ប្រព័ន្ធទូរសព្ទ៖ លេខកូដរួមសម្រាប់ផ្តាច់សេវា ពិនិត្យ បញ្ចូលទឹកប្រាក់ អត្តសញ្ញាណ និងសេវាបម្រើអតិថិជិន

ជាតិ

ប្រព័ន្ធទូរសព្ទ៖ លេខកូដរួមសម្រាប់ផ្តាច់សេវា ពិនិត្យ បញ្ចូលទឹកប្រាក់ អត្តសញ្ញាណ និងសេវាបម្រើអតិថិជិន

30, Dec 2021 , 7:59 pm

រូបភាព

ដោយ: រួបរួម

និយ័តករទូរគមនាគមន៍កម្ពុជា នៃក្រសួងប្រៃសណីយ៍ និងទូរគមនាគមន៍ បានសម្រេចកំណត់លេខកូដរួមសម្រាប់ប្រតិបត្តិករផ្តល់សេវាទូរសព្ទចល័តទូទាំងប្រទេស លើមុខសញ្ញាប្រើប្រាស់សំខាន់មួយចំនួន ដូចជា ការផ្តាច់សេវាបន្ថែម ពិនិត្យសមតុល្យទឹកប្រាក់ អត្តសញ្ញាណ បញ្ចូលទឹកប្រាក់ និងសេវាបម្រើអតិថិជន។

លេខកូដរួមដែលមានលក្ខណៈស្តង់ដារស្របតាមលេខកូដទូរគមនាគមន៍ជាតិ រួមមាន លេខ*1200# សម្រាប់ផ្តាច់សេវាបន្ថែម (VAS) ដែលមិនត្រូវការប្រើ។ លេខ *1201# សម្រាប់ការពិនិត្យសមតុល្យទឹកប្រាក់ លេខ*1202# សម្រាប់ការពិនិត្យអត្តសញ្ញាណអ្នកប្រើប្រាស់។

រីឯលេខ *1203*PIN# សម្រាប់ការបញ្ចូលទឹកប្រាក់ ខណៈសេវាបម្រើអតិថិជន អ្នកប្រើប្រាស់អាចទាក់ទងទៅកាន់លេខ 1204 ។

ក្រសួងប្រៃសណីយ៍ បានបញ្ជាក់ថា សាធារណជនអាចប្រើប្រាស់លេខកូដទាំង៥ ខាងលើបានគ្រប់ប្រព័ន្ធទូរសព្ទចល័តទាំងអស់ ដើម្បីធ្វើការផ្ដាច់សេវាបន្ថែម(Value Added Services) ដែលមិនត្រូវការប្រើ ពិនិត្យសមតុល្យទឹកប្រាក់ ពិនិត្យអត្តសញ្ញាណអ្នកប្រើប្រាស់ បញ្ចូលទឹកប្រាក់ ឬទាក់ទងទៅកាន់សេវាបម្រើអតិថិជនរបស់ក្រុមហ៊ុនទូរសព្ទចល័តនីមួយៗ ដោយឥតគិតថ្លៃ ចាប់ពីថ្ងៃទី១ ខែមករា ឆ្នាំ២០២២ តទៅ៕