សេដ្ឋកិច្ច
អត្ថបទពាណិជ្ជកម្ម
ការផ្គត់ផ្គង់អគារខុនដូនៅភ្នំពេញកើនប្រចាំឆ្នាំ២០ភាគរយ ក្នុងរយៈពេល ៦ឆ្នាំ
×![]()
ភ្នំពេញ៖ គិតចាប់ពីឆ្នាំ២០០៨ ដល់ឆ្នាំ២០១៤នេះ ក្នុងចំណោមគម្រោងអគារខុនដូសរុបចំនួន ៣០ មានគម្រោងចំនួន ១៣ ត្រូវបានបញ្ចប់រួចរាល់ ដោយនាំមកនូវការផ្គត់ផ្គង់យូនិតខុនដូសរុបចំនួន ៣០៩០ ក្នុងអត្រាកំណើនប្រចាំឆ្នាំ ២០ភាគរយ។ នេះបើតាមការសិក្សាទីផ្សារខុនដូនៅរាជធានីភ្នំពេញរបស់ក្រុមហ៊ុន Century 21 ។
ការសិក្សាស្តីពីទីផ្សារខុនក្នុងឆ្នាំ ២០១៤នេះ បានបង្ហាញថា ទីផ្សារខុនដូនៅរាជធានីភ្នំពេញ កំពុងតែមានសន្ទុះខ្លាំង ខណៈពេលដែលការផ្គត់ផ្គង់អគារខុនដូមានកំណើនគួរឲ្យកត់សម្គាល់ ក្នុងរយៈប៉ុន្មានឆ្នាំចុងក្រោយនេះ ដែលជាចំនួនមួយមិនទាន់អាចឆ្លើយតបនឹងតម្រូវការនៅ ឡើយ។
អត្រាកំណើននៃការផ្គត់ផ្គង់យូនិតខុនដូត្រូវបានគេរំពឹងថា នឹងស្ទុះឡើងខ្លាំងចាប់ពីឆ្នាំ ២០១៤ តទៅ ដោយសារតែគម្រោងអភិវឌ្ឍខុនដូធំៗនៅខាងកើតទីក្រុងភ្នំពេញមានការកើនឡើង ដូចជា Bali Scenery, Casa Meridian, D.I. Rivera និងThe Bridge ជាដើម។
កំណើនេះ អាចនឹងឈានដល់ការផ្គង់ផ្គង់សរុបរហូតដល់ ១ម៉ឺន យូនិតខុនដូនៅឆ្នាំ ២០១៨ ។ នេះបើរបាយការណ៍ដែលចេញផ្សាយដោយក្រុមហ៊ុន Century 21Cambodia។
ប៉ុន្តែ ក្រុមហ៊ុនអភិវឌ្ឍលើវិស័យអចលនទ្រព្យមួយចំនួនបានបង្ហាញពីអត្រាការលក់នៃ យូនិតខុនដូទាំងមុន និងក្រោយគម្រោងបញ្ចប់ ថា អត្រាលក់ចេញមានជាមធ្យមតែប៉ុណ្ណោះ ដោយសារ ៧០ភាគរយ នៃយូនិតខុនដូ ត្រូវបានគេសម្គាល់ឃើញថានៅទំនេរនៅឡើយ។
លោក ខេវិន ហ្គូស អគ្គនាយកក្រុមហ៊ុន Century 21 ប្រចាំនៅកម្ពុជា មានសុទិដ្ឋិនិយមថា ទីផ្សារខុនដូនឹងបន្តលូតលាស់ច្រើនទៀត ដែលជាការតបទៅនឹងកំណើនតម្លៃដី ដើម្បីអភិវឌ្ឍ និងការកើនឡើងឥតឈប់ឈរនៃអត្រាប្រជាជននៅក្នុងរាជធានីភ្នំពេញ។
លោក ខេវិន ហ្គូស បញ្ជាក់ថា៖«អ្វីដែលយើងបានឃើញអំពីទីផ្សារខុនដូនៅទីនេះ គឺមិនខុសគ្នាពីអ្វីដែលបានកើតឡើងនៅប្រទេសថៃកាលពី២០ឆ្នាំមុននោះទេ។ អ្នកអភិវឌ្ឍបានរំពឹងថា ទីផ្សារខុនដូនឹងទាញអតិថិជនបរទេសដែលមកធ្វើការក្នុងស្រុក ប៉ុន្តែក្រោយមកមាននិន្នាការប្រែប្រួលយ៉ាងខ្លាំង ដែលប្រជាជនថៃប្តូមករស់នៅក្នុងខុនដូវិញ»។
នាពេលបច្ចុប្បន្ន តម្លៃនៃការលក់ខុនដូនៅភ្នំពេញ ជាមធ្យមត្រូវដាក់លក់ ១៩០០ដុល្លារអាមេរិកក្នុងមួយម៉ែត្រការ៉េ ដែលមានកំណើនធៀបនឹងឆ្នាំមុន ៦ភាគរយ។ រីឯ ខុនដូដែលដាក់ លក់ក្នុងតម្លៃទាបបំផុតជាមធ្យមតម្លៃ ១១០០ដុល្លារអាមេរិកក្នុងមួយម៉ែត្រការ៉េ ខណៈដែលអគារខុនដូដ៍ប្រណិតដូចជា TheBridge ត្រូវបានដាក់លក់ក្នុងតម្លៃរហូតដល់ទៅ ៣៣០០ ដុល្លារក្នុងមួយម៉ែត្រការ៉េ។
ការសិក្សាពីទីផ្សារបានពិនិត្យឃើញថា និន្នាការ និងទិសដៅនៃការអភិវឌ្ឍខុនដូនៅក្នុងរាជ ធានីភ្នំពេញត្រូវបានផ្លាស់ប្តូរពីទិសខាងលិចមកទិសខាងកើត ជាមួយនឹងគម្រោងធំៗ ដែលធ្វើឡើងក្នុងទឹកប្រាក់រហូតដល់ទៅ ៧០០លានដុល្លារអាមេរិក៕
ការសិក្សាស្តីពីទីផ្សារខុនក្នុងឆ្នាំ ២០១៤នេះ បានបង្ហាញថា ទីផ្សារខុនដូនៅរាជធានីភ្នំពេញ កំពុងតែមានសន្ទុះខ្លាំង ខណៈពេលដែលការផ្គត់ផ្គង់អគារខុនដូមានកំណើនគួរឲ្យកត់សម្គាល់ ក្នុងរយៈប៉ុន្មានឆ្នាំចុងក្រោយនេះ ដែលជាចំនួនមួយមិនទាន់អាចឆ្លើយតបនឹងតម្រូវការនៅ ឡើយ។
អត្រាកំណើននៃការផ្គត់ផ្គង់យូនិតខុនដូត្រូវបានគេរំពឹងថា នឹងស្ទុះឡើងខ្លាំងចាប់ពីឆ្នាំ ២០១៤ តទៅ ដោយសារតែគម្រោងអភិវឌ្ឍខុនដូធំៗនៅខាងកើតទីក្រុងភ្នំពេញមានការកើនឡើង ដូចជា Bali Scenery, Casa Meridian, D.I. Rivera និងThe Bridge ជាដើម។
កំណើនេះ អាចនឹងឈានដល់ការផ្គង់ផ្គង់សរុបរហូតដល់ ១ម៉ឺន យូនិតខុនដូនៅឆ្នាំ ២០១៨ ។ នេះបើរបាយការណ៍ដែលចេញផ្សាយដោយក្រុមហ៊ុន Century 21Cambodia។
ប៉ុន្តែ ក្រុមហ៊ុនអភិវឌ្ឍលើវិស័យអចលនទ្រព្យមួយចំនួនបានបង្ហាញពីអត្រាការលក់នៃ យូនិតខុនដូទាំងមុន និងក្រោយគម្រោងបញ្ចប់ ថា អត្រាលក់ចេញមានជាមធ្យមតែប៉ុណ្ណោះ ដោយសារ ៧០ភាគរយ នៃយូនិតខុនដូ ត្រូវបានគេសម្គាល់ឃើញថានៅទំនេរនៅឡើយ។
លោក ខេវិន ហ្គូស អគ្គនាយកក្រុមហ៊ុន Century 21 ប្រចាំនៅកម្ពុជា មានសុទិដ្ឋិនិយមថា ទីផ្សារខុនដូនឹងបន្តលូតលាស់ច្រើនទៀត ដែលជាការតបទៅនឹងកំណើនតម្លៃដី ដើម្បីអភិវឌ្ឍ និងការកើនឡើងឥតឈប់ឈរនៃអត្រាប្រជាជននៅក្នុងរាជធានីភ្នំពេញ។
លោក ខេវិន ហ្គូស បញ្ជាក់ថា៖«អ្វីដែលយើងបានឃើញអំពីទីផ្សារខុនដូនៅទីនេះ គឺមិនខុសគ្នាពីអ្វីដែលបានកើតឡើងនៅប្រទេសថៃកាលពី២០ឆ្នាំមុននោះទេ។ អ្នកអភិវឌ្ឍបានរំពឹងថា ទីផ្សារខុនដូនឹងទាញអតិថិជនបរទេសដែលមកធ្វើការក្នុងស្រុក ប៉ុន្តែក្រោយមកមាននិន្នាការប្រែប្រួលយ៉ាងខ្លាំង ដែលប្រជាជនថៃប្តូមករស់នៅក្នុងខុនដូវិញ»។
នាពេលបច្ចុប្បន្ន តម្លៃនៃការលក់ខុនដូនៅភ្នំពេញ ជាមធ្យមត្រូវដាក់លក់ ១៩០០ដុល្លារអាមេរិកក្នុងមួយម៉ែត្រការ៉េ ដែលមានកំណើនធៀបនឹងឆ្នាំមុន ៦ភាគរយ។ រីឯ ខុនដូដែលដាក់ លក់ក្នុងតម្លៃទាបបំផុតជាមធ្យមតម្លៃ ១១០០ដុល្លារអាមេរិកក្នុងមួយម៉ែត្រការ៉េ ខណៈដែលអគារខុនដូដ៍ប្រណិតដូចជា TheBridge ត្រូវបានដាក់លក់ក្នុងតម្លៃរហូតដល់ទៅ ៣៣០០ ដុល្លារក្នុងមួយម៉ែត្រការ៉េ។
ការសិក្សាពីទីផ្សារបានពិនិត្យឃើញថា និន្នាការ និងទិសដៅនៃការអភិវឌ្ឍខុនដូនៅក្នុងរាជ ធានីភ្នំពេញត្រូវបានផ្លាស់ប្តូរពីទិសខាងលិចមកទិសខាងកើត ជាមួយនឹងគម្រោងធំៗ ដែលធ្វើឡើងក្នុងទឹកប្រាក់រហូតដល់ទៅ ៧០០លានដុល្លារអាមេរិក៕
© រក្សាសិទ្ធិដោយ thmeythmey.com
