អត្ថបទពាណិជ្ជកម្ម
ក្រុមហ៊ុន LIBRA បណ្តុះបណ្តាលផ្នត់គំនិតភាពជាបុគ្គលិកឆ្នើមក្នុងការងារ ![](https://image.thmeythmey.com/pictures/2015/01/06/10856647_493399654131194_2133136322148474749_o.jpg)
×![]()
ភ្នំពេញ៖ ក្រុមហ៊ុនសន្តិសុខ លីប្រា (Libra Private Security) បានបើក វគ្គបណ្តុះផ្នត់គំនិតដល់ បុគ្គលិកជាង ៦០នាក់របស់ខ្លួន។ វគ្គបណ្តុះបណ្តាលនេះ មានគោលបំណងឲ្យប្តូរការគិត របស់បុគ្គលិកឲ្យកា្លយជាបុគ្គលិកឆ្នើម និងជោគជ័យក្នុងអាជីពការងារ ក៏ដូចជាផ្តល់សេវាកម្ម ដល់អតិថិជន។ ការបណ្តុះបណ្តាលនេះធ្វើឡើងនៅវិទ្យាស្ថានគុណភាពការងារកម្ពុជា រយៈពេលពីរថ្ងៃគឺ នៅថ្ងៃទី៦ និង៧ ខែមករា ឆ្នាំ២០១៥ ។
ក្រុមហ៊ុនសន្តិសុខ លីប្រា ជាក្រុមហ៊ុនឯកជនមួយដែលផ្តល់នូវសេវាកម្ម សន្តិសុខ សុវត្ថិភាព និងរក្សាសណ្តាប់ធ្នាប់ដល់អតិថិជន។ នៅថ្ងៃទី៦ ខែមករានេះ ក្រុមហ៊ុនបានរៀបចំបានបណ្តុះ បណ្តាលដល់បុគ្គលិកសន្តិសុខឲ្យមានភាពជោគជ័យក្នុងអាជីពការងារ និងជីវិតរស់នៅប្រចាំ ថ្ងៃ ក៏ដូចជាដើម្បីធានាការផ្តល់សេវាកម្មដល់អតិថិជនឲ្យកាន់តែប្រសើរផងដែរ។
នៅក្នុងពិធីបើកវគ្គបណ្តុះបណ្តាលដែលប្រព្រឹត្តិឡើងក្នុងវិទ្យាស្ថានគុណភាពការងារកម្ពុជា នៅព្រឹកថ្ងៃទី៦ មករានេះ អ្នកគ្រប់គ្រងទូទៅរបស់ក្រុមហ៊ុន លីប្រា លោក ហេង ម៉េងហូ បាន ប្រាប់ពីគោលបំណងនៃការបណ្តុះបណ្តាលថា ក្រុមហ៊ុន លីប្រា ចង់បណ្តុះការបំផ្លាញ ប្តូផ្នត់គំនិតដល់បុគ្គលិក និងផ្តល់ចំណេះជំនាញមួយច្បាស់លាស់ ដើម្បីទទួលបានប្រសិទ្ធភាព ការងារខ្ពស់។
លោកបញ្ជាក់ថា៖«បុគ្គលិកសន្តិសុខ លីប្រា នឹងក្លាយជាមន្ត្រីសន្តិសុខជំនាញ ដែលមានគំនិត ឆ្លៀតវ័យក្នុងការងារ ការធ្វើបដិសណ្ឋារកិច្ច ទំនាក់ទំនង និងដោះស្រាយបញ្ហារបស់អតិថិជន។ ពួកគេមានទំនួលខុសត្រូវ និងគោរពវិន័យខ្ពស់ក្នុងអាជីពប្រកបដោយសេចក្តីថ្លៃថ្នូរ»។
វគ្គបណ្តុះបណ្តាលដើម្បីក្លាយខ្លួនបុគ្គលិកឆ្នើមបានកត់សំគាល់ថា បុគ្គលិកឆ្នើមគឺជាបុគ្គល ម្នាក់ដែលស្រលាញ់ការងារដែលខ្លួនកំពុង និងត្រូវចាត់ទុកស្ថាប័នជាប្រយោជន៍រួម ដែលជា កន្លែងសំខាន់សម្រាប់ការលូតលាស់របស់ខ្លួន។
លោក អោម សេង បូរ៉ា ប្រធាន CEO Master Club និងជាអ្នកឧទ្ទេសនាមក្នុងវគ្គបណ្តុះ បណ្តាលនោះ បានលើកឡើងថា ការបណ្តុះបណ្តាលផ្នត់គំនិត នឹងជួយឲ្យបុគ្គលិកសន្តិសុខ ទទួលបាននូវគំនិតរកដំណោះស្រាយបញ្ហាប្រកបដោយទំនួលខុសត្រូវ និងក្លាយជាបុគ្គលិក ឆ្នើមមួយរូបផងដែរ។
លោក បូរ៉ា បានចាត់ទុកបុគ្គលិកឆ្នើមយ៉ាងដូច្នេះថា៖«គាត់ត្រូវមានក្តីសង្ឃឹមក្នុងលូតលាស់ រីកចំរើនរបស់គាត់។ បុគ្គលិកឆ្នើមត្រូវមានគោលដៅមួយច្បាស់លាស់ ធ្វើការងារបានល្អ ប្រសើរជាងការរំពឹងទុក។ បុគ្គលិកឆ្នើមតែងតែត្រូវបានដំឡើងតំណែងជាបន្តបន្ទាប់ និងទទួល បានប្រាក់បៀរវត្សខ្ពស់»៕
© រក្សាសិទ្ធិដោយ thmeythmey.com