តួកគី និងអេស្ប៉ាញ ស្ថិតក្នុងរង្វង់ជាង១.៧លានដូចគ្នា រីឯប្រទេសផ្សេងទៀតដែលមានជាង១លានករណីរួមមាន អាហ្សង់ទីន កូឡុំប៊ី អាល្លឺម៉ង់ ម៉ិកស៊ិក ប៉ូឡូញ និងអ៊ីរ៉ង់។
ប៉េរូ មានជាង៩៧ម៉ឺនករណី អ៊ុយក្រែនជាង៨៥ម៉ឺន, អាហ្វ្រិកខាងត្បូងជាង៨៣ម៉ឺន, ឥណ្ឌា, បែលហ្ស៊ិក, ហូឡង់, អ៊ីរ៉ាក់, ស៊ីលី, ឆេក និងរូម៉ានី មានចន្លោះពីជាង៥៣ម៉ឺនទៅជិត៦០ម៉ឺនករណី ខណៈតួលេខនៅបង់ក្លាដែស ហ្វីលីពីន កាណាដា និងប៉ាគីស្ថាន កំពុងឈានទៅរកកន្លះលានករណីរៀងៗខ្លួន។
ក្នុងចំណោមអ្នកស្លាប់ជាង១.៥៨លាន សហរដ្ឋអាមេរិកមានជិត៣០ម៉ឺននាក់ បន្តដោយប្រេស៊ីលជិត១៨ម៉ឺន, ឥណ្ឌាជាង១៤ម៉ឺន និងម៉ិកស៊ិកជាង១១ម៉ឺន។ ២១ប្រទេសមានអ្នកស្លាប់ចាប់ពីជាង១ម៉ឺននាក់ទៅជាង៦ម៉ឺននាក់ ដែលក្នុងនោះឥណ្ឌូណេស៊ី មានជាង១៨០០០នាក់ផងដែរ៕
© រក្សាសិទ្ធិដោយ thmeythmey.com