ជាតិ
កម្ពុជាជាប់ជាប្រទេសដែលគ្រប់គ្រងជំងឺកូវីដ-១៩ បានល្អជាងគេ
× ភ្នំពេញ៖ ប្រទេសកម្ពុជាបានឈរនៅលំដាប់លេខ១ ក្នុងពិភពលោកជា ប្រទេសដែលមានការប្រយុទ្ធប្រឆាំង និងទប់ស្កាត់ការរីករាលដាលនៃជំងឺ-១៩ បានល្អជាងគេ។ ចំណែកចំណាត់ថ្នាក់បន្ទាប់គឺ ប្រទេសស៊ូដង់ខាងត្បូង និងប្រទេសប្រ៊ុយណេ។ នេះបើតាមសេចក្ដីប្រកាសព័ត៌មានរបស់ក្រសួងទេសចរណ៍កាលពីថ្ងៃទី១៣ មករា ឆ្នាំ២០២១។
ប្រទេសកម្ពុជាបានប្ដូរតំណែងពីចំណាត់ថ្នាក់លេខ៣ មកចំណាត់ថ្នាក់លេខ១ វិញជាប្រទេសដែលមានការទប់ស្កាត់ជំងឺកូវីដ-១៩ បានល្អជាងគេក្នុងចំណោមប្រទេស១៦៦ ក្នុងពិភពលោក។ នេះបើតាមការវាយតម្លៃរបស់ ការិយាល័យចក្ខុវិស័យសេដ្ឋកិច្ចរបស់ប្រទេសសេណេហ្កាល់។ ក្នុងការវាយតម្លៃនេះប្រទេសកម្ពុជាទទួលបានពិន្ទុ ១/១ ខណៈ ប្រទេសស៊ូដង់ខាងត្បូង និងប្រទេសប្រ៊ុយណេទទួលបានពិន្ទុ ០,៩៩។
ការវាយតម្លៃនេះផ្ដោតទៅលើ ធាតុសំខាន់បី គឺស្ថានភាពនៃការឆ្លងមេរោគ ស្ថានភាពនៃការជាសះស្បើយ និងករណីមរណភាព។
សូមជម្រាបផងដែរថាគិតត្រឹមថ្ងៃទី១៣ករា ឆ្នាំ២០២១ ប្រទេសកម្ពុជាមានករណីឆ្លងជំងឺកូវីដ-១៩ ចំនួនមាន៤១១នាក់ ក្នុងនោះ៣៧៧នាក់បានជាសះស្បើយ៕
Tag:
កូវីដ១៩
ThmeyThmey25
© រក្សាសិទ្ធិដោយ thmeythmey.com