ជាតិ
សេដ្ឋកិច្ច
រដ្ឋកាត់ពន្ធពី៥ ទៅ២០ភាគរយសម្រាប់អ្នកដែលមានបៀវត្សចាប់ពី៨០ម៉ឺនរៀលឡើងទៅ លោក គង់ វិបុល អគ្គនាយកពន្ធដារ
× លោក គង់ វិបុល ប្រតិភូរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៦ ខែមករា ឆ្នាំ២០១៥ បានចេញសេចក្តីជូនដំណឹងមួយស្តីពីការអនុវត្តបទប្បញ្ញត្តិស្តីពីពន្ធលើប្រាក់បៀវត្សដែលបានកែប្រែសម្រាប់ឆ្នាំ២០១៥ ។
យោងតាមមាត្រា៤៧ថ្មី នៃច្បាប់ស្តីពីសារពើពន្ធ និយោជិតនិវាសនជន (Real Person Resident) ពោលគឺសំដៅលើបុគ្គលមានចំណូលទាំងក្នុង និងក្រៅប្រទេស ត្រូវបង់ប្រាក់ពន្ធប្រចាំខែ និងត្រូវកាត់ទុកដោយនិយោជកតាមអាត្រាកំណើនតាមថ្នាក់។
ប្រាក់ពន្ធលើប្រាក់បៀវត្សដែលនិយោជិតនិវាសនជន ត្រូវបង់ប្រចាំខែ និងត្រូវកាត់ ទុកដោយនិយោជកតាមអត្រាកំណើន ដូចតទៅ ចាប់ពី ០ រៀល ដល់ ៨សែន (មិនជាប់ពន្ធ) ពី ៨សែនរៀល ដល់ ១លាន២សែន៥ពាន់ (ជាប់ពន្ធ ៥ភាគរយ) ចាប់ពី ១លាន២សែន៥ពាន់ ដល់ ៨លាន៥សែន (១០ភាគរយ) ចាប់ពី ៨លាន៥សែន ដល់ ១២លាន៥សែន (១៥ភាគរយ) និងលើសពី ១២លាន៥សែន (២០ភាគរយ)។
កន្លងមក ប្រាក់បៀវត្សដែលត្រូវជាប់ពន្ធមានចំនួនចាប់ពី ៥សែនរៀល ក្នុងអត្រាពន្ធ ៥ ភាគរយឡើងទៅ៕
© រក្សាសិទ្ធិដោយ thmeythmey.com