ជាតិ
សេដ្ឋកិច្ច
ឆ្នាំ២០១៤រដ្ឋប្រមូលពន្ធបានជាង១០០០លានដុល្លារកើន១៧,៩៣ភាគរយ
×
នៅក្នុងឆ្នាំ២០១៤អគ្គនាយកដ្ឋានពន្ធដារប្រមូលចំណូលពន្ធផ្ទៃក្នុងបានចំនួន៤២៥១១៦១លានរៀល ត្រូវជា១០៦២,៧៩លានដុល្លារកើនឡើង១៧,៩៣ភាគរយ បើធៀបទៅនឹងឆ្នាំ២០១។របាយការណ៍នេះ ត្រូវបានបង្ហាញឱ្យដឹងនៅក្នុងកិច្ចប្រជុំបូកសរុបលទ្ធផលប្រមូលចំណូលពន្ធប្រចាំត្រីមាសទី៤និងប្រចាំឆ្នាំ២០១៤ ដែលបានរៀបចំធ្វើកាលពីថ្ងៃទី១២មករាឆ្នាំ២០១៥ ។
របាយការណ៍ដដែល ក៏បានបង្ហាញឱ្យដឹងដែរថា នៅក្នុងខែធ្នូឆ្នាំ២០១៤កន្លងទៅ នាយកដ្ឋានពន្ធដារបានប្រមូលនិងបង់ប្រាក់ពន្ធចូលថវិការដ្ឋបានចំនួន៤១៤៣១៥លានរៀល ត្រូវជា១០៣,៥៨លានដុល្លារ កើនឡើង៣៦,៥៣ភាគរយធៀបនឹងចំណូលពន្ធកាលពីខែវិច្ឆិកាឆ្នាំ២០១៤និងកើនឡើង១,៧៩ភាគរយ បើធៀបនឹងចំណូលពន្ធប្រចាំខែធ្នូក្នុងឆ្នាំ២០១៣។
នៅក្នុងកិច្ចប្រជុំនោះអគ្គនាយកដ្ឋានពន្ធដារបានដាក់ចេញនូវគោលការណ៍២ចំណុចដើម្បីប្រមូលចំណូលឱ្យគ្រប់តាមផែនការច្បាប់និងដើម្បីធានាបាននូវភាពជឿទុកចិត្តផ្នែកថវិកាសម្រាប់បម្រើកិច្ចការនយោបាយអាទិភាពរបស់រាជរដ្ឋាភិបាល និងការកែទម្រង់ការគ្រប់គ្រងហិរញ្ញវត្ថុសាធារណៈ ព្រមទាំងបង្កើនប្រសិទ្ធិភាព នៃការផ្តល់សេវាសាធារណៈនោះគឺការពង្រឹងរដ្ឋបាលចំណូលពន្ធដារនិងកំណែទម្រង់គោលនយោបាយពន្ធ៕
© រក្សាសិទ្ធិដោយ thmeythmey.com