ព្រះមហាក្សត្រលើកលែងទោសឲ្យលោក ស៊ាង ចែត មេឃុំគណបក្សប្រឆាំង

ជាតិ

ព្រះមហាក្សត្រលើកលែងទោសឲ្យលោក ស៊ាង ចែត មេឃុំគណបក្សប្រឆាំង

07, Dec 2016 , 5:52 pm

រូបភាព

រាប់ពីឆ្វេងលោក ស៊ាង ចែត ពាក់វែនតា

ដោយ: ថ្មីៗ

ភ្នំពេញ៖ ព្រះមហាក្សត្រលើកលែងទោសឲ្យលោក ស៊ាង ចែត មេឃុំគណបក្សសម រង្ស៊ី តាមសំណើរបស់សម្ដេចនាយករដ្ឋមន្ត្រី ហ៊ុន សែន។ លោក ស៊ាង ចែត ត្រូវបានសាលាដំបូងរាជធានីភ្នំពេញ សម្រេចឃុំខ្លួននៅពន្ធនាគារព្រៃស ពីបទសូកប៉ាន់សាក្សី ពាក់ព័ន្ធនឹងករណីឯកឧត្តម កឹម សុខា និងកញ្ញា ខុម ចាន់តារ៉ាទី ហៅស្រីមុំ។

ព្រះរាជក្រឹត្យដែលឡាយព្រះហស្ថលេខាដោយព្រះមហាក្សត្រ នរោត្តម សីហមុនី នៅថ្ងៃទី០៧ ធ្នូនេះ ដូច្នេះថា៖«ត្រូវលើកលែងទោសឲ្យទណ្ឌិតឈ្មោះ ស៊ាង ចែត ដែលត្រូវបានតុលាការសម្រេចផ្តន្ទាទោសដាក់ពន្ធនាគារពីបទសូកប៉ាន់សក្សី តាមអំណាចសាលក្រមព្រហ្មទណ្ឌលេខ៥៣៣ ក្រ៣”ឆ” ចុះថ្ងៃទី៥ធ្នូឆ្នាំ២០១៦ របស់សាលាដំបូងរាជធានីភ្នំពេញ»។

បើតាមព្រះរាជក្រឹត្យដដែល សម្ដេចនាយករដ្ឋមន្ត្រី ហ៊ុន សែន ជាអ្នកទទួលបន្ទុកអនុវត្តឲ្យបានសម្រេចតាមព្រះរាជក្រឹត្យនេះ៕