ជាតិ
ស្ពានហាលផ្នែកខាងកើតប្រាសាទបេងមាលា នឹងទទួលបានការជួសជុលក្នុងពេលឆាប់ៗ ក្រុមអ្នកជំនាញ នៃអាជ្ញាធរជាតិអប្សរា ចុះធ្វើកំណាយស្ពានហាលខាងកើត ប្រាសាទបេងមាលា។ រូបភាពអាជ្ញាធរជាតិអប្សរា៕
×
ដោយ៖ អោត រត់
សៀមរាប៖ ក្រុមការងារបច្ចេកទេសនាយកដ្ឋាន អភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា បានចាប់ផ្ដើមធ្វើកំណាយស្រាវជ្រាវរចនាសម្ព័ន្ធ ស្ពានហាលផ្នែកខាងកើតប្រាសាទបេងមាលា ដើម្បីឈានដល់ការជួសជុលនាពេលខាងមុខ។ ការងារប្រាសាទបេងមាលា ដែលបានបែកបាក់រលំអស់ជាច្រើនឆ្នាំ នឹងធ្វើឡើងក្រោមមូលនិធិនៃកិច្ចសហប្រតិបត្តិការមេគង្គ-ឡានឆាង។ នេះបើតាមអាជ្ញាធរជាតិអប្សរា។
លោក ពុទ្ធ សុទ្ធ មន្ត្រី មន្រ្ដីបច្ចេកទេសនាយកដ្ឋានអភិរក្សប្រាសា ទិងបុរាណវិទ្យា បានបញ្ជាក់ថា ស្ពានហាលខាងកើតប្រាសាទនេះ រងការខូចខាត ដោយសារកត្តាអាយុកាល និងធម្មជាតិ ហើយការធ្វើកំណាយ ជាកិច្ចការដែលអ្នកជំនាញ ត្រូវធ្វើ មុនឈានដល់ការជួសជុល។
បើតាមលោក ពុទ្ធ សុទ្ធ នៅពេលធ្វើកំណាយបកស្រទាប់ដីខាងលើ នៅចំណុចស្ពានហាលនេះមានការស្រុយចុះដោយអន្លើៗ, គ្រឹះចុះខ្សោយ និងញែកចេញពីគ្នា។ ការណ៍នេះធ្វើឱ្យ គ្រឿងបង្គុំរចនាសម្ព័ន្ធស្ពានដូចជា សសរ បង្កាន់ដៃនាគ ខ្លួន និងក្បាលនាគ បាក់ជាច្រើនបំណែកចូលក្នុងកសិន្ធុ និងខ្លះទៀតកប់ក្នុងដី។
លោក លោក ពុទ្ធ សុទ្ធ មន្ត្រី មន្រ្ដីបច្ចេកទេសនាយកដ្ឋានអភិរក្សប្រាសាទិងបុរាណវិទ្យា នៃអាជ្ញាធរជាតិអប្សរាថា។ រូបភាពអាជ្ញាធរជាតិអប្សរា៕
ប្រាសាទបេងមាលា ជាប្រាសាទបុរាណមួយដែលមានរចនាប័ទ្មដូចនឹងប្រាសាទអង្គរវត្ត។ ប្រាសាទនេះ មានទីតាំងស្ថិតក្នុងភូមិបេងមាលា ស្រុកស្វាយលើ ខេត្តសៀមរាប និងមានចម្ងាយប្រហែល ៧៧គីឡួម៉ែត្រ ពីទីប្រជុំជនក្រុងសៀមរាប។
មិនមានសិលាចារឹកបន្សល់ទុកជាព័ស្តុតាំងបញ្ជាក់ឆ្នាំសាងសង់ប្រាសាទនេះឡើយ។ ប៉ុន្តែ តាមរយៈរចនាបថ គេអាចសន្និដ្ឋានដឹងថា ប្រាសាទបេងមាលា បានកសាងឡើងក្នុងរាជ្យ ព្រះបាទសូរ្យវរ្ម័នទី២ នៅចុងសតវត្សរ៍ទៅ១២ ដើម្បីឧទ្ទិសថ្វាយព្រហ្មញ្ញសាសនា។ បច្ចុប្បន្នប្រាសាទបេងមាលា រងការខូចខាតខ្លាំង ពោលគឺមានការបាក់បែកដោយគំនរថ្ម ហើយរាលហាលទាំង៤ទិស បានដួលរំលំ និងប្រាសាទកណ្តាល ក៏ដួលរាបដល់ដី៕
ស្ថានភាពស្ពានហាលខាងកើត នៃប្រាសាទបេងមាលា។ រូបភាពពីអាជ្ញាធរជាតិអប្សរា៕
Tag:
ThmeyThmey
បេតិកភណ្ឌ
អាជ្ញាធរជាតិអប្សរា
ប្រាសាទបេងមាលា
ការធ្វើកំណាយ
© រក្សាសិទ្ធិដោយ thmeythmey.com