យោងតាមការផ្សាយរបស់ Good News Network ក្រុមប្រឹក្សាក្រុងតូរ៉ុនតូ ទទួលបានប្រាក់សប្បុរសពីមនុស្សជាង១៣០០នាក់ ដើម្បីរារាំងការកាប់បំផ្លាញ ដើមឈើអូកក្រហម ដ៏ចំណាស់នោះ ហើយថវិកានោះ ត្រូវបានប្រើប្រាស់ដើម្បីទិញសិទ្ធិពីម្ចាស់ដី និងបង្កើតទៅជាសួនសាធារណៈតូចមួយ។

 

ដើមឈើអូកក្រហមនៅ មានអាយុកាលជាង២៥០ឆ្នាំ ដោយមានសម្រស់ និងតម្លៃផ្នែកវប្បធម៌ ហើយក៏ត្រូវបានកម្មវិធី Forests Ontario’s Heritage Tree Program ប្រកាសទទួលស្គាល់ជាសម្បត្តិបេតិកភណ្ឌមួយនៅក្នុងតំបន់ផងដែរ។

 

ដើមអូកក្រហម (Quercus rubra) មានកម្ពស់ប្រមាណ២៤ម៉ែត្រ និងមានផ្ទៃបែកសាខាប្រមាណ៥ម៉ែត្រ។ វាត្រូវបានចាត់ទុកជាដើមឈើដែលមានចំណាស់ជាងគេក្នុងក្រុងតាំងពីជាង១០ឆ្នាំមុនមកម្ល៉េះ ដោយមានកំណើតមុនពេលដែលអឺរ៉ុបដាក់អាណានិគមន៍។

 

ពលរដ្ឋនៅសហគមន៍បានបន្តអំពាវនាវរកថវិកាដើម្បីពង្រឹងវិធានការការពារដើមអូកក្រហមនេះ អ្នកជំនាញអះអាងថា វាអាចមានអាយុកាលដល់ទៅមួយសតវត្សរ៍ថែមទៀតឯណោះ៕