កីឡាអន្តរជាតិ
អន្តរជាតិ
ប៉ាឡេស្ទីន ឈានដល់វគ្គជម្រុះ World Cup ជុំទី៣លើកដំបូងក្នុងប្រវត្តិសាស្ត្រ
× ក្រុមកីឡាបាល់ទាត់ជម្រើសជាតិប៉ាឡេស្ទីន បានបង្កើតប្រវត្តិសាស្ត្រថ្មី តាមរយៈការឈានទៅវគ្គជម្រុះជុំទី៣ FIFA World Cup 2026 ជាលើកដំបូង ក្រោយស្មើលីបង់ ០-០ នៅវគ្គសន្សំពិន្ទុ។
តាមរយៈលទ្ធផលស្មើលីបង់នៅលើទឹកដីកាតានៅជំនួបវគ្គសន្សំពិន្ទុពូល I ជុំទី២ នៅថ្ងៃទី៦ ខែមិថុនា គ្រប់គ្រាប់ដើម្បីជួយ ប៉ាឡេស្ទីនឆ្លងទៅជុំទី៣ នៃវគ្គជម្រុះកីឡាបាល់ទាត់ពិភពលោក តំបន់អាស៊ី។
ឆ្លងកាត់ការប្រកួត៥លើក ប៉ាឡេស្ទីនស្ថិតនៅចំណាត់ថ្នាក់ទី២ពូល I ដោយរកបាន៨ពិន្ទុ នាំមុខដាច់ក្រុមលីបង់ដែលនៅលេខ៣ ចំនួន៥ពិន្ទុ ស្របពេលនៅសល់១ប្រកួតទៀតប៉ុណ្ណោះ។ ពូលនេះ អូស្ត្រាលីឈរលេខ១ និងបង់ក្លាដែសនៅបាតតារាង។
មិនត្រឹមបានកៅអីជុំទី៣ វគ្គជម្រុះ World Cup ជាលើកដំបូងនោះទេ ប៉ាឡេស្ទីន ដែលកំពុងរងគ្រោះដោយសារសង្រ្គាមនៅហ្គាហ្សា ក៏ទទួលបានកៅអីក្នុងវគ្គផ្តាច់ព្រ័ត្រ AFC Asian Cup ឆ្នាំ២០២៧ ដែលអារ៉ាប៊ីសាអូឌីតធ្វើម្ចាស់ផ្ទះផងដែរ។
ប៉ាឡេស្ទីន ក្រោមការដឹកនាំរបស់គ្រូបង្វឹកលោក Makram Daboub នៅសល់មួយប្រកួតបង្គ្រប់កិច្ចជាមួយអូស្ត្រាលី សម្រាប់ប្រកួតចុងក្រោយជុំទី២ នៅថ្ងៃទី១១ ខែមិថុនា ស្របពេលលីបង់ប៉ះ បង់ក្លាដែស៕
Tag:
World Cup
ប៉ាឡេស្ទីន
© រក្សាសិទ្ធិដោយ thmeythmey.com