កីឡាអន្តរជាតិ
អន្តរជាតិ
Barcelona នាំយក Adama Traore ក្នុងលក្ខខណ្ឌខ្ចីជើងពី Wolves ![](https://image.thmeythmey.com/pictures/2022/01/30/adama_traore.jpg)
×![]()
Barcelona បានចុះហត្ថលេខាលើខ្សែបម្រើស្លាប Adama Traore ក្នុងលក្ខខណ្ឌខ្ចីជើងពី Wolverhampton Wanderers សម្រាប់ការប្រកួត ដែលនៅសល់ក្នុងរដូវកាល ២០២២នេះ។
ក្លឹបអ្នកបុណ្យរបស់អេស្ប៉ាញនេះ នឹងផ្តល់ប្រាក់ឈ្នួលដល់ Adama Traore និងមានជម្រើសក្នុងការទិញកីឡាករវ័យ ២៦ ឆ្នាំ នៅរដូវក្តៅផងដែរ។ Traore នៅសល់ ១៨ ខែទៀត នៃកិច្ចសន្យាជាមួយ Wolves ហើយគ្មានកិច្ចព្រមព្រៀងណាមួយត្រូវបានឈានដល់លើការបន្តកិច្ចសន្យារបស់រូបគេទេ។
នាយកបច្ចេកទេសរបស់ Wolves លោក Scott Sellars បាននិយាយថា «មនុស្សគ្រប់គ្នាដឹងថា Barcelona គឺជាទីក្រុងមួយ ហើយក្លឹបគឺនៅជិតបេះដូងរបស់ Adama ។ វាជាក្តីសុបិនមួយសម្រាប់គាត់» ។
Traore បានចាប់ផ្តើមអាជីពរបស់ខ្លួននៅ Barcelona មុនពេលចាកចេញពី Nou Camp ទៅ Aston Villa ក្នុងឆ្នាំ ២០១៥ ។ បន្ទាប់មករូបគេបានចំណាយពេល ២ ឆ្នាំនៅ Middlesbrough មុនពេលចូលរួមជាមួយ Wolves ក្នុងតម្លៃកំណត់ត្រាក្លឹប ១៨ លានផោនក្នុងឆ្នាំ ២០១៨ ។
ខ្សែបម្រើស្លាបរូបនេះ បានបង្ហាញខ្លួនឱ្យក្លឹប Black Country ចំនួន ១៥៤ ប្រកួត ដោយស៊ុតបញ្ចូលទីបាន ១១ គ្រាប់។
© រក្សាសិទ្ធិដោយ thmeythmey.com