ក្រោយឃើញការចែកចាយរូបភាពបែបនេះ រដ្ឋបាលខណ្ឌដូនពេញ បានកោះហៅម្ចាស់ទូកកាណូតទេសចរណ៍ បុប្ផាអង្គរ មកសាកសួរ នៅថ្ងៃទី២៩ ឧសភានេះ ដោយភាគីម្ចាស់ទូក បានទទួលស្គាល់ថា ពួកគេពិតជាបានបោះចោលសំរាមចូលក្នុងទន្លេពិតប្រាកដមែន។

 

បន្ទាប់ពីសាកសួរហើយ រដ្ឋបាលខណ្ឌដូនពេញ បានអប់រំណែនាំដល់ម្ចាស់ទូកកាណូតទេសចរណ៍ខាងលើ ឱ្យយល់ច្បាស់ពីច្បាប់ស្តីពីបរិស្ថាន រួមទាំងផាកពិន័យម្ចាស់ទូកទេសចរណ៍នេះ ជាទឹកប្រាក់ចំនួន ២០០,០០០រៀល តាមជំពូកទី៧ នៃអនុក្រឹត្យលេខ «១១៣ អនក្រ.បក » របស់ក្រសួងបរិស្ថាន។ «បញ្ឈប់ការប្រកបអាជីវកម្មទូកកាណូតទេសចរណ៍ឈ្មោះ បុប្ផាអង្គរ ជាស្ថាព័រចាប់ពីថ្ងៃនេះតទៅ»។ នេះជាការសម្រេចរបស់អាជ្ញាធរខណ្ឌដូនពេញ៕