រដ្ឋកាត់ពន្ធពី៥ ទៅ២០ភាគរយសម្រាប់អ្នកដែលមានបៀវត្សចាប់ពី៨០ម៉ឺនរៀលឡើងទៅ

ជាតិ

សេដ្ឋកិច្ច

រដ្ឋកាត់ពន្ធពី៥ ទៅ២០ភាគរយសម្រាប់អ្នកដែលមានបៀវត្សចាប់ពី៨០ម៉ឺនរៀលឡើងទៅ

08, Jan 2015 , 10:54 am

រូបភាព

លោក គង់ វិបុល អគ្គនាយកពន្ធដារ

ដោយ:

លោក គង់ វិបុល ប្រតិភូរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៦ ខែមករា ឆ្នាំ២០១៥ បានចេញសេចក្តីជូនដំណឹងមួយស្តីពីការអនុវត្តបទប្បញ្ញត្តិស្តីពីពន្ធលើប្រាក់បៀវត្សដែលបានកែប្រែសម្រាប់ឆ្នាំ២០១៥ ។

យោងតាមមាត្រា៤៧ថ្មី នៃច្បាប់ស្តីពីសារពើពន្ធ និយោជិតនិវាសនជន (Real Person Resident) ពោលគឺសំដៅលើបុគ្គលមានចំណូលទាំងក្នុង និងក្រៅប្រទេស ត្រូវបង់ប្រាក់ពន្ធប្រចាំខែ និងត្រូវកាត់ទុកដោយនិយោជកតាមអាត្រាកំណើនតាមថ្នាក់។

ប្រាក់ពន្ធលើប្រាក់បៀវត្សដែលនិយោជិតនិវាសនជន ត្រូវបង់ប្រចាំខែ និងត្រូវកាត់ ទុកដោយនិយោជកតាមអត្រាកំណើន ដូចតទៅ ចាប់ពី ០ រៀល ដល់ ៨សែន (មិនជាប់ពន្ធ) ពី ៨សែនរៀល ដល់ ១លាន២សែន៥ពាន់ (ជាប់ពន្ធ ៥ភាគរយ) ចាប់ពី ១លាន២សែន៥ពាន់ ដល់ ៨លាន៥សែន (១០ភាគរយ) ចាប់ពី ៨លាន៥សែន ដល់ ១២លាន៥សែន (១៥ភាគរយ) និងលើសពី ១២លាន៥សែន (២០ភាគរយ)។

កន្លងមក ប្រាក់បៀវត្សដែលត្រូវជាប់ពន្ធមានចំនួនចាប់ពី ៥សែនរៀល ក្នុងអត្រាពន្ធ ៥ ភាគរយឡើងទៅ៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

11 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម