COVID-19
ជាតិ
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល
×![]()
ដោយ: រួបរួម
ក្រសួងសុខាភិបាល នាថ្ងៃនេះ បានប្រកាសពីករណីវិជ្ជមានកូវីដ-១៩ ចំនួន៣ករណីទៀត ដោយ២ជាករណីនាំចូល និង១ជាករណីពាក់ព័ន្ធសហគមន៍២៨វិច្ឆិកា។
ករណីសហគមន៍២៨វិច្ឆិកា ជាកុមារាអាយុ១ឆ្នាំ ម្នាក់ ដែលមានអាសយដ្ឋាននៅសង្កាត់និរោធ ខណ្ឌច្បារអំពៅ។ កុមារនោះជាកូនរបស់ស្ត្រីអ្នកជំងឺអាយុ៣០ឆ្នាំ ដែលបានតេស្តឃើញវិជ្ជមានកាលពីថ្ងៃទី២៩ ខែវិច្ឆិកា។ ករណីទី៤១ក្នុងសហគមន៍នេះ ឃើញវិជ្ជមានកូវីដ-១៩ ក្រោយតេស្តលើកទី៣។
រីឯករណីនាំចូល២មាន ស្ត្រីខ្មែរ-អាមេរិកអាយុ៦៦ឆ្នាំ ដែលមកពីអាមេរិក ឆ្លងកាត់កូរ៉េខាងត្បូង និងមកដល់កម្ពុជានៅថ្ងៃទី១៣ ខែធ្នូ។ អ្នករួមដំណើរ១០៤នាក់ទៀត កំពុងធ្វើចត្តាឡីស័ក។ ១ករណីទៀត ជាស្ត្រីជប៉ុនអាយុ៣៤ឆ្នាំ ដែលមកដល់កម្ពុជានៅថ្ងៃទី១៣ ខែធ្នូ ដូចគ្នា រួមជាមួយអ្នកដំណើរ៦៤នាក់ទៀត ដែលបន្តចត្តាឡីស័ក។
ជាមួយគ្នានេះ ក្រសួងបានប្រកាសពីករណីសះស្បើយ ដោយទាំង៣ករណីពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា ក្នុងនោះមាន បុរសអាយុ៥៧ឆ្នាំដែលជាអគ្គនាយកពន្ធនាគារ ស្រ្តីអាយុ៣០ឆ្នាំ ដែលជាសមាជិកគ្រួសារអ្នកបើករថយន្តឲ្យអគ្គនាយកពន្ធនាគារ និងបុរសអាយុ៣៤ឆ្នាំដែលធ្វើការនៅក្រសួងមហាផ្ទៃ។ ពួកគាត់មានលទ្ធតេស្តអវិជ្ជមាន២ដង។
សរុបនៅកម្ពុជា អ្នកកើតកូវីដ-១៩ ឡើងដល់៣៦២នាក់ ក្នុងនោះ៣១២នាក់ បានជាសះស្បើយ។ អ្នកជំងឺដែលបន្តសម្រាកព្យាបាល មាន៣៣នាក់នៅពេទ្យមិត្តភាពខ្មែរសូវៀត ១០នាក់នៅមណ្ឌលសុខភាពចាក់អង្រែ និង៧នាក់នៅមជ្ឈមណ្ឌលជាតិប្រយុទ្ធនឹងជំងឺរបេង និងហង់សិន។
ពាក់ព័ន្ធនឹងព្រឹតិ្តការណ៍សហគមន៍២៨វិច្ឆិកា អ្នកជំងឺមាន៤១នាក់ ក្នុងនោះ៣នាក់ជាសះស្បើយ។ វិទ្យាស្ថានជាតិប៉ាស្ទ័រ បន្តវិភាគវត្ថុសំណាក៥២៧ ដែលនៅសេសសល់នាថ្ងៃអង្គារនេះបន្ថែមទៀត៕
ករណីសហគមន៍២៨វិច្ឆិកា ជាកុមារាអាយុ១ឆ្នាំ ម្នាក់ ដែលមានអាសយដ្ឋាននៅសង្កាត់និរោធ ខណ្ឌច្បារអំពៅ។ កុមារនោះជាកូនរបស់ស្ត្រីអ្នកជំងឺអាយុ៣០ឆ្នាំ ដែលបានតេស្តឃើញវិជ្ជមានកាលពីថ្ងៃទី២៩ ខែវិច្ឆិកា។ ករណីទី៤១ក្នុងសហគមន៍នេះ ឃើញវិជ្ជមានកូវីដ-១៩ ក្រោយតេស្តលើកទី៣។
រីឯករណីនាំចូល២មាន ស្ត្រីខ្មែរ-អាមេរិកអាយុ៦៦ឆ្នាំ ដែលមកពីអាមេរិក ឆ្លងកាត់កូរ៉េខាងត្បូង និងមកដល់កម្ពុជានៅថ្ងៃទី១៣ ខែធ្នូ។ អ្នករួមដំណើរ១០៤នាក់ទៀត កំពុងធ្វើចត្តាឡីស័ក។ ១ករណីទៀត ជាស្ត្រីជប៉ុនអាយុ៣៤ឆ្នាំ ដែលមកដល់កម្ពុជានៅថ្ងៃទី១៣ ខែធ្នូ ដូចគ្នា រួមជាមួយអ្នកដំណើរ៦៤នាក់ទៀត ដែលបន្តចត្តាឡីស័ក។
ជាមួយគ្នានេះ ក្រសួងបានប្រកាសពីករណីសះស្បើយ ដោយទាំង៣ករណីពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា ក្នុងនោះមាន បុរសអាយុ៥៧ឆ្នាំដែលជាអគ្គនាយកពន្ធនាគារ ស្រ្តីអាយុ៣០ឆ្នាំ ដែលជាសមាជិកគ្រួសារអ្នកបើករថយន្តឲ្យអគ្គនាយកពន្ធនាគារ និងបុរសអាយុ៣៤ឆ្នាំដែលធ្វើការនៅក្រសួងមហាផ្ទៃ។ ពួកគាត់មានលទ្ធតេស្តអវិជ្ជមាន២ដង។
សរុបនៅកម្ពុជា អ្នកកើតកូវីដ-១៩ ឡើងដល់៣៦២នាក់ ក្នុងនោះ៣១២នាក់ បានជាសះស្បើយ។ អ្នកជំងឺដែលបន្តសម្រាកព្យាបាល មាន៣៣នាក់នៅពេទ្យមិត្តភាពខ្មែរសូវៀត ១០នាក់នៅមណ្ឌលសុខភាពចាក់អង្រែ និង៧នាក់នៅមជ្ឈមណ្ឌលជាតិប្រយុទ្ធនឹងជំងឺរបេង និងហង់សិន។
ពាក់ព័ន្ធនឹងព្រឹតិ្តការណ៍សហគមន៍២៨វិច្ឆិកា អ្នកជំងឺមាន៤១នាក់ ក្នុងនោះ៣នាក់ជាសះស្បើយ។ វិទ្យាស្ថានជាតិប៉ាស្ទ័រ បន្តវិភាគវត្ថុសំណាក៥២៧ ដែលនៅសេសសល់នាថ្ងៃអង្គារនេះបន្ថែមទៀត៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
