ឧបនាយករដ្ឋមន្ត្រីរុស្ស៊ី លើកឡើងពីផែនការកាត់បន្ថយផលិតកម្មប្រេង៤ទៅ៥ភាគរយ

អន្តរជាតិ

ឧបនាយករដ្ឋមន្ត្រីរុស្ស៊ី លើកឡើងពីផែនការកាត់បន្ថយផលិតកម្មប្រេង៤ទៅ៥ភាគរយ

08, Apr 2022 , 10:29 pm

រូបភាព

ឧបនាយករដ្ឋមន្រ្តីរុស្ស៊ី លោក Alexander Novak

ដោយ ពុធ មីនា

ឧបនាយករដ្ឋមន្រ្តីរុស្ស៊ី លោក Alexander Novak បានបង្ហើបឲ្យអ្នកសារព័ត៌មានដឹងថា រុស្ស៊ីអាចកាត់បន្ថយផលិតកម្មប្រេងពី៤ ទៅ៥ភាគរយក្នុងខែមេសា បើប្រៀបធៀបទៅនឹងខែមីនា។ យោងតាមការផ្សាយរបស់ Interfax ករណីនេះ ដោយសារតែមានការផ្លាស់ប្តូរផ្នែកដឹកជញ្ជូន បញ្ហាធានារ៉ាប់រង និងការប្រើប្រាស់នាវា។

«យើងពិតជានឹងមានការកែសម្រួលបរិមាណផលិតកម្មប្រេងនៅក្នុងខែមេសា។ ដូចដែលយើងដឹងហើយថា ការដឹកជញ្ជូនកំពុងផ្លាស់ប្តូរ បញ្ហាហិរញ្ញវត្ថុពាក់ព័ន្ធនឹងការធានារ៉ាប់រង រួមទាំងការប្រើប្រាស់នាវា។ យើងមានឃើញមានការថយចុះផលិតកម្មជាមធ្យម ៤ទៅ៥ភាគរយក្នុងខែមេសា ប្រើប្រៀបធៀបទៅនឹងខែមីនា»។ នេះជាការបញ្ជាក់របស់លោក Novak។

ឧបនាយករដ្ឋមន្ត្រីរុស្ស៊ី រូបនេះ បានអះអាងថា គ្មានការណែនាំជាគោលការណ៍អ្វីឡើយ ដោយបញ្ហាក្រុមហ៊ុនជាអ្នកសម្រេចដោយខ្លួនឯង។ លោកក៏បានបញ្ជាក់ផងដែរថា ការកសាងសមត្ថភាពពាក់ព័ន្ធប្រេង តែងតែស្ថិតក្នុងរបៀបវារៈជានិច្ចរបស់រដ្ឋាភិបាល៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

7 ថ្ងៃ

តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?

4 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

6 ថ្ងៃ

តើពាក្យ «ចរិត, ចរិក, ចរឹត, ចរឹក» មួយណាត្រឹមត្រូវ?

13 ម៉ោង

តើពាក្យ «សូម, សុំ» មានន័យខុសគ្នាយ៉ាងដូចម្តេច?

5 ថ្ងៃ

អត្ថបទពេញនិយមបន្ថែម